ﻭﻳﺎﻙ . ﻋﻼﺵ ﻏﻨﺪﻳﺮﻭ ﺑﺤﺎﻝ ﺍﻟﻨﺎﺱ؟ﻋﻼﺵ ﻣﻨﻌﻴﺸﻮﺵ ﺣﻴﺎﺗﻨﺎ autrement ؟ ﺍﻟﺴﻴﺪ ﻛﻴﻬﻀﺮ ﺑﺎﻟﺼﺎﺡ . ﺍﻧﺎ ﻛﻨﺖ ﻛﻨﻔﻜﺮ ﺣﺘﻰ ﺍﻳﻼ ﺩﺭﺕ ﺷﻲ ﻛﺴﻴﺪﺓ ﺷﻲ ﻧﻬﺎﺭ ﻭ ﺗﺰﻋﺰﻋﺖ ﻓﻌﻘﻠﻲ ﻭﺗﺰﻭﺟﺖ ﻳﻜﻮﻥ ﺯﻭﺍﺝ ﻣﺨﺘﺎﻟﻒ . ﺍﻭﻳﻠﻲ ﻭﺍﺵ ﻣﻦ ﻧﻴﺘﻲ ﻛﻨﻔﻜﺮ ؟ﻗﺎﻟﻴﻚ ﻣﻐﺎﻣﺮﺓ . ﻻ ﻻ ﻣﻴﻤﻜﻨﺶ ﻧﺪﻳﺮﻫﺎ . ﺍﻧﺎ ﺩﺍﺑﺎ ﻛﻨﺤﺎﻭﻝ ﻧﻤﺤﻲ ﺍﻟﺮﻏﺒﺔ ﻟﻲ ﺟﺎﺗﻨﻲ ﻓﺠﺎﺓ ﺑﺎﺵ ﻧﻐﺎﻣﺮ ﻣﻌﺎﻩ ﻭﻧﺸﻮﻓﻮ ﻫﺪﺷﻲ ﻓﻴﻦ ﻏﻴﻮﺻﻠﻨﺎ . ﻻ ﻻ ﺧﺎﺻﻨﻲ ﻧﻨﺴﻰ ﺍﻳﻼ ﻋﺮﻓﻮ ﻋﺎﺋﻠﺘﻲ ... ﻭﺍﺻﻼ ﻣﻜﻨﻌﺮﻑ ﻋﻠﻴﻪ ﻭﺍﻟﻮ . ﺍﻳﻼ ﻛﺎﻥ ﺷﻲ ﺗﺎﺟﺮ ﻣﺨﺪﺭﺍﺕ ﻭﻻ ﺷﻲ ﻗﺘﺎﻝ ﻣﺤﺘﺎﺭﻑ . ﺷﻐﻨﻘﻮﻝ ﻟﻠﻨﺎﺱ؟ﻭﺻﺤﺎﺑﺎﺗﻲ؟ﺑﻼ ﻋﺮﺱ ﺑﻼ ﺧﻄﺒﺔ ﺑﻼ ﻣﻨﻮﺟﺪ ﻭﺍﻟﻮ؟ ﻭﻗﺎﻟﻚ ﻧﺨﺪﻡ ﻋﻠﻴﻪ ﻫﻬﻬﻪ ﻻ ﺍﻟﺤﻤﺎﻕ ﻫﺪﺍ . ﻭﺍﺧﺎ ﺍﻧﺎ ﻣﺒﻠﻴﺔ ﺑﺎﻻﻓﻼﻡ ﻭﺍﻟﺮﻭﺍﻳﺎﺕ ﺍﻟﺮﻭﻣﻨﺴﻴﺔ ﻋﻤﺮﻧﻲ ﻗﺮﻳﺖ ﻓﺸﻲ ﻛﺘﺎﺏ ﻋﻠﻰ ﺷﻲ ﻭﺣﺪﺓ ﺩﺍﺭﺕ ﺑﺤﺎﻝ ﻫﺎﺩﺷﻲ ﻟﻲ ﻛﻨﻔﻜﺮ ﻓﻴﻪ . ﻳﻤﻜﻦ ﺧﺎﺻﻨﻲ ﻧﻌﺎﻭﺩ ﻧﻤﺸﻲ ﻋﻨﺪ ﺍﻟﻄﺒﻴﺐ ﺍﻟﻨﻔﺴﻲ . ﺧﺎﺻﻨﻲ ﻧﺸﻮﻑ ﺷﻲ ﻭﺍﺣﺪ ﺍﺧﺮ ﺣﻴﺖ ﺍﻟﻠﻮﻝ ﻣﺎﻗﻀﺎ ﻟﻴﺎ ﻭﺍﻟﻮ ﻳﻤﻜﻦ ... - ﻣﻮﺍﻓﻘﺔ ! ﻣﻌﺮﻓﺘﺶ ﻛﻴﻔﺎﺵ ﻗﻠﺘﻬﺎ ﻳﻤﻜﻦ ﻓﻤﻲ ﻣﺒﻘﺎﺵ ﻋﻨﺪﻭ ﺍﺗﺼﺎﻝ ﻣﻊ ﺩﻣﺎﻏﻲ . ﻣﺎﻛﻨﺘﺶ ﻧﺎﻭﻳﺔ ﻧﻬﺎﺋﻴﺎ ﻧﻘﻮﻟﻬﺎ ﺍﻻﺑﺘﺴﺎﻣﺔ ﺩﻳﺎﻟﻮ ﺯﺍﺩﺕ ﻛﺒﺮﺍﺕ - alors demain ? ﻣﻐﺎﺩﻳﺶ ﺗﻨﺪﻣﻲ bébé ﻳﻤﻜﻦ ﻛﺎﻉ ﺍﻟﻘﺼﺺ ﻛﺘﻨﺘﺎﻫﻲ ﺑﺎﻟﺰﻭﺍﺝ ... ﻛﺎﻉ ﺍﻟﻘﺼﺺ ﻟﻲ ﻗﺮﻳﺖ ... ﺍﻻﺑﻄﺎﻝ ﻛﻴﺘﺰﻭﺟﻮ ﻭﻛﻴﻮﻟﺪﻭ ﻭﻟﻴﺪﺍﺕ ﺯﻭﻳﻨﻴﻦ ﺍﻧﺎ ﻗﺼﺘﻲ ﻏﺘﺒﺪﺍ ﺑﺎﻟﺰﻭﺍﺝ . ﻫﺪﺷﻲ ﺍﻳﻼ ﻣﺎﻏﻴﺮﺗﺶ ﺍﻟﺮﺃﻱ ﻏﺪﺍ . ﻳﻤﻜﻦ ﻓﺎﺵ ﻧﻨﻌﺲ ﻧﻔﻴﻖ ﻣﻦ ﺍﻟﻘﻠﺒﺔ . ﻣﻦ ﺑﻌﺪ ﻣﺎ ﺟﺮﻳﺖ ﻋﻠﻴﻪ ﻟﻠﺼﺎﻟﻮﻥ ﻭﺳﺪﻳﺖ ﻋﻠﻴﺎ ﻣﻘﺪﺭﺗﺶ ﻧﻔﻜﺮ ﻣﺰﺍﻝ ﻋﻨﻘﺖ ﻧﻮﻧﻮﺳﻲ . ﻓﻴﻪ ﺭﻳﺤﺔ ﺧﺘﻲ ﺍﻟﺼﻐﻴﺮﺓ ﺣﻴﺖ ﺩﻳﺎﻟﻬﺎ ﻋﻄﺎﺗﻮ ﻟﻴﺎ ﻗﺒﻞ ﻣﻨﺠﻲ ﺍﺧﺮ ﻣﺮﺓ ﻓﺎﻟﻌﻄﻠﺔ ﺩﻳﺎﻝ ﺭﺍﺱ ﺍﻟﻌﺎﻡ . ﻧﻌﺴﺖ ﻭﻓﺪﻣﺎﻏﻲ ﺟﻮﺝ ﻋﻴﻨﻴﻦ ﻣﻠﻮﻧﻴﻦ ﻛﻴﻄﻠﻌﻮ ﻭﻳﻨﺰﻟﻮ ﻓﻴﺎ ﻳﺎﺭﺑﻲ ﺗﺪﻳﺮ ﻟﻲ ﻓﻴﻬﺎ ﺍﻟﺨﻴﺮ ﺩﺍﺯﺕ ﺻﻴﻤﺎﻧﺎ ﻭﺟﺪﻧﺎ ﻓﻴﻬﺎ ﺍﻟﻮﺭﺍﻕ ﻣﺘﺒﺪﻻﺕ ﺣﺘﻰ ﺣﺎﺟﺔ ﺑﻴﻨﺎﺗﻨﺎ ﻣﺰﺍﻟﻴﻦ ﻛﻴﻒ ﻛﻨﺎ . ﻫﺎﺩ ﺍﻟﺼﻴﻤﺎﻧﺔ ﻣﺪﻳﺘﻬﺎﺵ ﻓﻴﻪ ﻛﻠﻬﺎ ﺧﺪﻣﺔ ﻭﻗﺮﺍﻳﺔ ﺍﻏﻠﺒﻴﺔ ﺍﻟﻮﻗﺖ ﻛﻨﺒﺎﺕ ﻋﻨﺪ ﺳﻨﺎﺀ ﺑﺎﺵ ﻧﺤﻔﻈﻮ ﺍﻟﻴﻮﻡ ﺍﻟﺴﺒﺖ . ﻣﻮﺍﻟﻔﺎ ﻛﻨﻔﻴﻖ ﺣﺘﺎﻝ 12 ﻫﺎﺩ ﺍﻟﻤﺮﺓ ﺿﺮﺑﺎﺗﻨﻲ ﺍﻟﻔﻴﻘﺔ ﻣﻊ 9 ﺑﺎﻟﺨﻠﻌﺔ ﺣﻠﻤﺖ ﺣﻠﻤﺔ ﺧﺎﻳﺒﺔ ﻣﻌﻘﻠﺘﺶ ﺑﺎﺵ ﺑﺎﻟﻀﺒﻂ ... ﻓﻘﺖ ﻣﺸﻌﻜﺔ ﻛﻴﻒ ﺍﻟﻌﺎﺩﺓ . ﺑﻴﺠﺎﻣﺘﻲ ﻭﺍﺻﻼ ﻟﻠﻨﺺ . ﺑﻼﺗﻲ ﺷﻨﻮ ﺍﻟﻴﻮﻡ؟ﺍﻩ ﺍﻟﻴﻮﻡ ﻏﻨﺘﺰﻭﺝ . ﻟﻼﺳﻒ ﺍﻟﻨﻌﺎﺱ ﻣﺎﻗﻀﺎ ﻓﻴﺎ ﻭﺍﻟﻮ ﻭﻋﺎﺩ ﻣﺎ ﺍﻟﺮﻏﺒﺔ ﺩﻳﺎﻟﻲ ﻓﺎﻟﻤﻐﺎﻣﺮﺓ ﺗﺰﺍﺩﺕ . ﻣﻦ ﺑﻌﺪ ﺍﻟﺪﻭﺵ ﻧﺸﻔﺖ ﺷﻌﺮﻱ . ﺷﻨﻮ ﺧﺎﺻﻨﻲ ﻧﻠﺒﺲ؟ﻋﺎﺩﻱ ﺍﺻﻼ ﺑﻤﺎ ﺍﻧﻪ ﻫﺎﺩ ﺍﻟﺰﻭﺍﺝ ﻣﺎﺷﻲ ﺑﺤﺎﻝ ﺩﻳﺎﻝ ﺍﻟﻨﺎﺱ ﻓﺤﺘﻰ ﺍﻧﺎ ﻣﻐﻨﺪﻳﺮﺵ ﺑﺤﺎﻝ ﺍﻟﻌﺮﻭﺳﺎﺕ . ﻏﻨﺪﻳﺮ ﺑﺤﺎﻝ ﻓﺎﺵ ﻛﻨﻜﻮﻥ ﻏﺎﺩﻳﺔ ﻟﻠﺴﺒﻴﻄﺎﺭ . ﺍﻣﺎ ﺣﺘﻰ ﻓﻼﻓﺎﻙ ﻛﻨﺘﻘﺎﺩ ﺷﻮﻳﺔ . ﻓﺎﻟﺴﺒﻴﻄﺎﺭ ﻣﻜﺎﻳﻦ ﻟﻲ ﻳﺪﻳﻬﺎﻓﻴﻚ ﻏﻴﺮ ﺩﻳﺮﻱ ﺧﺪﻣﺘﻚ ﻭﻟﺒﺴﻲ ﺣﺘﻰ ﺍﻟﺨﻨﺸﺔ ﺩﻳﺎﻝ ﺍﻟﺪﻗﻴﻖ ﻋﺎﺩﻱ ... ﺣﻠﻴﺖ ﺍﻟﻤﺎﺭﻳﻮ ﺟﺒﺪﺕ ﻭﺍﺣﺪ ﺍﻟﻘﺒﻴﺔ ﺑﺎﻟﺼﻔﺮ ﻣﺮﺳﻮﻡ ﻓﻴﻬﺎ ﺳﺒﻮﻧﺞ ﺑﻮﺏ ﻓﺎﻟﻮﺳﻂ، ﻟﺒﺴﺖ ﺳﺮﻭﺍﻝ ﺩﻳﺎﻝ ﺍﻟﺪﺟﻴﻦ ﻣﺎﺷﻲ ﻋﺮﻳﺾ ﺑﺰﺍﻑ ﺑﺤﺎﻝ ﻟﻲ ﻣﻮﺍﻟﻔﺎ ... ﻭﻋﻠﻰ ﺷﻨﻮ ﺭﺍﻩ ﺍﻟﺰﻭﺍﺝ ﻫﺬﺍ . ﻟﺒﺴﺖ ﻟﻴﺒﻮﻁ ﺩﻭﻙ ﻟﻲ ﻛﻴﻜﻮﻧﻮ ﻣﻨﻔﻮﺧﻴﻦ ﺑﺤﺎﻝ ﺩﻳﺎﻝ ﺗﻴﻠﻴﺘﻮﺑﻴﺰ . ﺩﺭﺕ ﺍﻟﻜﺮﻳﻨﺎﺕ ﻛﻴﻒ ﺍﻟﻌﺎﺩﺓ ﻭﻟﻜﻦ ﻫﺎﺩ ﺍﻟﻤﺮﺓ ﺧﺼﻨﻲ ﻧﺪﻳﺮ ﺷﻮﻳﺔ ﺩﻳﺎﻝ ﺍﻟﻤﺎﻛﻴﺎﺝ . ﻭﺍﺧﺎ ﻋﻴﻨﻴﺎ ﻣﻴﺤﺘﺎﺟﻮﺵ ﺣﻴﺖ ﻛﺒﺎﺭ ﺑﺎﻟﺰﺍﻑ ﻭﻣﺮﻣﺸﻴﻦ ﺩﺭﺕ ﺍﻳﻼﻳﻨﺮ ﻭﺷﻮﻳﺔ ﺩﻳﺎﻝ ﺍﻟﻜﻠﻮﺱ . ﺣﻨﺎﻛﻲ ﺣﻤﺮﻳﻦ ﻣﺪﺭﺕ ﻟﻴﻬﻢ ﻭﺍﻟﻮ . ﺩﻳﻤﺎ ﻋﺎﺋﻠﺘﻲ ﻭﺧﻮﺗﻲ ﻓﺎﺵ ﻛﻴﺴﻠﻤﻮ ﻋﻠﻴﺎ ﻛﻴﺠﺮﻭﻟﻴﺎ ﺣﻨﺎﻛﻲ ﻭﻛﻴﻘﺮﺻﻮﻫﻢ . ﺣﻴﺖ ﻏﻼﺽ . ﻭﺍﻧﺎ ﻣﻜﻴﻌﺠﺒﻨﻴﺶ ﺍﻟﺤﺎﻝ . ﻛﻨﺤﺲ ﺑﺎﻟﻤﻌﺎﻧﺎﺓ ﺩﻳﺎﻝ ﺍﻟﺪﺭﺍﺭﻱ ﺍﻟﺼﻐﺎﺭ ... · · ·
