"Ako na jud!"

PROLOGUE

"Merry Christmas!", nishagit kog kusog, pasko gud. Tradisyon gyud sa Pilipinas nga kung pasko gani, naa gyud ang tanang miyembro sa pamilya. Magpinasayloay ang tanan. Maghiusa sa pagsugat sa pasko. Syempre, kompleto gyud ang akong family. Bisag maglalis mi sa akong ate permi, og kay pasko man – cease fire sa mi karon! Hehehe maldita man gud mi pareho. .

Ako diay si Kristine Archival – Tin for short. Gwapa, sexy, hamis ug kutis, pero maba lang. Pero kevz rako ana, kay di man xd ko unano. Maba slight lang naman.

"Tin, si Juvy oh, nanawag.", singgit sa akong balaang inahan samtang nagagunit sa telepono – char, naa mi telepono ha, pero dili mi datu, slight lang. . .

Si Juvy – usa sa akong mga higala sukad pa gyud sa high school pa mi. Kaila na kaayo namo ang usag-usa. Maski ang parobito nakong panty kahibaw siya unsay color! Hahah

"Hey Juv--",

"Merry Christmas Tin. .I love you!", ang kigwa nishagit. . Sakitas eardrum oe. .

"Hoy ungo, kung makashagit ka, murag naay sunog te? . .Merry Christmas pod ungo, I love you. .",

"Excited nako unya Tin, magkita ta nila Jean ug Icy.", nakaugalian naman gud namong magbarkada nga magkita jud sa adlaw nga pasko. . Dah as usual oe, magcheka ra about sa mga kiki nga dili ma.amo!

"Char, nagkita pa gani ta last time. Pero syempre oe, ako xd, excited na. .Kumosta na kaha sila Icy ug Jean noh.",

"Bitaw, taod2x na pod ta wa nagkita nila.. Basta ha, unya kita ta, pagdala ug daghang pagkaon, kahibaw na baya kang Icy ug Jean, palakaon kaayo.", nakatawa ko sa iyang giingon. .tinuod man xd gud nga dagko kaayo ug kaon to sila. Pero hoy, wala ko nanlibak ha, mao lang na ang tinuod.

"Sige2x, see yah unya Juv. .bye".. ug end call, nag.bye na gud ko.. syempre end na..

Pilahay may storya niabot ang buntag, kay kadlawon man to kanina, so buntag na ron. .mag-andam nako para dad-on nako unya. .kung moingon gani nga daghang pagkaon, aw expect nalang nga fiesta ang labas ana. Actually palakaon man xd kaayo ko, di lang halata kay sexy man ko bayot! Sexy man pod akong mga friends, pero MAS lang jud ko. Ingon gani si Icy nga mura daw ko ug si Dendin Lazaro – katong player ug UAAP balibol sa Ateneo gani. Ambot oe nganung kato gyud siya, pwede raman unta ug si Nina Dobrev akong kapareha.

"La la la la.. .jingle bell, jingle bell, jingle all the way...", kanta2x pako samtang ako nang gisulod sa dakong tupperware ang akong mga dad.onon.

"Ah, mag-feeding ka Tin? Daghana'g dala ah.", akong hitsuraan nga maguwang namantay na xd. Pero dili ko magminaldita karon kay Pasko man! So nilingi rako niya ug ni-smile. . Pina-smile sa bao! Unsaon jud ang smile sa bao?

Wala jud nako siya pamatia sa uban pa niyang gisolti, blah, blah, blah. . .

"Bye sis. . Merry Christmas!", solti nako dayun gora na dayun si oka.

Duol raman pod among abutanan oe, naa raman gud mi sa usa ka subdivision, oh sosyal diba! Adto mi sa among tambayan nga gihinganlan namo ug "lane", way magbuot sa ngalan ha, basta mao nana.

Pag-abot nako didto syempre naa na silang tulo, naglakaw pa baya ko gikan sa amoa – kapoy kaayo sis, kutas, naa baya ko dalang tupperware.

"Tin.... I miss you, unsa imong dala?",

"So nag-I miss you lang ka nako tungod kay naa koy dala Icy? Ka.baboy gyud nimo oe, sigeg kaon, pag-diet oe.", solti pod nako niya. .

"Wala na na-register sa akong dictionary ang word nga diet Tin, so please lang stop teaching me what to do, duh!", ayay nag-English pang kurimaw nya pa roll2x pa sa mata. .