ﻣﺎﻣﺎﺍﺍﺍﺍﺍﺍﺍ ﻣﺸﻴﺖ ﻛﻨﺠﺮﻱ ﻭﻧﻘﺰﺕ ﻟﻌﻨﺪﻫﺎ ﻛﻨﺒﻜﻲ - ﻣﺎﻣﺎﺍﺍ ﺗﻮﺣﺸﺘﻚ ﻣﺎﻣﺎ ﻣﺴﻜﻴﻨﺔ ﺷﺪﺍﺗﻨﻲ ﻭﻛﺘﺒﻮﺱ ﻭﻛﺘﻌﻨﻖ - ﺣﺒﻴﺒﺔ ﺩﻳﺎﻝ ﻣﺎﻣﺎﻫﺎ ﺍﺧﺮ ﻣﺮﺍ ﺗﻐﺒﺮﻱ ﻋﻠﻴﺎ 3 ﺷﻬﻮﺭ ،ﺑﻼﺗﻲ ﻧﺸﻮﻑ؟ﺿﻌﺎﻓﻴﺘﻲ . ﺑﺎﻳﻨﺔ ﻋﺎﻃﻴﺎﻫﺎ ﻏﻴﺮ ﻟﻤﺎﻛﻠﺔ ﺩﺍﻟﺰﻧﻘﺔ ... ﻧﻬﻀﺮ ﺷﻮﻳﺔ ﻋﻠﻰ ﻋﺎﺋﻠﺘﻲ ﻣﺎﻣﺎ ﻓﻌﻤﺮﻫﺎ 45 ﻋﺎﻡ ﺳﻤﻴﺘﻬﺎ ﺣﻴﺎﺓ ﺍﺳﺘﺎﺫﺓ ﺩﻳﺎﻝ ﺍﻟﻔﺮﻧﺴﻴﺔ ﻣﺮﺍ ﺣﻨﻴﻨﺔ ﻭﻣﺜﻘﻔﺔ ﻭﺩﻳﺎﻝ ﺍﻟﺰﻣﺎﻥ . ﺑﺎﺑﺎ ﺳﻌﻴﺪ ﻓﻌﻤﺮﻭ 47 ﺣﺘﺎ ﻫﻮ ﺍﺳﺘﺎﺫ ﺩﻳﺎﻝ ﺍﻟﻔﺮﻧﺴﻴﺔ . ﺗﻼﻗﺎﻭ ﻓﺎﻟﺨﺪﻣﺔ . ﻛﻴﺒﻐﻴﻮ ﺑﻌﻀﻴﺎﺗﻬﻢ ﺑﺰﺍﻑ ﺍﻧﺎ ﺍﻟﻮﺳﻄﺎﻧﻴﺔ ﻋﻨﺪﻱ ﺧﺘﻲ ﻛﺒﺮ ﻣﻨﻲ ﻭﺧﻮﻳﺎ ﺻﻐﺮ ﻣﻨﻲ ﻭﺧﺘﻲ ﺻﻐﺮ ﻣﻨﻲ ﺍﺧﺮ ﺍﻟﻌﻨﻘﻮﺩ ﻓﻌﻤﺮﻫﺎ 5 ﺳﻨﻴﻦ ﻋﺎﺋﻠﺘﻨﺎ ﻣﺘﻮﺳﻄﺔ . ﻛﻨﺴﻜﻨﻮ ﻓﺪﺍﺭ ﻓﻴﻬﺎ 3étages ﻭﻭﺍﺣﺪ ﺍﻟﺠﺮﻳﺪﺓ ﻫﻲ ﺍﻟﺒﻼﺻﺔ ﺍﻟﻤﻔﻀﻠﺔ ﻟﻴﺎ ﻛﻨﺰﺭﻉ ﻓﻴﻬﺎ ﺍﻟﻮﺭﺩ ﻭﺍﻟﺸﺠﺮ ﻭﻛﻨﺮﺑﻲ ﻓﻴﻬﺎ ﺍﻟﻤﺸﺎﺵ . ﺩﺍﺭﻧﺎ ﻓﺮﺣﻮ ﺑﻴﺎ ﺑﺰﺍﻑ . ﺧﺘﻲ ﻣﻼﻙ ﺍﻟﺼﻐﻴﺮﺓ ﻛﺎﻧﺖ ﻛﺘﻄﻴﺮ ﺑﺎﻟﻔﺮﺣﺔ ﺟﺎﺑﺖ ﻟﻴﺎ ﻛﺎﻉ ﻧﻮﻧﻮﺳﺎﺕ ﻭﻣﻨﻴﻜﺎﺕ ﺩﻳﺎﻟﻬﺎ ﺍﻟﺠﺪﺍﺩ . ﺷﺤﺎﻝ ﺻﻌﻴﺒﺔ ﺗﻜﻮﻧﻲ ﺳﺎﻛﻨﺔ ﺑﻌﻴﺪ ﻋﻠﻰ ﻋﺎﺋﻠﺘﻚ . ﺍﻟﺒﻨﺎﺕ ﻟﻲ ﻛﻴﻘﺮﺍﻭ ﺑﻌﻴﺪ ﻏﻴﻔﻬﻤﻮﻧﻲ ﻣﺰﻳﺎﻥ . ﻛﺘﺘﻮﺣﺸﻲ ﺍﻟﺠﻮ ﺍﻟﻌﺎﺋﻠﻲ ﻭﺍﺧﺎ ﻣﻴﻜﻮﻥ ﺧﺎﺻﻚ ﺣﺘﻰ ﺣﺎﺟﺔ - ﺯﻳﺰﻓﻮﻧﺔ ﺩﻳﻨﻲ ﻣﻌﺎﻙ ﻋﻔﺎﻙ ﺧﻮﻳﺎ ﺍﻣﻴﻦ ﻫﺪﺍ ﻟﻲ ﻗﺎﻟﻬﺎ ﻛﻴﻘﺮﺍ ﻓﺎﻟﺘﺎﺳﻌﺔ - ﻧﺪﻳﻚ ﻣﺎﻟﻨﻲ ﻏﺎﺩﻳﺔ ﻟﺪﺑﻲ ﺭﺍﻩ ﻏﻴﺮ ﺍﻟﻘﺮﺍﻳﺔ ﻭﺍﻟﺘﻜﺮﻓﻴﺺ ﺩﺍﺑﺎ ﺗﻜﺒﺮ ﻭﺗﻌﺮﻑ - ﺍﺳﻴﺮﻱ ﺭﺍﻧﻲ ﻛﺒﺮﺕ - ﻫﻬﻬﻬﻬﻼ ﺑﺎﻳﻨﺔ ﺩﻭﺯﺕ ﺍﻟﻨﻬﺎﺭ ﻛﻠﻮ ﻣﻊ ﻋﺎﺋﻠﺘﻲ ﻓﺎﻟﻀﺤﻚ ﻭﺍﻟﻨﺸﺎﻁ ﻓﺮﺣﻮ ﺑﺰﺍﻑ ﺑﺎﻟﻜﺎﺩﻭﺍﺕ . ﺗﻮﺣﺸﺖ ﺍﻟﻤﺎﻛﻠﺔ ﺩﻳﺎﻝ ﻣﺎﻣﺎ . ﺧﺘﻲ ﺍﻟﻜﺒﻴﺮﺓ ﺳﻜﻴﻨﺔ ﻣﺰﻭﺟﺔ ﻭﻋﻨﺪﻫﺎ ﺑﻨﻴﺘﺔ ﻛﺘﺸﺒﻪ ﻟﻴﺎ ﻫﻬﻪ . ﺣﺘﻰ ﻫﻲ ﺟﺎﺕ ﺗﺸﻮﻓﻨﻲ . ﻓﺎﻟﻠﻴﻞ ﺧﻼﻭﻧﻲ ﺍﺧﻴﺮﺍ ﻧﺴﺘﺎﺭﺡ ﺑﺤﺪﻱ ﻓﺒﻴﺘﻲ . ﻣﺎﻣﺨﺘﺎﻟﻔﺶ ﺑﺰﺍﻑ ﻋﻠﻰ ﺑﻴﺘﻲ ﻟﻲ ﻛﺎﻳﻦ ﻓﺎﻛﺎﺩﻳﺮ ﺣﻴﺖ ﻛﻨﺒﻐﻲ ﺍﻟﺒﻴﺖ ﺩﻳﺎﻟﻲ ﻳﻜﻮﻥ ﺍﻧﻌﻜﺎﺱ ﻟﺸﺨﺼﻴﺘﻲ . ﻛﺎﻥ ﻣﺴﺒﻮﻍ ﺑﺎﻟﺒﻴﺾ ﻭﻣﻐﻄﻲ ﺏ papier peint ﻓﻴﻪ ﺍﺭﻧﺒﺎﺕ ﺻﻐﺎﺭ ﻓﺎﻟﻐﻮﺯ ﻧﺎﻣﻮﺳﻴﺔ ﻣﻜﺒﻴﺮﺍﺵ ﺑﺰﺍﻑ ﻭﻟﻜﻦ ﻣﺮﻳﺤﺔ . ﺗﻠﻔﺎﺯﺓ ﻭﺑﻴﺮﻭ ﻭﺑﺎﻟﻜﻮﻥ ﻛﻴﻄﻞ ﻋﻠﻰ ﺍﻟﺠﺮﺩﺓ . ﻣﻦ ﺑﻌﺪ ﺍﻟﺪﻭﺵ ﻟﻲ ﺧﺪﻳﺖ ﻟﺒﺴﺖ ﻭﺗﻜﻴﺖ ﻓﻮﻕ ﺍﻟﻨﺎﻣﻮﺳﻴﺔ . ﺩﺑﺎ ﺧﺎﺻﻨﻲ ﻧﻔﻜﺮ ﺟﺪﻳﺎ ﻓﻬﺪﺷﻲ ﻟﻲ ﺩﺭﺕ . ﻭﺍﺵ ﻧﺪﻣﺖ؟ﻣﺎﻋﺮﻓﺘﺶ . ﺷﻦﻭ ﻟﻲ ﺧﻼﻧﻲ ﻧﺘﺰﻭﺝ ﺑﻴﻪ؟ﻣﻌﺮﻓﺘﺶ . ﺷﻨﻮ ﻫﻮ ﺑﺎﻟﻨﺴﺒﺔ ﻟﻴﺎ؟ﻣﻌﺮﻓﺘﺶ . ﻛﻴﻔﺎﺵ ﻏﻨﻮﺍﺟﻪ ﻋﺎﺋﻠﺘﻲ؟ﺭﺍﻧﻲ ﺗﺰﻭﺟﺖ . ﺳﺎﻫﻠﺔ ﻧﻘﻮﻟﻬﺎ؟ﻏﻴﺘﺼﺪﻣﻮ . ﻏﻴﺼﺤﺎﺑﻠﻴﻬﻢ ﻏﻴﺮ ﺩﺭﺕ ﺷﻲ ﻛﺮﺵ ﺑﻼ ﺧﺒﺎﺭﻫﻢ ﺍﻭﻻ ﻣﺒﻘﻴﺘﺶ ﺑﻨﺖ ﺩﻛﺸﻲ ﻋﻼﺵ . ﺍﺍﻓﻔﻒ ﺻﺎﻓﻲ ﺧﺎﺻﻨﻲ ﻧﻨﻌﺲ ﻭﻣﻨﻔﻜﺮ ﻓﻮﺍﻟﻮ ﻧﻨﺴﻰ ﻋﻠﻴﺎ ﺷﻮﻳﺔ ﺍﻟﻌﻴﻨﻴﻦ ﺍﻟﺰﺭﻗﻴﻦ ... ﻭﻻ ﻣﻌﺮﻓﺖ ﺍﻟﺨﻀﺮﻳﻦ ﻟﻲ ﻛﻴﺨﻠﻴﻮﻧﻲ ﻧﺪﻳﺮ ﺷﻲ ﺣﻮﺍﻳﺞ ﻋﻤﺮﻧﻲ ﻣﺎ ﻓﻜﺮﺕ ﻓﻴﻬﻢ ... ﺣﺎﻭﻟﺖ ﻧﻨﻌﺲ ﻣﻘﺪﺭﺗﺶ ﻭﺍﺧﺎ ﻋﻴﺎﻧﺔ ... ﺷﻮﻳﺔ ﺳﻤﻌﺖ ﺍﻟﺘﻠﻴﻔﻮﻥ ﺟﺎﻧﻲ ﻣﻴﺴﺎﺝ . ﻛﺎﻧﺖ ﺍﻟﻮﺣﺪﺓ ﺩﻳﺎﻝ ﺍﻟﻠﻴﻞ . "?Bébé" ﺍﻭﻳﻠﻲ ﺷﻜﻮﻥ ﻳﻜﻮﻥ ﺯﻋﻤﺔ ﻫﻮ؟ﻭﺷﻜﻮﻥ ﻋﻄﺎﻩ ﻧﻤﺮﺗﻲ؟ · · ·
