- يالا يا جيس البيتزا هتبرد.
صوت كيندل بتنادي عليا بس ما اهتمتش بيها واهتميت بعين ليز المليانة بالدموع الي بصت داخل البيت تشوف مصدر الصوت...وبعدها بصيتلي بضعف وغضب في نفس الوقت.
يارب ما تفهم غلط! كيندل صحبتي بس!
========
- ليز مالك؟
حطيت أيدي علي خدها عشان امسح دموعها بس بعدت وشها عن أيدي ولفت ومشيت.
- ليز استني كيندل دي.........
ملحقتش أكمل كلامي لانها جريت بسرعة كبيرة زي سرعة البرق فأختفت من قدامي.
دخلت البيت تاني خدت مفاتيح عربيتي عشان ألحقها لازم افهمها أن كيندل صحبتي مش أكتر مش عايزها تفهم اني بخونها لأن انا عمري ما هعمل كدة.
- مين الي كان بيخبط؟...وبعدين انت رايح فين دلوقتي لسة قايلين في نشرة الأخبار أنها هتمطر بغزارة النهاردة!!
كيندل قالت بجدية وأنا مهتمتش وجريت علي برا ركبت العربية ومشيت بسرعة ناحية الإتجاه الي مشيت منه ليز.
فضلت انادي عليها بس مفيش رد.
جيه في بالي المكان الي قالتلي عليه قبل كدة أنها بتحب تقعد فيه لما بتتضايق.
روحت عليه ركنت العربية بعيد شوية عن المكان لأنه منحدر وبيطل علي البحر ممكن العربية تقع منه.
روحت علي المنحدر بس ملقتهاش.
وقفت علي حرف المنحدر بصيت لتحت للبحر كان غاضب أوي وبيخبط كتير في الصخور بقوة.
تنهدت ولفيت بيأس لقيت ليز في وشي مفيش بينا مسافة من خضتي رجعت لورا فكنت هقع في البحر من علي الارتفاع العالي ده..يعني انا ميت ميت!!
بس ليز مسكتني من تيشيرتي وفضلت بصالي كأنها بتقولي حياتك في أيدي دلوقتي.
لو سابت تيشيرتي هقع ولو شدتني هعيش.
بس انا مهمنيش وقولت.
- لو عايزة تسيبيني اقع مش فارق معايا...بس قبل ما اموت لازم افهمك الغلط الي في دماغك ده!!
- ماشي قدامك خمس دقايق قبل ما تقابل الملايكة!!
قالت بجدية واستغربت من كلامها!! هي بجد هتخليني أقع في البحر واموت!!
انا عادي مش فارق معايا الموت بس لو عملت كدة حزني مش هيبقي علي الموت..حزني هيبقي علي حب حياتي الي اتخدعت فيه!!
- ماشي...عموما البنت دي صحبتي أوي وبقالنا كتير مع بعض من قبل ما اقبلك اصلا وممكن تدخلي علي النت وتعرفي ده.
ابتسمت بسخرية وشدتني خلتني أقف علي رجلي تاني.
كنت متأكد أنها مش هتعمل كدة بس كلامها ده خلاني أعتقد أنها هتوقعني.
- اقدر أعرف سبب الابتسامة الغبية الي علي وشك دي ليه؟
- إبتسامة غبية!! *قالت بغضب*
انت فاكر اني مضايقة من كيندل!!
- يعني إنتي عارفاها أهو امال ليه مشيتي؟!
- ع..عشان......
- عشان ايه؟!
قلت بنبرة غاضبة وقربت منها زيادة.
سكتت شوية وبدأت تعيط...خدتها في حضني بعد ما اتحول غضبي لهدوء لما شفتها بتعيط.
- طب ليه بتعيطي دلوقتي!! في حاجة حصلت عندك تاني؟!
بعدت عني وبدأت تمسح دموعها.
- جا..جاستن إحنا لازم ننهي ...علاقتنا دي!
ايه؟! اكيد بتهزر...أي علاقة الي لازم تنتهي...
- دي كذبة أبريل صح!
ضحكت وبحاول اوهم نفسي أنها كذبة بس أكتشفت أننا مش في أبريل أصلا.
ليز متكلمتش خالص وفضلت باصة في الأرض.
- جاستن انا لازم أمشي.
مسكت معصمها وشدتها ناحيتي بقوة..مفيش بينا مسافة خالص وسندت جبيني علي جبينها.
- قوليلي أنك بتهزري...قوليلي أنك مش هتسيبيني.
قوليلي أنك بتحبيني.
صوتي أشبه بالهمس وفجأه قطرات ماية بدأت تنزل علينا بس مهتمناش بيها وفضلنا علي وضعنا.
- مينفعش.....
- هششش *حطيت صباعي علي شفايفها* أنا عارف ان ده كله من ورا قلبك...انتي لسة بتحبيني وعارف أن والدك هو الي قالك تعملي كدة!!
بس خليني اسمعها منك دلوقتي...قوليلي بحبك خليني اتأكد أنك لسة بتحبيني!!
دمعة نزلت من عيني بس غطيتها قطرات مياة المطر الي بدأت تنزل بغزارة.
صوت عياط ليز بدأ يعلي وانا ماسك رأسها وبنبص لبعض بضعف.
كل واحد مننا عايز يسمع من التاني أنه بيحبه ومش قادر يستغني عنه بس محدش فينا بيتكلم!!
- جاستن....أنا...
سكتت وبدأ صوت المطر والصمت يكون سيد المكان.
- ايوة قوليها...انتي إيه؟
ارتسمت ابتسامة صغيرة علي وشي بس راحت الابتسامة دي لما بعدت عني.
- انا لازم أمشي.
مشيت ناحية عربيتي وانا فضلت واقف مكاني مصدوم...هي كدة خلاص!!
بتحبني من قرون تقريبا وانا بحبها من أول ما شفتها وتيجي في الآخر تنهي علاقتنا بسهولة كدة!!
جريت وراها وكان نور مصابيح عربيتي هو الي منور ظلمة المكان...مسكت أيديها وقل.
"Lez please don't leave me.... I can't live without you"
"I'm sorry justin I can't...goodbye sweet heart" قالت واختفت من قدامي.
"Leeezaaaa" صرخت بأعلى صوت فيا عشان ترجع بس محصلش ده.
ركعت علي الأرض وفضلت اعيط بغضب أقسم إني هقتل والدها ده.
*End flash back*
________________________________
الي مش فاهم الفلاش باك ده بتاع إيه.
اصلا الرواية كلها من أولها لحد البارت ده في الماضى
من البارت الجاي بقي هيكون في الحاضر بعد ما ليز سابت جاستن.
يارب يكون البارت عجبكوا ❤❤
Vote and Comment pleeeez ❤
أنت تقرأ
Everything Has Changed
Fiksi Penggemarالحياه مملة. خاصة عندما تكون طويلة جدآ. فهل سيأتي من يغير كل شئ للأفضل!! أم سيغيرها للأسوء!! *characters* Justin Bieber: as himself Leza: Barbara Palvin Eric : Tyler Posey
