ﻣﻌﺮﻓﺘﺶ ﻭﺍﺵ ﻛﺘﻀﺤﻚ ﻋﻠﻰ ﺍﻟﺠﻤﻠﺔ ﻭﻻ ﻋﻠﻰ ﺍﻟﻄﺮﻳﻘﺔ ﺑﺎﺵ ﻗﻠﺘﻬﺎ . - ﻋﻼﺵ ﻛﻀﺤﻜﻲ - ﺷﺘﻲ ﻧﺘﻲ ﺍﻳﻼ ﺑﻘﻴﺖ ﺗﺎﺑﻌﺎﻙ ﻏﻴﺠﺮﻳﻌﻠﻴﺎ ﻭﻳﻄﻠﻘﻨﻲ ﺑﺎﻟﺜﻼﺙ - ﺍﻭﺍ ﺟﺮﺑﻲ . ﻧﺘﻲ ﺩﻳﻤﺎ ﺗﺎﺑﻌﺎﻩ ﻋﺒﺪ ﺍﻟﻠﻪ ﻣﻦ ﻫﻨﺎ ﻋﺒﺪ ﺍﻟﻠﻪ ﻣﻦ ﻟﻬﻴﻪ . ﺟﺮﺑﻲ ﻭﺍﺣﺪ ﺍﻟﺼﻴﻤﺎﻧﺔ ﻛﻮﻧﻲ ﺩﻳﺎﻝ ﺭﺍﺳﻚ ﻣﺘﺴﻮﻗﻴﺶ ﻟﻴﻪ ﻭﺷﻮﻓﻲ ﻭﺍﺵ ﻏﻴﺘﺒﻌﻚ ﻛﻲ ﺍﻟﻜﻠﺐ ﻭﻻﻻ . ﺩﻳﺮﻱ ﺣﺎﺟﺔ ﺧﺮﻯ ﺗﻌﻠﻤﻲ ﻟﻐﺔ ﺟﺪﻳﺪﺓ ﺩﺧﻠﻲ ﻻﺳﺎﻝ ﺭﺍﻩ ﺍﻟﺪﻧﻴﺎ ﻣﺎﺷﻲ ﻏﻴﺮ ﺭﺍﺟﻞ . ﻛﺎﻳﻦ ﺑﺰﺍﻑ ﻣﻴﺪﺍﺭ - ﻭﺍﻗﻴﻼ ﻋﻨﺪﻙ ﺍﻟﺤﻖ . ﺍﻧﺎ ﻏﻨﺠﺮﺏ ﻭﻟﻜﻦ ﺗﻌﺎﻭﻧﻨﻴﻨﻲ - bien sûr - ﻗﺎﺑﻠﺔ ﻋﻠﻰ ﻳﺎﺳﻴﻦ؟ ﻫﺎﺣﻨﺎ ﺗﺎﻧﻲ ... - ﺷﻜﻮﻥ ﻗﺎﻟﻬﺎﻟﻴﻚ؟ - ﻛﻠﺸﻲ ﻋﺎﺭﻑ ﻣﻦ ﺷﺤﺎﻝ ﻫﺎﺩﻱ ﺑﻘﻴﺘﻲ ﻏﻴﺮ ﻧﺘﻲ - ﻻ - ﻋﻼﺵ -ﻫﻜﺪﺍﻙ - ﺍﻳﻮﺍ ﺑﻘﺎﻱ ﺑﺎﻳﺮﺓ ﺣﺘﻰ ﺗﻮﺻﻠﻲ ﻟﺜﻼﺗﻴﻦ ﻋﺎﻡ ﻫﻬﻬﻪ - ﻫﻬﻬﻪ ﺷﻮ ﺍﻟﺤﻤﺎﺭﺓ ﻋﻴﻘﺘﻲ ﻳﻼﻩ ﻋﻨﺪﻱ 20 ﺑﻘﻴﺖ ﻣﺠﻤﻌﺔ ﻓﺎﻟﻜﻮﺯﻳﻨﺔ . ﻋﺎﻭﻧﺖﻫﻢ ﺣﻄﻮ ﺍﻟﻌﺸﺎ . ﺗﻌﺸﻴﻨﺎ ﻭﻛﻞ ﻣﺮﺓ ﻛﻨﻄﻞ ﻋﻠﻰ ﺍﻟﺘﻠﻴﻔﻮﻥ ﻭﺍﻟﻮ . ﺩﺑﺎ ﺗﻌﺼﺒﺖ ﺩﻳﺎﻝ ﺑﺎﻟﺼﺢ . ﺍﺷﺪﺍﻧﻲ ﻧﻘﻮﻟﻴﻪ ﻫﻜﺪﺍﻙ ﻳﻤﻜﻦ ﻣﻌﺠﺒﻮﺵ ﺍﻟﺤﺎﻝ . ﺗﻔﻮ ﻣﻜﻨﺤﻤﻠﺶ ﺭﺍﺳﻲ ﻓﻬﺎﺩ ﺍﻟﻠﺤﻈﺔ . ﻟﺒﺴﺖ ﺑﻴﺠﺎﻣﺘﻲ . ﺟﺎﻧﻲ ﺍﻟﺼﻬﺪ ﻭﺍﺧﺎ ﺷﻬﺮ 3 ﺍﻟﺤﺎﻝ ﺳﺨﻮﻥ . ﺣﻴﺪﺗﻬﺎ ﻭﺑﻘﻴﺖ ﺑﺎﻟﺘﻴﺸﻮﺭﺕ ﺍﻟﻌﺠﻴﺐ ﺩﻳﺎﻟﻲ . ﻋﺮﻳﺾ ﻭﻭﺍﺻﻞ ﺗﺤﺖ ﺍﻟﻜﺮﺵ ﺑﺸﻮﻳﺔ ﻣﺮﺳﻮﻣﺔ ﻓﻴﻪ ﻓﻠﺔ ﻭﻛﻴﻠﻮﻁ ﺻﺎﻓﻲ . ﺣﺘﺎ ﻣﻦ ﺍﻟﺴﻮﺗﻴﺎﻣﺎﺕ ﺣﻴﺪﺗﻬﻢ ﺑﺎﺵ ﻧﺒﻘﺎ ﺧﻔﻴﻔﺔ . ﻃﻠﻴﺖ ﻻﺧﺮ ﻣﺮﺓ ﻋﻠﻰ ﺍﻟﺘﻴﻠﻴﻔﻮﻥ ﻛﺎﻥ ﻋﻨﺪﻱ ﺍﻣﻞ ﻳﻜﻮﻥ ﺭﺟﻊ ﻭﻟﻜﻦ ﻭﺍﻟﻮ . ﻫﺎﺩﻱ ﺍﻟﻮﺣﺪﺓ ﻭﻧﺺ ﺩﻳﺎﻝ ﺍﻟﻠﻴﻞ ﺣﺴﻦ ﻟﻴﺎ ﻧﻨﻌﺲ . ﺣﻠﻤﺖ ﺑﺸﻲ ﺣﺎﺟﺔ ... ﺷﻲ ﺟﺮﺩﺓ ﻛﺒﻴﺮﺓ ﻛﻨﺪﻭﺭ ﻓﻴﻬﺎ ﺷﻮﻳﺔ ﺑﺸﻲ ﺑﺤﺮ ﺯﻭﻳﻦ ﺷﻮﻳﺔ ﺭﻛﺒﺖ ﻭﺍﺣﺪ ﺍﻟﺒﺎﻃﻮ ﻭﻛﻨﺴﻤﻊ ﺷﻲ ﺻﻮﺕ ﺑﺤﺎﻟﻴﻼ ﺷﻲ ﺣﺪ ﻛﻴﺸﻴﺮ ﻋﻠﻴﺎ ﺑﺎﻟﺤﺠﺮ ﻓﺎﻟﺒﺎﻃﻮ . ﺗﻔﻜﺮﺕ ﻭﺍﺣﺪ ﺍﻟﻘﺼﺔ ﺩﻳﺎﻝ ﺍﻟﺠﻨﻮﻥ ﺣﻴﺖ ﻫﻮﻣﺎ ﻟﻲ ﻛﻴﺸﻴﺮﻭ ﺑﺎﻟﺤﺠﺮ . ﻫﺪﺷﻲ ﻛﻠﺸﻲ ﻭ ﺍﻧﺎ ﻛﻨﺤﻠﻢ ﻭﺍﻟﺼﻮﺕ ﻏﺎﺩﻱ ﻭﻛﻴﺰﻳﺪ ﻓﻘﺖ ﻣﺨﻠﻮﻋﺔ ﺳﻤﻌﺖ ﺷﻲ ﺣﺪ ﻛﻴﻀﺮﺏ ﺑﺸﻮﻳﺔ ﻓﺎﻟﺸﺮﺟﻢ . ﺷﻬﺎﺩﺷﻲ؟ﻗﺮﺑﺖ ﺷﻮﻳﺔ ﺣﻠﻴﺖ ﺍﻟﺸﺮﺟﻢ - ﺵ .. ﺷﺸﻨﻮ ﻛﺪﻳﺮ ﻫﻨﺎ؟ﻛﻴﻔﺎﺵ ﺩﺧﻠﺘﻲ؟ﻛﻴﻔﺎﺵ ﻋﺮﻓﺘﻲ ﺍﻟﺪﺍﺭ؟ · · ·
