Hell University (PUBLISHED)

Chapter 44

Chapter 44: Too

Zein's Point of View

Agad na kumunot ang noo ko nang mapansin na iba ang ikinikilos ng lahat. Kadalasan sa mga babae ay humahagikgik na animo'y kinikilig.

Sumulyap ako kay Supremo na diretso lang ang tingin.

"Anong meron?" Tanong ko sa sarili ko.

Nagpaalam ako kay Supremo dahil may pasok pa ako. Pagkapasok ko ay ganon pa rin ang dinatnan ko sa classroom, humahagikgik ang karamihan. Tumabi ako kay Vanessa na pinaglalaruan ang ballpen pero mahinang tumili nang makita ako.

Nagtatakang pinanuod kong ayusin nilang dalawa ni Mia ang kanilang silya at iniharap sa akin. Nag-uusap naman ang mga boys na paminsan-minsan ay humahagalpak.

"Ano na?!" Tanong ni Mia na halatang excited.

Ano ba talagang nangyayari sa HU at parang outdated na ako? I mean, I am the SSG Secretary, ako dapat ang isa sa unang nakakaalam ng balita bago ito sumama sa hangin.

"Anong ano na?!" Mejo iritang tanong ko.

Nagkatinginan naman sina Mia at Vanessa na parang nag-uusap sa mga mata. Bored na nakatitig lang ako sa kanila dahil wala talaga akong maintindihan.

"Hindi mo alam?" Tanong naman ni Vanessa. Mabilis na umiling naman ako kaya namilog ang mata nya na parang hindi makapaniwala. "Hindi talaga?" Ulit pa nya.

"Hindi nga e! Ano ba 'yon?!"

"Wala ngang alam.." Amazed na bulong ni Mia bago humagikgik.

Psh.

"Ikaw na lang ata ang hindi nakakaalam." Wika pa ni Mia.

Napangiwi ako sa inis at pinigilan ang sarili kong hambalusin sila ng bag ko. Bakit ba hindi na lang nila sabihin sa akin nang sa ganon ay alam ko na kung ano ang tinutukoy nila? Hindi 'yung pabitin. Damn! Curiosity is killing me.

Humalakhak silang dalawa na muli kong ikinangiwi.

"We won't tell you..." Nakangising wika ni Vanessa na ikinalaglag ng panga ko.

Like, What The Fuck?! Alam talaga nila akong inisin. "Come on! Sabihin nyo na!" Inis na wika ko.

Umiling si Mia at humalukipkip pero hindi nya naitago ang pasimpleng pagngisi nya. These girls! UGH! Ano ba talaga 'yon?

"Anong pinag-uusapan nyo?" Tanong ni Matt na nakatingin sa akin.

Natawa ako nang hilain ni Vanessa ang kwelyo nya at may ibinulong. Ganon din ang ginawa ni Mia kina Dave at Jerome na ngayon ay kapwa nakangisi na.

Ok?

"H-Hindi mo talaga alam?" Manghang tanong ni Matt.

"Kung sasabihin nyo baka malaman ko na." Inis na wika ko na ikinahalakhak nilang lima.

GHAD! Nakatrip ang gang na 'to ngayon! Ano ba talagang nangyayari? Hindi ko naman matanong sa iba dahil parang na-i-intimidate sila kapag nasa harap nila ako at nauutal.. kung minsan ay lumalayo pa sa akin.

Anak ng-- Calm, Zein. Malalaman mo rin 'yan. Easy.

"I like your face..." Pang-iinis ni Dave na nakipag-apir pa kay Jerome.

"Like your face!"

Humalukipkip na ibinalin ko sa harap ang aking paningin pero batid ko pa rin ang nang-aasar na tingin nila sa akin.

"Supremo?!"

Mabilis na napatingin ako kung saan nakatingin si Jerome pero agad ding kumunot ang noo ko nang makitang wala naman doon si Supremo.