سلام جميليني ، أخباركم ؟
يا حلوين من بعد هالبارت باقي بس بارتين ع النهاية ..
ذكرت في هالبارت ( مي و ثامر ) بس ما راح أذكرهم إلا بشكل
طفيف في البارتين الجايين و ما أدري إذا تسعفني حروفي اني اضبط
دور الستريت كوبل هههههههه
المهم نجي ل ( يوسف و عثمان ) و ( هزار و سليم ) بعد ما راح
يكون وجودهم في البارتين الجايين إلا نادراً بس هذول راح
تكون لهم ( ون شوت ) ..
أبي البارتيين الجايين أركز بشي معين و لو أضيف بارت ثالث
بيكون جداً مبتذل لذا الون شوت أنسب خلوني على بطل
الرواية الأساسي سلاف ..
قراءة ممتعة ..
ـ
فتحت عيونها ... لما غمضها هو ..
ـ
مي تبخر الألم اللي حسته و تفشلت من الموقف و على طول دفت ثامر
شوي بعيد عنها : بعد وجهك ..
ثامر ما تحرك : شفيك ؟
مي غطت وجهها بيدينها : م..مشكور ما فيني شي ..
ثامر ألتفت للشغالة : عدلي الكرسي .
الشغالة عدلته و قربته من مي ..
مي ما بعدت يدينها عن عيونها : لو سمحت أطلع الحين شوي لين
أمشي .
ثامر : تبيني أجلسك فيه ؟
مي هزت رأسها بسرعة : لا الشغالة بتساعدني مشكور..
ثامر بهمس : كأني ما حملتك من قبل ..
مي بعدت يدينها عن عيونها : ش..شنو ؟
ثامر وقف : دام ما فيك شي السموحة .
طلع ثامر من البيت و أخذ نفس عميق .. أما الشغالة ساعدت مي
تجلس ..
الشغالة بخوف : لا تقولي لماما طاح عليك الكرسي..
مي : و لا أنتي لا تقولين الرجال دخل كذا طيب ؟
