ﺍﻟﻤﻬﻢ ﺣﺎﻭﻟﻮ ﺗﻔﻬﻤﻮ ... ﺧﺪﻳﺖ ﻟﻴﻪ ﺗﻴﺸﻮﺭﺕ ﻓﺎﻟﻜﺤﻞ ﺣﺘﻰ ﻫﻮ ﻛﺒﻴﺮ ﺍﻛﺒﺮ ﻃﺎﻱ ﻭﺳﺮﻭﺍﻝ ﻓﺎﻟﻜﺤﻞ ﻭﻗﻤﻴﺠﺔ ﻓﺎﻟﻜﺤﻞ ﻭﻣﻮﻧﻄﻮ ﻓﺎﻟﻜﺤﻞ ﻭﺗﻘﺎﺷﺮ ﻓﺎﻟﻜﺤﻞ ﻛﻠﺸﻲ ﻛﺤﻞ ﻣﻤﻤﻢ ﺃﺵ ﻏﻴﺨﺼﻪ ﺗﺎﻧﻲ؟؟ﻛﻮﻥ ﻏﻴﺮ ﻟﻘﻴﺖ ﻣﺮﺍ ﻣﻠﻴﻮﺣﺔ ﻓﺎﻟﻐﺎﺑﺔ ﻛﺎﻥ ﻏﻴﺴﻬﺎﻝ ﻋﻠﻴﺎ ﻧﺸﺮﻳﻠﻴﻬﺎ ﻭﻟﻜﻦ ﺭﺍﺍﺍﺟﻞ !!! ﺗﻔﻜﺮﺕ ﺩﻳﻚ ﺍﻟﺸﻌﻜﺎﻛﺔ ﻭﺍﻟﻐﻮﻓﺎﻟﺔ ﻭﻣﺸﻴﺖ ﻟﺒﻼﻳﺺ ﺩﻳﺎﻝ ﺍﺩﻭﺍﺕ ﺍﻟﺘﺠﻤﻴﻞ ﺧﺪﻳﺖ ﻣﺎﻛﻴﻨﺎﺕ ﺍﻟﺤﺴﺎﻧﺔ ﻭﺩﻛﺸﻲ ﺩﻳﺎﻟﻬﻢ ﻭﻛﻨﺰﺭﺏ ﻛﻨﺤﺲ ﺑﻠﻲ ﺍﻟﻨﺎﺱ ﻛﻠﻬﻢ ﻛﻴﺸﻮﻓﻮﻓﻲ ﺍﺣﺴﺎﺱ ﺧﺎﻳﺐ ﺑﺰﺍﻑ ... ﺧﻴﺐ ﻣﻦ ﻓﺎﺵ ﺗﻘﻄﻊ ﻟﻴﺎ ﺍﻟﺴﺮﻭﺍﻝ ﻓﺎﺵ ﻛﻨﺖ ﻛﻨﺪﻳﺮ ﺍﻟﺴﺒﻮﺭ ﻓﺎﻟﺒﺎﻙ ﻭﺍﻟﻨﺎﺱ ﺿﺤﻜﻮ ﻋﻠﻴﺎ ﻫﻬﻬﻪ ﻛﻮﻥ ﻏﻴﺮ ﻳﺘﻘﻄﻊ ﺩﺍﺑﺎ ﻭﻣﻨﻀﻄﺮﺵ ﻧﺤﺲ ﺑﻬﺎﺩﺷﻲ ﻟﻲ ﻛﻨﺤﺲ ﺑﻴﻪ ﺩﺍﺑﺎ . ﻫﺰﻳﺖ ﺩﻛﺸﻲ ﻛﺎﻣﻞ ﺧﻠﺼﺖ ﻭ ﺩﺭﺗﻮ ﻓﺎﻟﻄﻤﻮﺑﻴﻞ ﻟﻮﺭ ﺩﻳﻤﺎﺭﻳﺖ ﻃﻠﻌﺖ ﻟﻠﺪﺍﺭ ﺩﺧﻠﺖ ﺍﻟﺪﺍﺭ ﺳﺎﻗﻠﺔ ﻣﻜﺎﻳﻦ ﺣﺪ ﺍﻭﻳﻠﻲ ﻓﻴﻦ ﻳﻜﻮﻥ ﻣﺸﺎ ﻫﺎﺩ ﺍﻟﻮﻳﻞ؟ﻣﻜﺎﻳﻨﺶ ﻓﺎﻟﺼﺎﻟﻮﻥ ﺣﻄﻴﺖ ﺍﻟﻤﻴﻜﺎﺕ ﻭﻣﺸﻴﺖ ﻛﻨﻘﻠﺐ ﺷﻮﻳﺔ ﻭﺍﻧﺎ ﻧﻘﻔﺰ ﺧﻠﻌﻨﻲ ﻛﺎﻥ ﻣﻮﺭﺍﻳﺎ ﻭﺍﻗﻒ - ﺍﻭﻭﻭﻭﻭﻭﻭﻓﻔﻔﻒ ﺣﺮﺍﻡ ﻋﻠﻴﻚ ﺧﻠﻌﺘﻴﻨﻲ ﻓﻴﻦ ﻛﻨﺘﻲ؟ désolé- ﻛﻨﺖ ﻛﻨﻄﻞ ﻣﻦ ﺍﻟﺸﺮﺟﻢ - ﺍﻭﻳﻴﻴﻠﻲ ﺷﺪﺍﻙ ﻟﻠﺸﺮﺟﻢ ﻏﻴﺸﻮﻓﻮﻙ ﺍﻟﻨﺎﺱ ﻏﻴﺴﺤﺎﺑﻠﻴﻬﻢ ﻏﻴﺮ ﺍﻧﺎ ... ﺍﻧﺎ ... ﺍﻟﻢﻫﻢ ﻣﺘﻌﺎﻭﺩﻫﺎﺵ . ﻋﻼﺵ ﻋﻄﻴﺘﻴﻨﻲ ﺍﻟﻮﺭﻗﺔ ﺧﺎﻭﻳﺔ؟ ﺑﺪﺍ ﻛﻴﻘﻮﻝ ﺷﻲ ﺣﺎﺟﺔ ﻟﻲ ﺗﺎﻧﻲ ﻣﺴﻤﻌﺘﻬﺎﺵ ﺣﻴﺖ ﻛﻨﺖ ﻛﻨﺤﻨﺰﺯ ﻓﻴﻪ ﻭﺍﺍﺍﺍ ﺷﺤﺎﻝ ﻃﻮﻳﻞ ﻗﺪ ﺍﻟﺒﺮﺝ ﻛﻨﺒﺎﻥ ﻗﺪﺍﻣﻮ ﻛﻲ ﺍﻟﺠﺮﺍﻧﺔ ﺍﻧﺎ ﻓﻴﺎ ﻣﻴﺘﺮﻭ ﻭﺳﺘﻴﻦ ﻛﺎﻥ ﻛﻴﺼﺤﺎﺏ ﻟﻴﺎ ﺭﺍﺳﻲ ﻋﺎﺩﻳﺔ ... ﺩﺑﺎ ﻋﺮﻓﺖ ﺭﺍﺳﻲ ﻗﺼﻴﺮﺓ ...- ﺩﻛﺸﻲ ﻋﻼﺵ . ﻫﺎﻫﻮ ﺗﺎﻧﻲ ﺳﺎﻻ ﻭﺍﻧﺎ ﻣﺴﻤﻌﺖ ﺣﺘﺎ ﺟﻤﻠﺔ ... - ﺻﺎﻓﻲ ﻣﺎﺷﻲ ﻣﺸﻜﻞ ﺧﻮﺩ ﺍﻟﻤﻴﻜﺎﺕ ﺭﺍﻫﻮﻣﺎ ﺣﺪﺍ ﺍﻟﺒﺎﺏ ﺍﻧﺎ ﻏﺎﺩﻱ ﺩﻣﺸﻲ ﻋﻨﺪ ﻭﺍﺣﺪ ﺻﺎﺣﺒﺘﻲ ﺳﺎﻛﻨﺔ ﻓﻮﻕ ﻣﻨﺎ ﺷﻮﻳﺔ ﻭﻧﺠﻲ ﺍﻭﻛﻲ؟ ﺷﺎﻑ ﻓﻴﺎ ﻣﻦ ﺍﻟﻔﻮﻕ ﻟﻠﺘﺤﺖ ﻭﺭﺟﻊ ﻟﻮﺟﻬﻲ ﺭﻛﺰ ﻋﻠﻰ ﻋﻴﻨﻴﺎ ﻭﻓﻤﻲ ﻭﺭﺟﻊ ﻟﻌﻴﻨﻴﺎ ﻭﻗﺎﻝ - bien sûr ﺧﻮﺩﻱ ﺭﺍﺣﺘﻚ ﻃﻠﻌﺖ ﺍﻟﻔﻮﻕ ﻋﻨﺪ ﺳﻨﺎﺀ ... ﺑﻼ ﺷﻚ ﻋﻘﻠﺘﻮ ﻋﻠﻴﻬﺎ ﺻﺎﺣﺒﺘﻲ ﻟﻲ ﻓﻼﻓﺎﻙ ﺩﻗﻴﺖ ﺣﻼﺕ ﻟﻴﺎ ﻭﻫﻲ ﻛﺘﻬﻀﺮ ﻓﺎﻟﺘﻠﻔﻮﻥ ﺩﺧﻠﺖ ﻋﻨﺪﻫﺎ ﻟﻠﺒﻴﺖ ﻣﺮﻭﻥ ﺍﻟﻤﺎﺭﻳﻮ ﻛﻠﻮ ﻣﺠﺒﻮﺩ ﻗﻄﻌﺎﺕ - ﻧﺎﺭﻳﻴﻴﻲ ﺯﻳﺰﻱ ﺟﺎﺑﻚ ﺍﻟﻠﻪ ﻣﺎﻋﻨﺪﻳﻴﻲ ﻣﺎﻧﻠﺒﺲ ﺍﺟﻲ ﺧﺘﺎﺭﻱ ﻣﻌﺎﻳﺎ ﻻ ﻣﻦ ﻧﻴﺘﻚ؟ﻫﺪﺷﻲ ﻛﺎﻣﻞ ﻭﻣﻌﻨﺪﻙ ﻣﺘﻠﺒﺴﻲ؟ ﻭﺍﺧﺎ ﻫﻜﺪﺍﻙ ﺑﻘﺎﺕ ﻓﻴﺎ ﻣﺴﻜﻴﻨﺔ ﻫﻬﻬﻪ ﺑﻘﻴﻨﺎ ﺳﻌﺘﺎﻳﻦ ﻛﻨﺨﺘﺎﺭﻭ ﻟﻴﻬﺎ ﺷﻨﻮ ﺗﻠﺒﺲ ﺍﻧﺎ ﻭ ﻫﻨﺪ ﺍﻟﻜﻮﻟﻮﻙ ﺩﻳﺎﻟﻬﺎ ﻗﺎﺩﻳﻨﺎﻫﺎ ﻭﻭﺟﺪﻧﺎﻫﺎ -ﺻﺎﺍﺍﻓﻲ ﺩﺑﺎ ﺍﻟﻌﻮﺝ ﺩﻳﺎﻟﻚ ﻏﻴﺠﻴﺐ ﻣﻮ ﻭﺍﻟﻌﺪﻭﻝ ﻣﺎﺷﻲ ﻏﻴﺮ ﻏﺎﻳﺨﻄﺒﻚ - ﻫﻬﻬﻬﻬﻬﻪ ﻣﻦ ﻓﻤﻚ ﻟﺮﺑﻴﻴﻴﻲ ﺧﺮﺟﻨﺎ ﻣﻦ ﺍﻟﺪﺍﺭ ﺗﺴﺎﻟﻤﻨﺎ ﻭﻧﺰﻟﺖ ﻟﺪﺍﺭﻱ . ﻛﺎﻥ ﺑﺎﻣﻜﺎﻧﻲ ﻧﺴﻜﻦ ﻣﻊ ﺍﻟﺒﻨﺎﺕ ﻭﻟﻜﻦ ﺍﻧﺎ ﻣﻦ ﺍﻟﻨﻮﻉ ﻟﻲ ﻣﺴﺘﺤﻴﻞ ﻳﺴﻜﻦ ﻣﻊ ﺷﻲ ﺣﺪ ﻭﻳﺘﺎﻗﻠﻢ ﻣﻌﺎﻩ ... ﻛﻨﺒﻐﻲ ﻧﻜﻮﻥ ﺑﺤﺪﻱ ﻧﻔﻴﻖ ﻭﻗﺖ ﻣﺎﺑﻐﻴﺖ ﻧﻨﻌﺲ ﻭﻗﺖ ﻣﺎﺑﻐﻴﺖ ﻣﻴﺒﺮﺯﻃﻨﻲ ﺣﺪ . ﻛﻨﺖ ﻻﺑﺴﺔ ﺑﻴﺠﺎﻣﺔ ﻛﻤﺎﻣﻬﺎ ﻃﻮﺍﺍﻝ ﺑﺰﺍﻑ ﻫﻬﻪ ﻓﺎﻟﻐﻮﺯ ﺗﺮﻳﻜﻮ ﻭﺳﺮﻭﺍﻝ ﺟﺎﻣﻌﺔ ﺷﻌﺮﻱ ﻭﺷﻮﻳﺔ ﺩﺍﻟﺸﻌﺮ ﻃﺎﻳﺢ ﻟﻴﺎ ﻋﻠﻰ ﺟﺒﻬﺘﻲ ﺩﺧﻠﺖ ﻟﻠﺪﺍﺭ ﻣﺸﻴﺖ ﻟﺒﻴﺘﻲ ﺧﺪﻳﺖ ﺍﻟﻔﻴﺘﺎﻣﻴﻦ ﻏﺎﺩﻳﺔ ﻟﻠﺼﺎﻟﻮﻥ ﻧﻌﻄﻴﻪ ﻟﻮﻳﻞ ﻭﻗﻔﺖ ﻓﺒﻼﺻﺘﻲ ﺗﺼﺪﻣﺖ ﺷﻜﻮﻥ ﻫﺬﺍﺍﺍﺍﺍﺍ؟؟؟؟؟ · · ·
