Eternal Promise [COMPLETED]

Chapter 2

"AIRA NAMAN! Alam mo naman tinatamad pa ako mag trabaho tapos nawalan ka naman?!"

Singhal ng kapatid kong si kuya Rodel. Lagi naman kasi siyang tinatamad eh. May bago ba doon? Mas matanda siya sa akin ng tatlong taon pero wala pa kahit first work. Twenty five siya at twenty two naman ako.

"Kuya tinanggal kasi ako. May nambastos kasi sa'kin. Hinipuan ako kaya ayun. Sinipa ko."

"Tanginang 'yan! Binastos agad 'yun? Hindi ka naman hinubaran eh! Bwisit! I-dedate ko si Sasha mamaya eh!"

"Edi magdate kayo."

"Tanga ka ba?! Wala akong pera?! Bobo naman nito!" Padabog na umalis si kuya at pumuntang kwarto nito.

"Hayaan mo na ang kuya mo Aira. Sige na kumain kana."

"Salamat 'nay" Agad ko namang sinunggaban ang paksiw na isda.

"Aira may hiring do'n sa court oh. Job fair ata," saad ni 'tay na bigla bigla na lang sumulpot.

"Talaga po?"

"Oo kaya bilisan mo na diyan! Napaka bagal naman talaga oh!" singit ni Kuya Rodel.

"Sige po 'tay." Agad kong tinapos ang pag kain ko. Nag ayos muna ako ng sarili at dumiretso ng court para mag apply. Sayang ang oras eh. Hay buhay.

Ako ang breadwinner sa pamilya. Kaya dapat gorabells! I will work for them. I'll protect them. Ang pamilya ko ang importante sa lahat. Sila ang priority ko. Kaya nga kahit pagoda na ako. Go go go! Mag aaral na rin si Kenjo kaya kailangan na talaga.

"Kaya mo 'yan Aira Janine!"

------

"May trabaho na ako!" Pasigaw kong salubong sa bahay.

"Punyeta naman Aira! Kailangan sumigaw?" Pupungas pungas na sabi ni Kuya habang pababa ng hagdan.

Napasimangot ako sa asal ni kuya. Ayaw niya no'n? Dumiretso ako sa kusina para hanapin sila nay at tay para ibalita ito.

"Anong trabaho mo? Wala sila 'nay. Nasa kanila Manang Delia."

"Encoder po kuya."

"Buti naman. Ni re-sched ko 'yong date namin ni Sasha. Sa sweldo mo na lang."

"Pero kuya-"

"Punyeta naman Aira! Baka nakakalimutan mo imbes na ako ang nakatapos eh ikaw ang pinag-aral!"

Natahimik ako sa sinabi ni Kuya. Totoo naman kasi iyon na imbes na siya ako ang nag aral. Bulakbol din naman kasi siya kaya 'di na siya pinag aral nila 'nay. Nasasayang lang ang pera sa kaniya kasi hindi siya makaalis sa highschool.

"Okay po kuya." Agad na umalis siya sa harap ko. Minsan matatanong ko na lang sa sarili ko kung kapatid ko ba iyon eh.

Nag ayos na lang ako ng sasaingin namin habang hinahantay sila 'nay. Naghugas na rin ako ng pinggan nang makaramdam ako ng pagkahilo. Napahawak ako sa lababo at hinilot ang aking sintido.

Nang mawala na ang sakit ay agad kong tinapos ang mga gawaing bahay.

"Ate!"

Napalingon ako kay Kenjo na tumawag sa akin. Si Aiken Joseph Suarez ang mahal na mahal ko sa lahat. Siya ang bunso naming kapatid. Meron siyang down syndrome sa edad na sampu kaya hindi siya normal pero para sa akin. Perpekto siya. He's my strength. Siya ang pinaka priority ko sa lahat.

"Kenjo? Bakit basang-basa ka?" tanong ko nang makita ko siyang basang-basa. Mukha rin itong hingal na hingal. Agad akong niyakap ni Kenjo nang masiguro niya ako ang ate niya.