Hell University (PUBLISHED)

Chapter 8

Chapter 8: Danger

Vanessa's Point of View

Tatayo na sana ako sa aking kinauupuan para sundan si Matt sa pagpunta kay Zein ngunit hindi pa man ako tuluyang nakakatayo ay buhat-buhat na ito ni Matt.

Banayad lamang itong naglalakad habang buhat-buhat si Zein ngunit kapag tumingin ka sa kanyang mata ay alam mong kahit na anong oras ay sasabog ito sa galit. Ngayon ko lang syang nakitang ganon.

"Isugod nyo na sa clinic!" Dinig kong sigaw ni Mia mula sa aking likod.

Buhat-buhat na ng guard si Dave na wala ring malay. Kapansin-pansin ang panunuyo ng balat nito.

Shit! Masama ito!

"Everyone na hindi involved sa pangyayari. Maiwan kayo." Sigaw ni Madame Violet na malawak ang ngisi.

Naikuyom ko ang aking kamao. Anong klaseng namumuno sya? Nagawa nya pang magsaya kahit na nag-aagaw buhay ang dalawang estudyante. Shit!

"I must say.... umpisa na ang pagdanak ng dugo." Bulong ng katabi ko na may dalang wine.

Ito ang babaeng nagsabi na drugs iyon. Ang natatanging babae na kasapi ng Black Blood Gang.

"Shut up, bitch."

Iniwan ko na sya roon sa table namin at tumakbo papunta sa clinic. Habang tumatakbo ako ay maraming katanungan ang tumatakbo rin sa aking isip.

Sino ang may gawa non? Anong pinaplano nya? Bakit nya ginawa iyon? Kami ba ang puntirya nya?

Shit!

Naabutan kong humahagulgol si Mia sa labas ng clinic habang pinapatahan ni Jerome. Si Matt naman ay nakatulala at malalim ang iniisip.

"Sino sa tingin nyo ang may kagagawan nito?" Tanong ko.

Tumingin sa akin si Matt ng nakangisi habang umiiling. Anong problema nya?

"Sino sa tingin mo, Vanessa?" Balik na tanong nya.

"Hindi ko alam. Wala akong ideya." sambit ko.

Muling binalot kami ng katahimikan. Mejo tumahan na rin si Mia sa pag-iyak.

"Maari na kayong pumasok..." bungad sa amin ng school nurse na si Nurse Cha.

Pumasok kami sa loob at naabutan ang walang malay na si Zein at Dave. Nawala na ang panunuyo ng balat ni Dave subalit ang kay Zein ay meron pa at parang mas lumalala pa.

"Isang klase ng pinagbabawal na droga ang naihalo sa alak, hindi biro ang dossage nito kaya ganon na lang ang nangyari. Maya-maya lang ay gising na si Dave, habang si Zein ay kailangan pang obserbahan." Sambit nito sa amin.

Nanlumo ako dahil sa sinapit nila. At the same time ay galit na galit sa kung sino mang hayop na gumawa sa kanila nito. Demonyo sila.

"Ang ipinagtataka ko lang ay bakit ganoon ang epekto kay Ms. Shion. Malala masyado." Nakakunot na dugtong nito.

"Paanong nangyari 'yon? Pareho lang naman silang uminom non?" Tanong ni Mia.

Oo nga. Bakit naging malala ang kay Zein? Bakit parang may mali na naman?

"Hindi ko rin alam, but maybe kumporme iyon sa dami ng nainom nila."

"Nakadalawang baso lang si Zein! Marami na ang nainom ni Dave! Bakit parang baliktad?" Tanong ni Jerome.

"Hindi ko pa masasagot 'yan ngayon but we will conduct an investigation about this. Don't worry, once na nalaman na namin ang sagot. We will inform you. Excuse me." Lumabas ito ng clinic.