Gangster vs. Assassin - Published under PHR (Precious Hearts Romances)

Chapter 26: Excretive Killers

Chapter 26: (Unedited)

Excretive Killers 

“SA TINGIN MO sasagutin ko ‘yang walang kwenta mong tanong?!” Singhal sa kanya pabalik ni Claire nang tanungin niya ito kung bakit nito kinuha sa kanya ang binigay ni Xavier na pendant.

Hinigpitan pa niya lalo ang pagkakasakal sa babaing ito mula sa likod.

“I’m going to forgive you para sa una mong sagot sa’kin, Claire. Sa susunod na maling sagot na bitawan mo…” Nilapit niya ang bibig niya tainga nito at bumulong. “Hindi lang ikaw ang mamamatay ngayon, maging ang kapatid mo.”

Nanlamig panandalian ang buong sistema ni Claire. Ngatog bigla ang mga tuhod niya nang marinig ng mga iyon sa bibig ng dalaga.

She almost forgot kung sino nga ba ang babaing ito. She almost forgot how powerful and dangerous this girl might be. Na kahit nung unang beses niyang malaman iyon sa isang tao ay ang pagtayo ng kanyang mga balahibo ang initial reaction at pagkatulala ng ilang sandali.

Seryoso nga ang dalaga na alam nito kung sino ang kapatid niya. Kanina kasi ay nagdadalawang-isip pa siya kung totoo ang sinasabi nitong babaing ito. Pero ngayong binabantaan na nito ang buhay ng kapatid niya, sigurado siyang kilala nga nito kung sino iyon.

Hindi na siya makakapayag na may mangyari sa kapatid niya. It was damn enough for her ang halos sampung taon na paghahanap. She will do anything just to protect her brother.

“S-Sabihin mo s-sa’kin k-kung nasa’n siya.” Nahihirapang saad ni Claire.

Hinigpitan pa niya lalo ang pagkakasakal rito at inilapat na ang hawak na patalim sa leeg nito at handang laslasin ano mang oras.

“Hindi ako mahilig makipagnegosasyon sa mga ganitong pagkakataon, lalo na sa isang katulad mo, Claire. Pero sige. Dahil natutuwa ako sa ginagawa ko sa'yo ngayon. I’ll give you some hint, para malaman mo kung sino ang kapatid mo.”

Kahit na hirap na hirap sa pwesto si Claire, ay nagawa niya pa ring makapagsalita.

“Hayop ka! Nasa’n siya?!”

“Woah! Chill girl! Bibigyan na nga kita ng hint ikaw pa ang galit? Nakaka-hurt ka naman ng feelings, Claire.” Sabi niya sabay arteng nasasaktan.

“H’wag mo ‘kong artihan ngayon, Xyrene. Kapag lang talaga ako nakawala rito.”

Ngumisi siya. “Kung iyon eh, kaya mong umalis sa pagkakagapos ko sa’yo ngayon.”

Claire tried again to escape but she still couldn’t make it.

“Nasa’n ang kapatid ko?” tumingin si Xyrene kay Eliza na seryosong nakatingin kay Claire.

“Bakit pa…?” Napadako bigla ang tingin ni Claire sa kapatid ring si Eliza. “Eh ikaw na nga rin mismo ang nagtaboy sa kanya nung mga panahong kailangan niya ng ate hindi ba?”