Si Liliana ay isang salamangkera sa lupain ng Catharna. Abala siya sa paghahasa ng kanyang kapangyarihan nang bulabugin siya ng orakulong nagngangalang Dianne.
Nakita raw siya ng babae sa isa sa mga pangitain nito, siya raw ang magiging susi sa muling pagkabuhay ng kaibigan nito.
Para kay Liliana, isa lamang iyong katangahan. Paano niya magagawa iyon kung wala sa kamay niya ang Therñansus, ang librong naglalaman ng malalakas na mahika. Ninakaw iyon ni Stavrus, ang salamangkerong minsang naging bayani ng Catharna.
Ngunit napilit siya ng orakulo na sumama patungo ng Avinia. Paano siya tatanggi kung ang Therñansus mismo ang mapapasakanya sa oras na mabuhay niya ang kaibigan nito?
Therñansus lang ang dahilan ng pagpunta niya ng Avinia.
Therñansus lang ang rason kung bakit pupunta siya sa lupaing minsan na rin niyang isinumpa.
Ngunit sadyang mapagbiro ang tadhana...dahil sa lupain mismo ng mga lobo, doon niya natagpuan ang dalawang pares ng mga matang bumihag sa kanyang puso.
"Subukan mo lang na agawin si Macon sa akin, hindi lang buhok mo ang liliyab sa susunod!"
"Fuck you, Liliana!" Sigaw ni Savanah sa akin at lalabas nasana ng silid kung hindi lang humarang ang bulto ni Macon sa may pinto.
"Problem, baby?" Tumingin si Macon sa akin bago tiningnan nang masama si Savannah.
