ﻣﺠﻴﺖ ﻓﻴﻦ ﻧﻜﻤﻞ ﺣﺘﻰ ﻭﺣﻼﺕ ﻟﻴﺎ ... ﺷﻔﺘﻮ ﻫﻮ ﻫﺪﺍﻙ ﺩﺍﻙ ﺍﻟﻮﻳﻞ ﺍﻧﺎ ﻣﺘﺎﻛﺪﺓ ﺑﻠﻲ ﻫﻮ - ﻫﻮ ﻫﻮﻭ ﻭﺍﻟﻠﻪ ﺗﺎ ﻫﻮ ﺍﻳﻴﻴﻴﻪ ﻧﺎﺭﻳﻲ ﺑﻼ ﻣﻨﻌﻴﻖ ﺑﺪﻳﺖ ﻧﻐﻮﺕ ﺣﺘﻰ ﻋﻘﺖ ﺑﺮﺍﺳﻲ - ﺷﻜﻮﻥ ﻫﺪﺍ؟ﺯﻳﺰﻓﻮﻧﺔ ﻭﺍﺵ ﺗﺴﻄﻴﺘﻲ؟ - ﻫﻮ ﺍﺭﺿﻮﺍﻥ ﺍﻟﺸﻜﻼﻁ ﻟﻲ ﻣﻦ ﺍﻟﺼﺒﺎﺡ ﻛﻨﻘﻠﺐ ﻋﻠﻴﻪ ﺭﺍﻫﻮ ﻟﻬﻴﻪ ... ﻫﻬﻬﻪ ﺳﻤﺢ ﻟﻴﺎ ﺧﻠﻌﺘﻚ - ﻛﻴﺒﺎﻧﻠﻴﺎ ﺧﺎﺻﻨﻲ ﻧﻘﻮﻝ ﻟﻌﻤﺘﻲ ﺗﺠﻲ ﺗﺴﻜﻦ ﻣﻌﺎﻙ ﺭﺍﻩ ﺍﻟﺴﻜﻨﺔ ﺑﻮﺣﺪﻙ ﻫﻲ ﻟﻲ ﻏﺘﺨﻠﻴﻚ ﺗﺴﻜﻨﻲ ﺷﻲ ﻧﻬﺎﺭ ﻗﺎﻟﻬﺎ ﻭﻫﻮ ﻛﻴﻀﺤﻚ ﻭﺣﺘﺎ ﺍﻧﺎ ﺿﺤﻜﺖ ﻭﺑﺎﻟﺠﻬﺪ ﺣﻴﺖ ﻓﺮﺣﺖ ﻓﺎﺵ ﺗﻴﻘﻨﻲ . ﻛﻮﻥ ﻋﺮﻑ ﻛﻮﻥ ﻣﺸﻴﺖ ﻓﻴﻬﺎ ﻏﻴﻘﻮﻟﻬﺎ ﻟﻜﻠﺸﻲ ﺍﻧﺎ ﻋﺎﺭﻓﺎﻩ ﻭﺍﻭﻟﻬﻢ ﺑﺎﺑﺎ - ﻳﺎﻻﻩ ﺑﺴﻼﻣﺔ ﻋﻠﻴﻚ ﺍﺭﺿﻮﺍﻥ ﺍﻧﺎ ﻧﻤﺸﻲ ﻧﺸﺮﻱ ﻭﻣﻦ ﺑﻌﺪ ﻧﻤﺸﻲ ﻟﻠﺪﺍﺭ - ﺑﺴﻼﻣﺔ ﺯﻳﺰﻱ ﺩﻳﺎﻟﻨﺎ ﺍﻟﻠﻪ ﻳﻮﻓﻘﻚ ﻓﻘﺮﺍﻳﺘﻚ ﻭﺗﻬﻼﻱ ﻟﻴﺎ ﻓﺮﺍﺳﻚ ﻏﻴﺮ ﺳﻠﻢ ﻋﻠﻴﺎ ﻭﻣﺸﺎ ﻭﻧﺎ ﻧﻀﺮﺑﻬﺎ ﺑﺠﺮﻳﺔ ﻛﻨﻘﻠﺐ ﻋﻠﻴﻪ ﻓﺎﻟﺒﻼﺻﺔ ﻓﺎﺵ ﺷﻔﺘﻮ ﺩﺍﻳﺰ ﻛﻨﺠﺮﻱ ﺑﺤﺎﻝ ﺷﻲ ﻣﺴﻄﻴﺔ ﻭﺍﻟﻨﺎﺱ ﻛﻴﺸﻮﻓﻮ ﻓﻴﺎ ﻭﺍﺧﺎ ﻛﺎﻧﺖ ﺍﻟﻌﺸﺮﺓ ﺩﻳﺎﻝ ﺍﻟﻠﻴﻞ ﻣﺰﺍﻝ ﺍﻟﻨﺎﺱ ﺩﺍﺧﻠﺔ ﺧﺎﺭﺟﺔ ﻗﻠﺒﺖ ﻛﻠﺸﻲ ﻭﺍﻟﻮ ﺳﺮﻃﺎﺗﻮ ﺍﻻﺭﺽ ﺑﻘﺎ ﻓﻴﺎ ﺍﻟﺤﺎﻝ ﻛﻮﻥ ﻣﺎﺷﻲ ﺩﺍﻙ ﺍﻟﺤﻠﻮﻑ ﺩﻳﺎﻝ ﺭﺿﻮﺍﻥ ﻛﻮﻥ ﻟﻘﻴﺘﻮ ﺩﺑﺎ . ﺍﻋﻮﺫ ﺑﺎﺍﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ ﻋﻼﺵ ﻋﺎﻳﺮﺗﻮ ﻣﺴﻜﻴﻦ ﺍﺷﺪﺍﺭﻟﻴﺎ ﻫﻮ ﻏﻴﺮ ... ﺑﻼﺗﻲ ﺑﻼﺗﻲ؟ﻣﺎﺷﻲ ﻫﻮ ﻫﺪﺍﻙ؟ﻫﺎﺩ ﺍﻟﻤﺮﺓ ﻣﺘﺴﻨﻴﺘﺶ ﺑﺰﺍﻑ ﻣﺸﻴﺖ ﻛﻨﺠﺮﻱ ﻟﺠﻴﻬﺖ ﺍﻟﺘﻠﻔﺎﺯﺍﺕ ﻓﺎﺵ ﺑﺎﻥ ﻟﻴﺎ ﺣﺘﻰ ﻭﻗﻔﺖ ﻋﻠﻴﻪ ﻣﻦ ﻟﻮﺭ - ﺍﺧﻴﺮﺍ ﻟﻘﻴﺘﻚ ﻓﻴﻦ ﻛﻨﺘﻲ ﻋﻼﺵ ﻣﺸﻴﺘﻲ ﻗﻠﺘﻬﺎ ﻭﺍﻧﺎ ﻛﻨﻨﻬﺞ ﺑﺎﻟﺠﺮﺍ ﻭﻣﻌﺼﺒﺔ ﻋﻼﺵ ﺩﺍﺭﻟﻴﺎ ﻫﻜﺪﺍ ﻛﺎﻥ ﻋﻠﻴﻪ ﻏﻴﺮ ﻳﻘﻮﻟﻬﺎ . ﺩﺍﺭ ﻋﻨﺪﻱ . ﻛﻴﻒ ﺍﻟﻌﺎﺩﺓ ﻣﻜﺎﻳﻦ ﺣﺘﻰ ﺗﻌﺒﻴﺮ ﻋﻠﻰ ﻭﺟﻬﻮ . ﻧﻴﻔﻮ ﺣﻤﺮ ﺑﺎﻟﺒﺮﺩ ﻋﻴﻨﻴﻪ ﻛﺎﻳﺒﺮﻳﻮ ﻟﻲ ﺩﺍﺯﺕ ﻛﺘﺒﻘﺎ ﺗﺤﻨﺰﺯ ﻓﻴﻪ . - ﻧﺘﻲ ﻗﻠﺘﻴﻠﻴﺎ ﺳﻴﺮ ﻓﺤﺎﻟﻚ ﻭﺍﻧﺎ ﻣﺸﻴﺖ ﺩﺍﺭﻙ ﻫﺎﺩﻳﻚ ﻭﻋﻨﺪﻙ ﺍﻟﺤﻖ ﺗﺨﺮﺟﻲ ﻟﻲ ﺑﻐﻴﺘﻲ ﻧﺎﺭﻱ ﻋﻠﻰ ﺑﺮﻭﺩﺓ ﺍﻻﻋﺼﺎﺏ ﻟﻲ ﻓﻴﻪ . ﻛﻮﻥ ﺍﻧﺎ ﻟﻲ ﺩﺍﺭ ﻟﻴﺎ ﺷﻲ ﻭﺍﺣﺪ ﻫﻜﺪﺍ ﻛﻮﻥ ﺩﻓﻠﺖ ﻋﻠﻴﻪ - ﻻ ﺍﻧﺎ ﻣﻘﻠﺘﺶ ﻫﻜﺪﺍﻙ ... ﺯﻋﻤﺎ ﺍﻩ ﻗﻠﺖ ﻭﻟﻜﻦ ﻣﻘﺼﺪﻧﺶ ﻛﻨﺖ ﻣﻌﺼﺒﺔ .. ﺳﻤﺢ ﻟﻴﺎ - ﺍﻭﻛﻲ ﺳﻤﺤﺖ ﻟﻴﻚ ﺷﻲ ﺣﺎﺟﺔ ﺍﺧﺮﻯ؟ ﺑﺎﻳﻨﺔ ﻓﻴﻪ ﻣﺰﺍﻝ ﻣﻘﻠﻖ . ﻧﺎﺭﻱ ﺷﺤﺎﻝ ﻣﺨﺘﺎﻟﻒ ﻋﻠﻰ ﺍﻟﺮﺟﺎﻝ ﺩﻳﺎﻝ ﻫﺎﺩ ﺍﻟﺰﻣﺎﻥ ﺧﺼﻮﺻﺎ ﺍﻟﻤﻐﺎﺭﺑﺔ ... ﻣﺨﺘﺎﻟﻒ ﻛﻠﻴﺎ . ﻣﻴﻤﻜﻨﺶ ﻧﺘﻴﻖ ﺑﻠﻲ ﺣﻘﻴﻘﻲ . ﺗﺼﺮﻓﺎﺗﻮ ﻫﻀﺮﺗﻮ ﺍﻱ ﺣﺎﺟﺔ ﻋﻨﺪﻭ ﺑﺎﻟﻌﺒﺎﺭ ﺑﺤﺎﻝ ﺍﻳﻼ ﻛﻴﻤﺜﻞ ﻓﺸﻲ ﻓﻴﻠﻢ ﻭﺣﺎﻓﻆ ﺍﻟﺴﻴﻨﺎﺭﻳﻮ . - ﻓﻴﻦ ﻛﻨﺘﻲ ﻏﺎﺩﻱ؟ - ﻛﻨﺘﺴﺎﺭﺍ . ﺍﻟﺠﻮ ﺯﻭﻳﻦ - ﻻ ﻣﺨﺎﺻﻜﺶ ﺩﻭﺭ ﺑﺰﺍﻑ ﻣﺰﺍﻝ ﻣﺒﺮﻳﺘﻴﺶ ﻳﺎﻻﻩ ﻟﻠﺪﺍﺭ - ﻳﺎﻙ ﻗﻠﺘﻲ ﻟﻴﺎ ﺳﻴﺮ ﻓﺤﺎﻟﻚ - ﺍﻭﻭﻑ ﺭﺟﻌﻨﺎ ﻟﻨﻔﺲ ﺍﻟﻬﻀﺮﺓ؟ﺭﺍﻩ ﻗﻠﺖ ﻟﻴﻚ ﻛﻨﺖ ﻣﻌﺼﺒﺔ - ﻭﺷﻜﻮﻥ ﻳﻀﻤﻦ ﻟﻴﺎ ﺑﻠﻲ ﺍﻳﻼ ﻣﺸﻴﺖ ﻣﻌﺎﻙ ﻣﻐﺪﻳﺶ ﺗﻌﺎﻭﺩﻱ ﺗﺘﻌﺼﺒﻲ ﻭﺗﺠﺮﻱ ﻋﻠﻴﺎ - ﺍﻳﻼ ﺟﺮﻳﺖ ﻋﻠﻴﻚ ﺭﺟﻊ ...( ﺍﺷﻜﻨﻘﻮﻝ ) ﺯﻋﻤﺎ ﻛﻮﻥ ﻫﺎﻧﻲ ﻭﺍﻟﻠﻪ ﻣﻨﺠﺮﻱ ﻋﻠﻴﻚ - ﻭﺍﻳﻼ ﺗﻌﺼﺒﺘﻲ؟ - ﺍﻳﻼ ﺗﻌﺼﺒﺖ ﻏﻨﺪﻳﺮ ﺍﻱ ﺣﺎﺟﺔ ﺍﻻ ﻧﺠﺮﻱ ﻋﻠﻴﻚ ﺑﻘﺎ ﻛﻴﺸﻮﻑ ﻓﻴﺎ ﺗﺎﻧﻲ ﺑﻨﻔﺲ ﺍﻟﻄﺮﻳﻘﺔ ﻣﻦ ﺍﻟﻔﻮﻕ ﻟﻠﺘﺤﺖ ﻭﻛﻴﺮﺟﻊ ﺗﺎﻧﻲ ﻟﻠﻔﻮﻕ - ﻳﺎﻻﻩ ﻭﻟﻜﻦ ﺍﻧﺎ ﻟﻲ ﻧﺴﻮﻕ ﺍﻟﻄﻤﻮﺑﻴﻞ - ﻭﻋﻼﺵ ﺑﺎﻟﺴﻼﻣﺔ؟ - ﻫﻜﺪﺍﻙ ﻣﻜﻨﺤﻤﻠﺶ ﺗﺴﻮﻕ ﺑﻴﺎ ﺷﻲ ﻣﺮﺍ - ﻭﻋﻼﺵ؟ﻧﺴﻴﺘﻲ ﻓﺎﺵ ﻛﻨﺘﻲ ﻣﺮﻳﺾ؟ - ﻫﺎﺩﻳﻚ ﺣﺎﻟﺔ ﺧﺎﺻﺔ ... ﻣﻜﻨﺪﻳﺮﺵ ﺍﻟﺜﻘﺔ ﻓﺎﻟﻌﻴﺎﻻﺕ - ﺍﻳﻴﻪ ﺩﺍﺑﺎ ﻛﺘﻌﺎﻳﺮﻧﻲ ﻓﻮﺟﻬﻲ؟ - ﻫﺎ ﻟﻲ ﻗﻠﻨﺎ ﻫﻨﺘﻲ ﺗﻌﺼﺒﺘﻲ ﻛﻮﻥ ﻛﻨﺎ ﻓﺎﻟﺪﺍﺭ ﻛﻮﻥ ﻗﻠﺘﻴﻠﻴﺎ casse toi ﺍﻟﺤﻤﺪ ﻟﻠﻪ ﻣﺰﺍﻟﻴﻦ ﻫﻨﺎ ﺍﻧﺎ ﺟﺎﺗﻨﻲ ﺍﻟﻀﺤﻜﺔ ﻭﻟﻜﻦ ﺣﺒﺴﺘﻬﺎ ﺑﺰﺯ . ﻣﺪﻳﺖ ﻟﻴﻪ ﺍﻟﺴﻮﺍﺭﺕ -ﻫﺎﻙ . ﻏﻨﺨﻠﻴﻚ ﻏﻴﺮ ﻫﺎﺩ ﺍﻟﻤﺮﺓ ﻭﻟﻜﻦ ﻣﺰﺍﻝ ﻣﺘﻔﺎﻫﻤﻨﺎﺵ ﻋﻠﻰ ﺩﻳﻚ ﺍﻟﻘﻀﻴﺔ ﺩﻳﺎﻝ " ﻣﻜﻨﺤﻤﻠﺶ ﺗﺴﻮﻕ ﺑﻴﺎ ﺷﻲ ﻣﺮﺍ " ﺑﺘﺎﺳﻢ ﻟﻴﺎ ﺧﺪﺍ ﺍﻟﺴﻮﺍﺭﺕ ﻭﻣﺸﺎ ﻭﺍﻧﺎ ﺗﺎﺑﻌﺎﻩ ﺍﻟﺨﻄﻮﺍﺕ ﺩﻳﺎﻟﻮ ﻛﺒﻴﺮﺓ ﺑﺰﺍﻑ ﻛﻨﺠﺮﻱ ﺑﺎﺵ ﻧﻮﺻﻞ ﻋﻠﻴﻪ · · ·
