(imperyor na salin ng " The Letter" mula sa komersiyal ng Indigo)
Gaano na lámang akong napapagal
sa di-matimping distansiyang sa ati'y
namamagitan.
Gaano na lámang akong nananabik
na marinig ang silbato ng recess.
Nalimutan mo na ba ako?
Nawalan ng ganang alalahanin ako?
Sabihin mong hindi ako sumusulat
sa isang kawalan, pagkat
sa gayon matutulad
itong aking puso.
8 Hunyo 2015
2:06 nh
BINABASA MO ANG
sintones (isang antolohiya)
PoetrySinasabing sinasalamin ng isang akda ang karampot na katotohanan ng búhay; at sa ganang ito, ng mga akdang naririto, ang búhay at katotohanan ay ipaparis sa isang berdeng sintones. Maasim, bubot, magaspang. At ang kasariwaan, marahil, ay ibibigay na...