Hell University (PUBLISHED)

Chapter 23

Chapter 23: Bloody Week

Zein's Point of View

Nakakapanibago. Sanay na akong nakikitang tahimik ang lahat pero iba ngayon, ramdam ko ang takot at pangamba sa kanila. Bakas sa mukha nila na hindi talaga sila mapakali.

Hindi naman pwedeng hindi pumasok dahil baka si Supremo ang magdala sa kanila sa kamatayan.

"Nangingilabot ako," sambit ni Mia na nakayakap sa kanyang sarili habang nakatingin sa mga dumadaan.

"Shh. Ang mahalaga ngayon ay sama-sama tayo. Walang hihiwalay sa atin." Pagpapaalala ni Matt.

Andito kami sa wide space, nakaupo sa mga bench. Makulimlim ang langit at parang ikinukubli ng mga ulap ang araw na mas nagpapadagdag sa aming kilabot.

"'Yon palang mga pang depensang ibinigay ko sa inyo. Huwag nyong ilalabas unless kailangan talaga." Muling pagpapaalala ni Dave.

Muli kong naalala ang kahon na ibinigay sa akin ni Supremo. Ang laman nito ay isang ibang klaseng patalim. Hindi ko 'yon dinala, iniwan ko sa drawer ko. Hindi ako hahawak ng patalim, kahit na bigay ni supremo.

"Ahhh!"

Napatayo kami sa kinauupuan namin nang marinig ang isang sigaw mula sa isang silid-aralan. Agad naming natunton ang silid-aralan na 'yon dahil sa mga studyante na tumakbo rin papunta roon.

Ipinagsiksikan ko ang aking sarili sa karamihan ng mga nanunood na estudyante.

Napatakip ako sa aking bibig dahil sa nakikita ko.

"W-Why are you doing this?" Tanong ng isang babae sa babaeng nakatayo na may hawak na kutsilyo.

Ang babaeng nakaupo sa sahig ay naliligo sa kanyang sariling dugo galing sa kanyang braso na sa tingin ko ay ang babaeng may hawak na kutsilyo ang gumawa.

"Bakit?! Mang-aagaw ka!"

"Wala akong inaagaw sa'yo!"

Mariin akong napapikit nang biglang tinadyakan ng babaeng may hawak na kutsilyo ang sikmura ng babaeng nakaupo kaya halos mamaluktot ito sa sakit.

I can't just stand here! I need to do something! Baka mapatay nya ang babaeng 'yon.

Mariin akong napapikit bago naglakad papunta sa dalawa ngunit dalawang hakbang palang ang nagagawa ko nang hilain ako ni Matt.

"You can't do anything to save her, Zein. Baka mapagbuntungan ka rin nya ng galit."

"Pero Matt. Kung hindi ako kikilos, mapapatay nya ang babaeng 'yon." Turo ko sa babaeng umuubo ng dugo dahil sa muling pagsipa ng babae sa kanyang sikmura.

"What is the purpose of this bloody week if no one will die? Zein, wala tayong magagawa. Legal ang pagpatay ngayon!"

Muli ko na lang ibinalik sa eksena ang aking mata. Tama sya, legal na pala ang pagpatay ngayon, wala ako, kaming magagawa kundi ang panoorin silang magpatayan.

UGH! This is insane!

"Sorry. You should die now."

Tumalikod na ako at naglakad palayo nang inambahan na ng saksak ang babaeng nakaupo sa sahig. Malamang napatay na nya.

"Zein!"

Hindi ko pinansin sina Mia na tinatawag ang aking pangalan. Nakakainis! Wala akong magawa!

Napahinto ako sa paglalakad nang harangin ako ni Vanessa na masama ang tingin sa akin.

"Nag-uumpisa palang Zein. Hindi mo pa talaga nasasaksihan ang mas malala pa rito pero bumibigay ka na agad." Sambit nya sa akin.