بقينا لوقتٍ طويل حتى حل الليل أستأذنت لاخرج من المنزل خرج هو خلفي و ذهب كل شخص بطريقة عدت إلى طريق المزرعه متوجهاً إلى منزلي حين وصلت إلى هناك تذكرت بأن المفاتيح لدي قمت بفتح الباب لتستقبلني رائحة الطعام الشهية
جاد : الله .. ريحة الاكل تخبببل
اتجهت الى المطبخ كانت تقوم بتحضير السلطة قبلت وجنتها بخفة
بيلين : تأخرت ..
جاد : شسوي كملت كل شي و اجيت وحاولت احصل شي بس ماكو
ابتسمت لتقول بهدوء ..
بيلين : كل شي يجي بهدوء
جاد : مثل مدخل ياسر للبيت اليوم ..
بيلين : دخـــــــل !!
رأيت الدهشة على ملامحها قبلت يدها لآقول
جاد : لتخافين لهسة كل شي تمام
بيلين : الله يستر من الي راح يجي ..
لا أنكر أنا ايضاً خائف .. فهو لديه عائلة قد يحدث له شيء لن أستطيع مسامحة نفسي على ذلك .. أن حدث له شيء وهو يحاول أظاهر الحق سأحمل نفسي الذنب فهو يحاول انجاز مهمتي تذكرت بأنني لم أتكلم مع لين منذ أيام بينما كانت تعد الطعام اتجهت إلى الحديقة لآتصل بها .. خلال عده ثواني أتى إلي صوتها
لين : جــــاد اخويه حبيبي مشتاقتلك كوومة
جاد : هههههههه ع كيفج وحده وحده
لين : شلوونك ؟
جاد : كل شي تمام و انتي ..!
ألتمست السعادة بنبرة صوتها مما جعل الراحة تدخل إلى أعماقي ..
لين : الحمدلله كل شي تمام بس ناقص اشوفك
جاد : بيتي معروف تعالي ..
لين : و ليش ما تجي انت ..
جاد : تمام باجر أجي اخذج من البيت و نطلع واني ارجعج مرة ثانيه
لين : تمام اني راح انتظرك ياي صدك مشتاقتلك كومة
جاد : هســة اروح تصبحين ع خير وانتبهي لنفسج
لين : وانت هــم ..
ابتسمت كان صوتها طبيعياً ليس كالمرة السابقه حين حادثتها .. عدت إلى الداخل تناولنا العشاء سوياً لنشاهد فِيلماً من بعد تناول الطعـام كنت أعبث بخصلات شعرها بينما تضع رأسها على صدري سمعت صوتها و هي تقول بهدوء
بيلين : تعلمت شي
جاد : شتعلمتي ..❗
نظرت إلي لتقول بذات الهدوء ..
بيلين : قبل يعني اول ما أجيت لهالمكان جنت أكرهك الود ودي اموتك و اخلص منك .. بوكتها ما جنت اشوف هاي الشخصية الي بيك جنت تتصرف بأول ايام بشخصية ثانية تكره الواحد بيك كوه
صمتت لتنظر إلي كنت أنظر لها دون ان أتكلم فقط أستمع ..
بيلين : ويه الايام اكتشفت شخصية ثانيه بعيد عن قناع البرود جان هي شخصيتك الحقيقة الي تحتاج واحد يطلعها أفتهمت بوكتها انو الواحد يجبر على شي بدون أرادته ومرات بضغط حاد علي يخلي يسوي اشياء ما يريدها
قبلت باطن يدي لتكمل ..
بيلين : الانسان الحقير مو الي يسوي أشياء مو زينه وبس الاحقر الي يحكم على البشر بدون لا يعاشرهم .. من يطلق عليهم القاب ويحطلهم صفات بدون لا يعرف شنو بداخلهم انت و القصه الي مرينا بيها علمتني شي مهم ما احكم ع شي او شخص بدون لا أجرب الشي او اعاشر الشخص مو لآن سمعت حجي علي احكم وهاي هيه .. تصدك انت علمتني أهم شي بالحياة
قبلتها بهدوء لامست يديها خصلات شعري .. ربما انا أيضاً تعلمت شيء من هذه العلاقه ربما هو عدم التسرع .. قد اتسرع في اتخاذ قرارتي لكنني قد تعلمت ان أخفف من تلك السرعة .. أبتعدت لاهمس في أذنها
جاد : كل يوم أحبج أكثر من الي قبله ..
عدت لآقبلها مطولاً حقاً ما قلته .. أستيقظت صباحاً وهي بين يداي يحتضن كلانا الاخر بقوة ابتسمت لحظتها ربما بسبب الخوف هذه هي حالتنا لآننا نخشى من غدر الفقد ..
