-
سلام جميليني شخباركم ؟شكراً كبيرة للي سأل عني و عن صحتي ، الحمدلله تحسنت ..
إللي عاتب أني تأخرت شوي أعتذر منكم بس قلت من قبل كتابتي
للبارتات مش أولوية على صحتي و أهلي : )
قراءة ممتعة ي حلوين ..
ـ
مُوكّل أنا بِكْ ، يا مَرفأ سُفنيْ ، يا أول ( اليم ) ...
ـ
لما بعدوا عنه و طلعوا برى المدرسة ..
يوسف بعد ما هدى سلاف اللي يرجف : قلت لك لا تروح وياه نهاية
الدوام .. ليش ما سمعت كلامي ؟
سلاف م كان يسمعه من قوة الخوف اللي يسري في جسمه من رأسه
لأصابع رجله .
عثمان حرك شعر سلاف : بس خلاص م صار شي..
سلاف أنتفض وبعد يد عثمان بقوة : لا تلمسني ..
طالعوا فيه اثنينهم ..
يوسف : لا تلمسه واضح أنه خايف مرة ..
سلاف بعد شوي عنهم و رفع جواله يتصل ..
يوسف : بتتصل على مين ؟
سلاف م رد عليه و عينه تحجر فيها الدمع حتى أنفاسه بالعافية تطلع..
رن جواله وهو يشرح دواء لمريض و م رد لين طلع المريض و قلبه
ع الجوال اللي ما وقف اتصالات ..
عماد رد : هلا ..
سلاف نزلت دموعه المتحجرة : ي..يبه .
عماد قبضه قلبه : شفييك ؟
سلاف بعد أكثر عنهم : ت..تعاال لي المدرسة خاايف تعال ..
عماد : شفيك ؟ صار فيك شي لا تخوفني ..
سلاف : اييه صار يبه بسرعة ..
عماد : بجيك الحين ..
طلع عماد من الصيدلية وقفلها و حتى البالطو ما فصخه و بسرعة
راح للمدرسة .