نصفي المبعثر

part 14

يوسف: تريدين تعرفين شنو علاقتي بميرا ؟!

نور: اي!

يوسف: وشلون اعرف هناء!...

نور: اي!!

يوسف: وشنو علاقتي بيج وليش خطفتج ..

نور: ايي يوسف !!

يوسف: مممم اوك حكلج بس مو هسة..
بالوقت المناسب..

نور: لا يوسف.. اني تعبت من هاي الحالة ... الله يخليك عوفني خلي ارجع للعراق..
اريد ارجع للميتم... لحياتي الطبيعية...
كافي بعد ماكدر اتحمل .. طول النهار محبوسة بين اربع حيطان... كمت اختنك من ذيج الغرفة... اريد ارجع للعراق ادخل جامعة.. اريد احقق حلم حياتي وادرس طب.... انت بهل طريقة دتضيع حياتي...

يوسف: شنو رأيج نعقد اتفاق..

نور: اتفاق؟..

يوسف: اي اتفاق..
تلتزمين باللي اكوله مقابل اخليج تدخلين جامعة وبالاختصاص الي يعجبج...

نور: وشنو شروطك...

يوسف: اول شي تدخلين جامعة بااسم حلا...
نور: شنوو!!

يوسف: اي ... انتي لازم تستخدمين اسم حلا لان هنا يلزموج اذا استخدمتي هوية مزورة!

نور: مزورة!! بس اني هويتي مو مزورة!!

يوسف: حلا سمعي كلامي ونفذي...
وبعد لتقاطعيني..

نور: هفف كمل..

يوسف: ثانيا ممنوع تحاولين تهربين... وهذا تحذير... اصلا اني اول تالي حخلي حراس يراقبوج ... فباالاحسن متحاولين تهربين.....
وثالث شي والي هو اهم شي... ممنوع تسوين او حتى تحجين وية اي شاب..
والا الاتفاق ينلغي... ونرجع كما كنا..
هه ترجعين تكابلين الغرفة الي تختنكين منها..! اتفقنا...

نور: بس هاي جامعة واكيد راح يصير حوار ولو حتى صدفة بيني وبين ولد بقسمي او بخارجه..

يوسف: ع كد سلام او حجي ع دراسة لا اكثر... مو تكعدين تتسامريلي ويه الولد..

نور: احترم نفسك... هفف

يوسف: وهااا ماريد لبس كصير اكسر رجلج قبل متطلعين..

نور: هففف شعليك بلبسي انت ... بهاي وكافي... عفية شنو اني البس اليعجبني.. وبكيفي..

يوسف: والله يا عيوني حلا كيفج عند ابوج مو يمي...
اتريدين تبقين كاعدة وماكو جامعة ... عادي ماعندي اي مشكلة..