ﻫﺪﺷﻲ ﺭﺍﻩ ﻏﻨﺤﺘﺎﺟﻮ ﻛﺎﻣﻞ . ﺩﻳﺖ ﻣﻌﺎﻳﺎ ﺣﻮﺍﻳﺠﻲ ﻭﻛﺘﻮﺑﻲ ﻭﺍﻟﻜﺎﺩﻭﺍﺕ ﻟﻌﺎﺋﻠﺘﻲ . ﻣﺰﺍﻝ ﻏﻴﺮ ﺑﺎﺑﺎ ﻟﻲ ﻣﺸﺮﻳﺖ ﻟﻴﻪ ﻭﺍﻟﻮ ﻭﻟﻜﻦ ﺣﺘﻰ ﻧﻮﺻﻞ ﺍﻥ ﺷﺎﺀ ﺍﻟﻠﻪ ﻭﻧﺸﺮﻳﻠﻴﻪ ﻣﻦ ﺗﻤﺎ ﻭﺧﺼﻨﻲ ... ﺑﻘﻴﺖ ﺗﺎﺑﻌﺎﻩ ﻭﻛﻨﺸﺮﺡ ﻟﻴﻪ ﺷﻲ ﺣﻮﺍﻳﺞ ﻟﻲ ﻣﻌﻨﺪﻭ ﻣﻴﺪﻳﺮ ﺑﻴﻬﻢ . ﺣﺘﺎ ﺳﺎﻻ ﺩﺍﺭ ﺍﻟﺒﻜﺎﺝ ﻓﺎﻟﻜﻮﻓﺮ ﻭﻟﻲ ﺑﻘﺎ ﺩﺍﺭﻭ ﻟﻮﺭ ﻓﺎﻟﻄﻮﻣﻮﺑﻴﻞ ﻭﺭﻛﺒﻨﺎ - ﺷﻨﻮ ﻏﺘﺒﻘﺎ ﺗﺪﻳﺮ؟ - ﻭﺍﻟﻮ - ﻛﻴﻔﺎﺵ ﻭﺍﻟﻮ؟ - ﻭﺍﻟﻮ ﻫﻲ ﻭﺍﻟﻮ - ﻣﺎﻣﻘﻠﻘﺶ ﻣﻨﻲ ﺣﻴﺖ ﻏﻨﺨﻠﻴﻚ ﺑﺤﺪﻙ؟ - ﻻ ﻛﺎﻥ ﻛﻴﻬﻀﺮ ﻋﺎﺩﻱ ﻣﻌﺮﻓﺘﺶ ﻭﺍﺵ ﻣﻦ ﻧﻴﺘﻮ ﻭﻻ ﻛﻴﺨﺒﻲ ﻋﻠﻴﺎ -ﺷﻮﻑ ﺗﻘﻠﻖ ﻭﻻ ﻣﺘﻘﻠﻘﺶ ﺍﻧﺎ ﺭﺍﻩ ﻣﻴﻤﻜﻨﺶ ﻣﻨﻤﺸﻴﺶ -ﻭﺷﻜﻮﻥ ﻗﺎﻟﻚ ﻣﺘﻤﺸﻴﺶ - ﺻﺎﻓﻲ ﺻﺎﻓﻲ ﻏﻴﺮ ﺳﻮﻕ ﻭﺳﻜﺖ - ﻫﻬﻪ ﻏﻴﺮ ﻣﻊ ﺭﺍﺳﻚ - ﺍﺟﻲ ﻓﻴﻦ ﻏﺎﺩﻱ؟ - ﻛﻴﻔﺎﺵ ﻓﻴﻦ ﻏﺎﺩﻱ؟ - ﻫﺎﺩﻱ ﻣﺎﺷﻲ ﻃﺮﻳﻖ ﺍﻟﻤﺤﻄﺔ - ﻋﺮﻓﺖ - ﺷﻮﻑ ﺍﻳﻼ ﻛﻨﺘﻲ ﻛﺘﻔﻼ ﻋﻠﻴﺎ ﺍﻧﺎ ﺭﺍﻩ ﻣﻌﻨﺪﻳﺶ ﺍﻟﻮﻗﺖ ﻟﻲ ﻧﻀﻴﻌﻮ ﺭﺍﻩ ﺍﻟﻤﺎﻛﻠﺔ ﻓﺎﻟﺜﻼﺟﺔ ﻭﻛﻠﺸﻲ ﻛﺎﻳﻦ ﻓﺎﻟﺪﺍﺭ ﺍﻳﻼ ﻣﺒﻐﻴﺘﻴﺶ ﺗﺒﻘﺎ ﺳﻴﺮ ﻓﺤﺎﻟﻚ ﻣﺘﻌﺮﻓﻨﻲ ﻣﻨﻌﺮﻓﻚ - ﻋﻼﺵ؟ﻣﺒﻐﻴﺎﺵ ﺗﻤﺸﻲ ﻟﺪﺍﺭﻛﻢ؟ ﻫﺎﺩ ﺍﻟﺒﺮﻭﺩﺓ ﺩﻳﺎﻝ ﺍﻻﻋﺼﺎﺏ ﺑﺎﺵ ﻛﻴﻬﻀﺮ ﻏﺎﺩﺏ ﺗﻄﺮﻃﻖ ﻟﻴﺎ ﺍﻟﻤﺮﺍﺭﺓ - ﻓﻴﻦ ﻏﺎﺩﻱ ﺩﺑﺎ - ﺍﻳﻼ ﺷﺎﻓﻨﻲ ﺷﻴﺤﺪ ﻓﺎﻟﻌﻤﺎﺭﺓ ﺷﺘﻮ ﻧﻘﻮﻟﻴﻪ - ﻭﻋﻼﺵ ﻛﺘﺒﺪﻝ ﺍﻟﻬﻀﺮﺓ - ﻻ ﻏﻴﺮ ﺑﻐﻴﺖ ﻧﻌﺮﻑ - ﻗﻮﻟﻴﻬﻢ ﻋﻤﻲ . ﻗﻮﻟﻴﺎ ﻓﻴﻦ ﻏﺎﺩﻳﺒﻦ ﺑﻼ ﻣﻴﺠﺎﻭﺑﻨﻲ ﻋﺮﻓﺖ . ﻃﺮﻳﻖ ﺍﻟﻤﻄﺎﺭ ﻫﺎﺩﻱ ﻭﻛﻴﺒﺎﻥ ﻣﻦ ﻫﻨﺎ -ﺍﻳﻴﻴﻴﻴﻴﻪ ﺷﻨﻮ؟ﻻ ﺭﺍﻩ ﻛﻨﺨﺎﻑ ﻣﻦ ﺍﻟﻄﻴﺎﺭﺍﺕ - ﻭﺷﻜﻮﻥ ﻗﺎﻟﻴﻚ ﻏﺘﺮﻛﺒﻲ ﻓﻄﻴﺎﺭﺓ ﻣﺎﻟﻜﻲ ﻣﺼﻮﺭﺓ ﻓﺎﻟﺪﺭﻫﻢ - ﻭﻻﺵ ﺟﺎﻳﺒﻨﻲ ﻟﻠﻤﻄﺎﺭ - ﻏﻴﺮ ﺯﻋﻤﺎ ﻗﻠﺖ ﻧﻄﻮﻟﻮ ﺍﻟﻄﺮﻳﻖ ﻭﺷﺎﻓﻴﺎ ﻭﺑﺘﺎﺳﻢ . ﻓﺎﺵ ﺷﺎﻓﻨﻲ ﻣﺎﻓﻴﺎﺵ ﺍﻟﻀﺤﻜﺔ ﻭﻣﻌﻨﺪﻱ ﻣﻨﻴﻦ ﺗﺪﻭﺯ ﻋﻄﺎﻧﻲ ﺷﻲ ﻭﺭﺍﻕ - je rigole.très bon vol princesse - ﻣﻨﻴﻦ ﺟﺎﻭﻙ ﺍﻟﻔﻠﻮﺱ؟ - ﻳﺎﻙ ﻗﻠﺖ ﻟﻴﻚ la carte bancaire - ﺷﺤﺎﻝ ﻓﻴﻬﺎ ﻣﻦ ﻣﻠﻴﺎﺭ ﻣﺠﺎﻭﺑﻨﻴﺶ ﻧﺰﻟﻨﺎ ﻫﺰ ﺍﻟﺒﻜﺎﺝ ﺍﻟﺜﻘﻴﻴﻞ . ﻭﻟﻜﻦ ﻫﻮ ﻣﺠﺎﻫﺶ ﺛﻘﻴﻞ ﺣﻴﺖ ﺗﺒﺎﺭﻙ ﺍﻟﻠﻪ ﻋﻠﻴﻪ ... - ﻣﻐﺎﺩﻳﺶ ﺗﻘﻮﻟﻴﻠﻴﺎ ﺑﺴﻼﻣﺔ؟ - ﺑﺴﻼﻣﺔ - ﻻ ﺯﻋﻤﺔ ﺑﺸﻲ ﻃﺮﻳﻘﺔ ﺧﺮﺍ - au revoir - ﺯﻳﺰﻓﻮﻧﺔ ﺭﺍﻛﻲ ﻓﺎﻫﻤﺔ ﺷﻨﻮ ﻗﺼﺪﺕ - ﺷﻮﻑ ﺭﺍﻩ ﺩﻛﺸﻲ ﻟﻲ ﻭﻗﻊ ﻗﺒﻴﻠﺔ ﻏﻴﺮ ... ﻣﻌﺮﻓﺘﺶ ﻛﻴﻔﺎﺵ ... ﻳﻼﻩ ﺩﺑﺎ ﺧﺎﺻﻨﻲ ﻧﻤﺸﻲ -comme tu veux - ﺑﺴﻼﻣﺔ ﻋﻠﻴﻚ - prend soin de toi bébé ﻋﺮﻓﺘﻮ ﺷﻨﻮ ﻗﺼﺪ ﻭﻟﻜﻦ ﺍﻧﺎ ﻣﺒﻐﻴﺘﺶ . ﻣﺸﻴﺖ ﻧﻴﺸﺎﻥ ﻟﻠﻄﻴﺎﺭﺓ . ﻭ ﺍﻟﺪﺭﺟﺔ ﺍﻟﻠﻮﻟﺔ ﻣﺰﺍﻝ؟ﺍﻟﻌﺠﺐ ﻛﻮﻥ ﻏﻴﺮ ﻋﻄﺎﻧﻲ ﺩﻭﻙ ﺍﻟﻔﻠﻮﺱ ﻧﺒﻴﻊ ﺍﻟﻄﻤﻮﺑﻴﻞ ﻭﻧﺰﻳﺪﻫﻢ ﻋﻠﻰ ﻓﻠﻮﺳﻬﺎ ﻭﻧﺸﺮﻱ ﻭﺣﺪﺓ ﺟﺪﻳﺪﺓ ... ﻣﻜﻴﻬﻤﺶ ﺟﻠﺴﺖ ﻓﺎﻟﻜﺮﺳﻲ . ﻭﻻ ﻣﻌﺮﻓﺖ ﺷﻨﻮ ﻛﻴﺴﻤﻴﻮﻩ . ﻫﺪﺷﻲ ﺯﻭﻳﻦ ﻭﺍﻟﻨﺎﺱ ﻗﻼﻝ ﻣﺎﺷﻲ ﺑﺤﺎﻝ ﺍﻟﻜﺎﺭ ﺍﻭﻝ ﻣﺮﺓ ﻧﺮﻛﺐ ﻓﺎﻟﻄﻴﺎﺭﺓ . ﺍﻟﻄﺮﻳﻖ ﻛﻠﻬﺎ ﻭ ﺍﻧﺎ ﻛﻨﻔﻜﺮ ﻓﺪﺍﺭﻧﺎ ﻛﻨﺘﺴﻨﺎ ﻏﻴﺮ ﺍﻳﻤﺘﺎ ﻧﻮﺻﻞ · · ·
