ayokong lumabas:
dahil sa init ng araw
bakâ masunog
ang puso ko't
pag-uwi ko'y
datnan mong
hindi na ako
nagmamahal
ayokong lumabas:
dahil mahal
ang mapalayô
sa píling mo
at bakâ maligaw ako,
hindi ko kabisado
ang mundong naglaho
ang yakap mo
ayokong lumabas
dahil ayoko:
subalit anong
magagawa,
kung di lang
kumakalam
ang mga sikmura,
ayoko sanang lumabas
18 Hunyo 2020 | 2:39 nh
BINABASA MO ANG
sintones (isang antolohiya)
PoetrySinasabing sinasalamin ng isang akda ang karampot na katotohanan ng búhay; at sa ganang ito, ng mga akdang naririto, ang búhay at katotohanan ay ipaparis sa isang berdeng sintones. Maasim, bubot, magaspang. At ang kasariwaan, marahil, ay ibibigay na...
