..
كانت جالسه وحاضنه ركبها ومسنده راسها عليها..وتهز نفسهاا..
كانت بين الوعي والاوعي..
فزت بخوف اول ما سمعت صوت الجوال..
تنهدت برجفه
وقعدت طالعت بدون استيعاب في الجوال وهو يتصل بدون ما تتحرك..حتى انقطع الصوت
غمضت عيونها بخمول ورجعت راسها مره ثانيه على ركبها
..
سلطان شد شعره على ورا بتوتر ورجع يتصل و الوسواس لعبه فيه..
رفعت راسها وهي تشوف الجوال يتصل مره ثانيه ..انسدحت جنبه ورفعته وظغطت زر الرد
بدون ما تتكلم
سلطان بقلق/الوووووو اتصلتي!!!
اميرة/...........
سلطان/الووووه بنــت الوووووو
اميرة غمضت عيونها/.............تعال
سلطان زفر براحه وبهدو/صار شي!
اميرة/.......... لا
سلطان/اجل وش له اجي!؟ ما ارتحتي معهم!؟
اميرة بصوت باكي/.... تـ ـ تـ عال
سلطان تاكد انه صاير شي وقف بسرعه وبدل/يالله نص ساعه ب الكثير وانا عندك خليك جاهزه
اميرة وقفت وخذت شنطتها ولمت اغراضها اللي نثرتها بسرعه
وثبتت الحجاب على راسها..
ونزلت بسرعه وهي تتلفت ورها بخوف..
وقفت في الحديقة وهي تفرك يدها بتوتر وهي تنتظر سلطان
ارتجفت من البرد تحس ان الزمان
وقف وهي تنتظره تبي تطلع من هنا بسرعه..
بعد عشر دقايق
وقفت سيارة سودا
اميرة بتهور طلعت بسرعه لشارع وهي تتنهد براحه..
لان سلطان جاء حركة مقبض باب السيارة بتفتحه بس ما انفتح..
بعد ثواني
انفتح باب السيارة ونزل منها وهو لابس بنطلون بيج وتشيرت اسود نزل نظارته وهو يرفع حاجبة بستغراب
اميرة شهقت بقوه وهي ترجع
على وراء
راشد تقدم منها هو يناظرها
من فوق لتحت /من انتي!؟
حولت تتكلم بس مقدرت صوتها ضاع منها..
رجعت ورا اكثر وهو تقدم منها اكثر
اميرة لفت عنه بسرعه بتدخل
لاكنه مسكها بقوه ولوا يدها ورا ظهرها
هو يتكلم بحده/من تكونين!؟جاسوسه!؟
اميرة وهي تهز راسها بقوه بلا
راشد لفها له وهو يركز في ملامحها "بلهجه سعوديه/مسلمه!؟
اميرة بلعت ريقها وهي تتظاهر بعدم معرفتها ل كلامه..
في هذي اللحظه طلع استيفان من البيت وهو مستغرب
راشد دفها لقدام هو ياشر عليها/استيفان من تكون هذه لقد وجدتها في الخارج
استيفان اتجه لهم بستغراب/اميرة!!!ماذا تفعلين في الخارج في هذا الوقت المبكر!؟
اميرة بلعت ريقه وبصعوبه نطقت/اءء ااااا نـ نـتظر س سـ...ـلطان في الـطـريق الى هـ...ـنا سـ اذهب معه فـ لدي موعد مع احدهم علي الذهاب
استيفان /اهاا لا مشكله يمكنك ذلك لا كان عديني بزيارة اخرا
اميرة هزت راسها له...
وابتعدت عن راشد اللي ما شال عيونه عنها...
راشد يتجه لستيفان
راشد بحقاره وهو يغمز لستيفان/من تكون هل هي رفيقتك!؟
اسيفان /هههههههه كلا انها ابنت اختي الراحله
راشد/اهاا يبدو انها مسلمه..
استيفان/اجل
راشد بخبث/تمتلك وجهاً جميلاً ولا سيما عينها لولم تكون قريبتك لرافقتها
استيفان ياشر لراشد يدخل/دعنا ندخل ونكمل الحديث
اميرة شدت جسمها اللي انتفض من كلامهم عنها بواقاحه. ..شافت سيارة ثانيه توقف وشبكها ينفتح
سلطان يأشر لها تركب/مطوله!؟
اميرة ابتسمت براحه وركبت بسرعه/حرك بسرعه
حرك سلطان وعينه عليها/وش صار !؟
اميرة هزت راسها يعني ماصار شي
سلطان وهو يشد على دركسون وبحده/وش صااار..جفونك محمره يعني انك كنتي تبكي و لوقت طويل
اميرة نزلت راسها تقدر تكذب على الكل الا هو يكشفها..
اميرة بتوتر/ك...كفار
سلطان رفع حاجبه بإستغراب/كفار!!
اميرة تكلمت بسرعه/جدتي وخالي وكلهم طلعو كفارر وو ........
سلطان قاطعها بحده/لا تكذبين
اميرة /ما اكذب و و لد خالي ضايقني يقول شيلي الحجاب و وخفت منه
سلطان عض شفايفه /بحاول اقتنع انك صادقه...
وصلو للفندق
نزلو ركبو الاسنصير وهم ملتزمين الصمت..
وصلها لغرفتها
سلطان ويده في جيبه..وبجمود/ادخلي بدلي ونامي بعد ما تصحين لي كلام ثاني معك
دخلت بدون لا ترد عليه
بعد ما دخلت اتجه لغرفته اللي في الطرف الثاني من ممر الفندق
...
اميرة بدلت ملابسها ببجامه رصاصيه بكمام قصيره عليها صورة دب الباندا
حطت راسها على المخده بتنام ميته تعب من امس صاحيه..
غمضت وهي تسترخي ...
اصوات كثيرة رجعت لها صور ناس ماتعرفهم
