نصفي المبعثر

part11

يوسف: اي اطلبي..

نور: أريد اتعلم احجي تركي..!

يوسف باستغراب..: ليش؟ ..... هااا ههههههه علمود تعرفين شنحجي اني و سيلا ( البنت الي قبلته عليه بالمطعم)
.... مممم عترفي انتي تغارين عليه...!

قالها واقترب مني..

نور: لا والله فد لمونة انت اغار عليه... شايف نفسك بوراك (ممثل تركي ) لو توم كروز مثلا... تهي بهي ... هففف يلة امشي ناكل موطة مو عبالك نسيت وانت متصدك تغلس...

يوسف: ينراد نمر ع صيدلية بطريقنا..

نور بقلق: ليش؟؟!..

يوسف: لان صدعت من وراج!..

نور: نجب وامشي يلا..

يوسف: شكلتي ؟ قالها بغضب...

نور: أأ كتلك امشي يلا..

يوسف: ها عبالي سمعت غير شي!

نور: دولي (بصوت واطئ)

يوسف: شنو..

نور: يمعووود داستغفر ربي هففف

يوسف: خلصتي الهوا..

نور:يبوو هم ادخل استاذ بومة... شعليك ترا الهوا مو مالتك ..

يوسف: اي بس هيجي راح اختنك اني وبعد ماكدر اتنفس... وراح يكتبون بشهادة الوفاة سبب الوفاة الاختناق بسبب حلا ساهر ال... ( *ماراح اذكر اسامي العائلات... )

نور: بس اني اسمي نور احمد ال....

يوسف: هه.. يلا وصلنا نزلي...

نور: مااانزل اذا متجاوبني...

يوسف: اوكي لعد خلي نرجع ... اراد الرجوع لكنني.. فتحت باب السيارة ونزلت... ثم سرت باتجاه محل المثلجات...

يوسف: يلا شتريدين انسة ... لو مدام احلى وغمز ...

نظرت له بحدة

يوسف:يلة سكتت سكتت ..
نور:عفية حباب ...
يوسف: بس بالنهار بالليل اصير ... وغمز

احمرت وجنتاي... ياللهي ياله من وقح وجرئ....

نور : راح اكوم بطلت ماريد.. اردت النهوض ..

لكنه امسك بيدي الموضوعة ع الطاولة..

يوسف: هاهيه هههههه .. هاي حلكي وسديته... اشار للنادل ليأتي...
نور: اريد شوكلا وفانيلا و فراولة و ليمون وكيوي و ممممم والبرتقال والفستق.مممم وبعد بال...