ﻟﻴﻮﻡ ﺍﻟﺜﻼﺕ . ﺍﻟﺒﺎﺭﺡ ﺩﻭﺯﺗﻮ ﻋﺎﺩﻱ ﻓﺎﻟﻀﺤﻚ ﻭﺍﻟﻨﺸﺎﻁ ﻣﻊ ﺑﻨﺎﺕ ﻋﻤﻲ ﻓﺎﺵ ﻛﻨﺘﻼﻗﺎ ﺑﻴﻬﻢ ﻛﻨﻌﻄﻴﻮﻫﺎ ﻏﻴﺮ ﻟﻠﻤﺼﺎﻳﺐ ﻭﺍﻟﺘﺒﺮﻛﻴﻚ . ﻣﻬﻀﺮﺕﺵ ﻣﻌﺎﻩ . ﺍﺻﻼ ﻣﺘﻜﻮﻧﻴﻜﻄﺎﺵ ﻣﻌﺮﻓﺘﺶ ﻋﻼﺵ . ﺣﺴﻦ ﻧﻴﺖ ﺍﻧﺎ ﺟﻴﺖ ﻟﻬﻨﺎ ﺑﺎﺵ ﻣﻨﺒﻘﺎﺵ ﻧﻔﻜﺮ ﻓﻴﻪ . ﺍﻟﺼﺒﺎﺡ ﻫﺪﺍ ﺍﻟﺠﻮ ﺯﻭﻳﻦ ﻓﻘﺖ ﻣﺸﻌﻜﺔ ﺑﺤﺎﻝ ﺩﻳﻤﺎ ﻏﺴﻠﺖ ﻭﺟﻬﻲ ﻭﻣﺸﻄﺖ ﻏﻴﺮ ﺑﺼﺒﺎﻋﻲ . ﺑﻘﻴﺖ ﻻﺑﺴﺔ ﺍﻟﺒﻴﺠﺎﻣﺔ ﺑﺎﺵ ﻧﻌﺴﺖ . ﺗﻴﺸﻮﺭﺕ ﻓﺎﻟﺤﻤﺮ ﻭﺷﻮﺭﻁ ﻣﻜﺘﻮﺑﺔ ﻓﻴﻪ i love you ﻓﺎﻟﺪﺍﺭ ﻛﻨﺎﺧﺪ ﺍﻟﺤﺮﻳﺔ ﺣﻴﺖ ﻣﻜﺎﻳﻦ ﺣﺘﻰ ﺣﺪ ﻏﺮﻳﺐ . ﺧﺼﻮﺻﺎ ﻓﺎﺵ ﻛﻴﻜﻮﻧﻮ ﺑﻨﺎﺕ ﻋﻤﻲ ﺣﻴﺖ ﺩﺍﻳﺮﻳﻦ ﺍﻟﺤﺠﺎﺏ . ﻛﻨﺘﻤﻨﻰ ﺣﺘﺎ ﺍﻧﺎ ﻧﺪﻳﺮﻭ ﻓﺎﻗﺮﺏ ﻭﻗﺖ . ﻓﻜﺮﺕ ﻧﺪﻳﺮﻭ ﺷﺤﺎﻝ ﻣﻦ ﻣﺮﺓ ﻭﻟﻜﻦ ﻣﺒﻐﻴﺘﺶ ﻧﺪﻳﺮ ﻫﺪﺍﻙ ﺩﻳﺎﻝ ﺑﻠﻌﺎﻧﻲ . ﺍﻟﻠﻬﻢ ﺑﻼﺵ ﺍﻳﻼ ﻛﺎﻥ ﻏﻴﺮ ﻫﺪﺍﻙ ... ﺧﺮﺟﺖ ﻟﻘﻴﺖ ﺍﻟﺒﻨﺎﺕ ﻛﺎﻟﺴﻴﻦ ﻓﺎﻟﺠﺮﺩﺓ ﻓﻮﻕ ﺍﻟﺮﺑﻴﻊ ﺗﺤﺖ ﻭﺍﺣﺪ ﺍﻟﺸﺠﺮﺓ ﺩﻳﺎﻝ ﺍﻟﻠﻴﻤﻮﻥ ... ﺩﺍﻙ ﺍﻟﺤﺎﻣﺾ ﻣﻌﺮﻓﺘﺶ ﺳﻤﻴﺘﻮ . ﻣﺠﻤﻮﻋﻴﻦ ﻋﻠﻰ ﺷﻲ ﺣﺎﺟﺔ ﻛﻴﺸﻮﻓﻮﻫﺎ ﻓﺎﻟﺒﻴﺴﻲ ﻭﻛﻴﻔﻄﺮﻭ . ﻏﺰﻻﻥ ﻭﺟﻴﻬﺎﻥ ﺗﻮﺍﻡ . ﻛﺒﺮ ﻣﻨﻲ ﺑﻌﺎﻡ . ﻫﻮﻣﺎ ﺍﻟﺘﻮﺃﻡ ﺩﻳﺎﻝ ﺭﻭﺣﻲ ﻋﺰﺍﺯﺍﺕ ﻋﻠﻴﺎ ﺑﺎﻟﺰﺍﻑ . ﻓﺎﺵ ﺑﻐﻴﺖ ﻧﺠﻲ ﻧﺴﻜﻦ ﻓﺎﻛﺎﺩﻳﺮ ﺗﻔﺎﺭﻗﻨﺎ ﺑﺎﻟﺒﻜﺎ . ﻛﻴﻘﺮﺍﻭ ﺍﻟﻬﻨﺪﺳﺔ ﻫﻨﺎ ﻧﻴﺖ ﻓﻜﺎﺯﺍ . ﻛﻴﺘﺸﺎﺑﻬﻮ ﻭﻟﻜﻢ ﻣﺎﺷﻲ ﺑﺰﺍﻑ . ﻳﻌﻨﻲ ﺍﻟﻮﺍﺣﺪ ﻳﻘﺪﺭ ﻳﻤﻴﺰ ﺑﻴﻨﺎﺗﻬﻢ ﺑﺴﻬﻮﻟﺔ . - ﻧﺎﺭﻳﻴﻴﺐ ﺷﻮﻓﻲ ﺷﻮﻓﻲ . - ﺩﻳﺮﻱ ﺯﻭﻭﻡ ﺍﺻﺎﺣﺒﺘﻲ - ﺷﻜﺘﺸﻮﻓﻮ ﺍﻟﻌﻔﺮﻳﺘﺎﺕ - ﺯﻳﺰﻓﻮﻧﺔ ﺍﺟﻲ ﺗﺸﻮﻓﻲ ﻭﺍﺣﺪ ﺍﻟﺒﻮﻗﻮﺹ ﻓﻬﺎﺩ ﺍﻟﻔﻴﻠﻢ . ﻭﺍﺍﺍﺍﻋﺮ ﻧﺎﺭﻳﻴﻴﻲ ﺧﻄﻴﺮ - ﻗﺘﻠﺘﻮﻧﺎ ﺑﻴﻬﻢ ﺍﻧﺎ ﻣﻜﻨﺤﻤﻠﺶ ... ﻳﻼﻩ ﺑﻐﻴﺖ ﻧﻘﻮﻝ ﻣﻜﻨﺤﻤﻠﺶ ﺍﻟﺮﺟﺎﻝ ﻭﺗﻔﻜﺮﺕ ﺭﺍﺳﻲ ﻫﻬﻪ - ﺍﺭﻱ ﻧﺸﻮﻑ ﻛﺎﻉ ... ﻣﺎﺷﻲ ﺷﻲ ﺣﺎﺟﺔ ﻋﺎﺩﻱ . ﻗﺼﻴﺮ - ﻫﺪﺍ ﻗﺼﻴﺮ؟ ﺭﺍﻩ ﻓﻴﻪ ﻣﻴﺘﺮﻭ ﻭﺗﻤﺎﻧﻴﻦ ﺍﺍﺍﻻﺍﻟﺔ ﻟﻲ ﻗﺎﻟﺖ ﻟﻚ ﻗﺼﻴﺮ - ﺑﻔﻐﻎ ﻛﺎﻳﻦ ﻣﺎﺣﺴﻦ ( ﺗﻔﻜﺮﺗﻮ ﺑﻄﺒﻴﻌﺔ ﺍﻟﺤﺎﻝ ) - ﺯﻳﺰﻓﻮﻭﻭﻭﻭﻧﺔ ﺯﻳﺰﻓﻮﻭﻭﻭﻧﺔ ﺍﺟﻲ ﺍﺟﻲ ﺍﺑﻨﺘﻲ - ﺑﻼﺗﻲ ﻫﺎﻧﻲ ﺟﺎﻳﺔ ﻓﻴﻨﻚ - ﺍﻧﺎ ﻓﺎﻟﺒﻴﺖ ﻣﺎﻣﺎ ﻛﺘﻌﻴﻂ ﻋﻠﻴﺎ . ﻣﺸﻴﺖ ﻟﻌﻨﺪﻫﺎ . - ﺍﺟﻲ ﺍﺑﻨﺘﻲ ﺗﻮﺣﺸﺘﻚ ﺍﺟﻲ ﻧﺸﻮﻓﻚ ﺷﺒﻌﺎﺗﻨﻲ ﺑﻮﺳﺎﻥ - ﺣﺘﺎ ﺍﻧﺎ ﺗﻮﺣﺸﺘﻚ - ﻋﺮﻓﺘﻲ ﻛﻮﻥ ﻣﺠﻴﺘﻴﺶ ﻛﻨﺖ ﻏﻨﺠﻲ ﺍﻧﺎ ﻭﺍﻣﻴﻦ ﻧﺸﻮﻓﻮﻙ - ﺷﻨﻮﻭﻭ؟ﺑﻐﻴﺖ ﻧﻘﻮﻝ ﻻ ﻋﻼﺵ ﺗﻌﺪﺑﻮ ﺭﺍﺳﻜﻢ ﺍﺻﻼ ﻧﺘﻲ ﻛﺪﻭﺧﻲ ﻓﺎﻟﻜﺎﺭ ﺍﻧﺎ ﻧﺠﻲ ﺗﺎﻝ ﻋﻨﺪ - ﻣﻤﻤﻢ ﻭﻻ ﻣﺒﺎﻏﻴﺎﺵ ﻧﺼﺪﻋﻚ - ﻫﻬﻬﻬﻪ ﺑﺎﺯ ﺷﻬﺎﺩ ﺍﻟﻬﻀﺮﺓ - ﺑﻐﻴﺖ ﻧﻬﻀﺮ ﻣﻌﺎﻙ ﻓﻮﺍﺣﺪ ﺍﻟﻤﻮﺿﻮﻉ ﺷﺪﺍﺕ ﻟﻴﺎ ﻳﺪﻱ ﻭﻭﻻﺕ ﺟﺪﻳﺔ . ﻓﺎﺵ ﻣﺎﻣﺎ ﻛﺘﻮﻟﻲ ﻫﻜﺪﺍ ﺩﻳﻤﺎ ﻛﺘﻘﻮﻝ ﺷﻲ ﺣﺎﺟﺔ ﻣﻌﺎﺟﺒﺎﻧﻴﺶ ﻳﺎ ﺍﻣﺎ ﺷﻲ ﺣﺎﺟﺔ ﺧﺎﺻﻨﻲ ﻧﺪﻳﺮﻫﺎ ﺑﺰﺯ -ﺷﻨﻮ؟ - ﻳﺎﺳﻴﻦ ﻋﻘﻠﺘﻲ ﻋﻠﻴﻪ؟ﻭﻟﺪ ﻃﺎﻃﺎﻙ ﻧﺎﺩﻳﺔ ﺗﺨﺮﺝ ﺍﻟﺤﻤﺪ ﻟﻠﻪ ﻭﺩﺑﺎ ﺑﺨﺪﻣﺘﻮ ﻭﺩﺍﺭﻭ ﻭﻃﻮﻣﻮﺑﻴﻠﺘﻮ - ﻣﺒﺮﻭﻙ ﻭﺍﻧﺎ ﻣﺎﻟﻲ -ﻫﻀﺮ ﻣﻊ ﺑﺎﺑﺎﻙ ﻓﺸﻬﺮ 2 ﺑﻐﺎ ﻳﺨﻄﺒﻚ . ﻣﺒﻐﻴﻨﺎﺵ ﻧﻘﻮﻟﻮﻫﺎ ﻟﻴﻚ ﺣﺘﻰ ﺗﺠﻲ ﻟﻌﻨﺪﻧﺎ . ﺑﺎﺵ ﻣﻨﻠﻬﻴﻮﻛﺶ ﻋﻠﻰ ﻗﺮﺍﻳﺘﻚ ﺍﻧﺎ ﻓﺎﺵ ﺳﻤﻌﺖ ﻫﺎﺩ ﺍﻟﻬﻀﺮﺓ ﻃﺎﺡ ﻋﻠﻴﺎ ﺍﻟﻀﻴﻢ ﻣﻌﺮﻓﺘﺶ ﻋﻼﺵ . ﻧﻘﺪﺭ ﻧﺮﻓﺾ ﻭﻧﻨﺴﻰ ﺍﻟﻤﻮﺿﻮﻉ ﻭﻟﻜﻦ ﺣﺴﻴﺖ ﺑﺸﻲ ﺣﺎﺟﺔ ﻓﺸﻜﻞ · · ·
