Love And Lust (COMPLETED)

Chapter 6 - Never

Love and Lust

~

PUGTO ANG mga mata ni Sofia kinaumagahan. Ni ayaw nga niyang bumangon sa kama, pakiramdam niya ay ang bigat bigat ng katawan niya. Kasing bigat ng nararamdaman ng kanyang dibdib. C.A proposed to Hyana, gumuho na ang lahat ng pag asa niya. Hindi pa siya handang bitawan si C.A, ni wala nga siyang planong bitawan ang binata. God, mahal na mahal niya si C.A hindi ba pwedeng siya nalang ang mahalin ng binata?! Hindi ba pwedeng maging siya na lang si Hyana Samonte.

Iniisip niya sana ay panaginip lang ang nangyaro kagabi, sana ay hindi totoo na nag propose na nga ang binata sa pinakamamahal nito. Pakiramdam kasi ni Fia ay literal siyang nahahati sa dalawa. Para siyang mamamatay.

Wala sa sariling bumangon siya sa kama. Hindi p-pwedeng hindi niya sabayan sa agahan ngayon ang Tito Patrick niya at isa pa'y may klase siya mamaya at kailangan na niyang gumayak ngayon.

"How are you, Fia? Masama daw ang pakiramdam mo sabi sakin ng kaibigan mong si Trisha kaya daw maaga kang umuwi sa birthday party ng anak ni Governor." Pambungad na tanong sa kanya ng Tiyuhin niya sa hapag.

Nagpakawala na lamang siya ng malalim na buntong hininga. "Pasensya na po, medyo sumakit lang po ang ulo ko kagabi kaya hindi na po ako nakapag paalam sa inyo."

Tumango tango ito. "Papasok ka ba ngayon? Kung hindi mo kaya, huwag na muna."

"Hindi po pwede Tito. Exam po namin ngayon, kailangan ko pong pumasok." Paliwanag niya.

"Right, sumabay ka na lang sa akin."

Tumango na lang siya at pinagpatuloy ang pagkain kahit na wala naman talaga siyang ganang kumain ngayon. Ayaw niya lang na mag alala pa ang tiyuhin niya sa kanya dahil alam naman niyang napakarami nitong inaasikaso sa restaurant. Bigla tuloy siyang napaisip kung magiging kasing galing din ba siya ng tiyuhin niya sa pagpapatakbo ng negosyo. Hindi naman lingid sa kaalaman niya kung gaano kalaki ang tiwala sa kanya ng Tito Patrick niya kaya nga ang gusto nito ay siya ang mag take over sa pamamahala sa libo libong Ai's Restaurant kapag nag retire na ito.

Ngayon ay mas lalo siyang nagi-guilty sa mga pinag gagawa niya. Alam niya kung paanong madi-disappoint ang tiyuhin niya sa kanya kapag nalaman nito ang pinasok niyang relasyon sa bestfriend niya.

"Tumawag ka na ba kina Inang mo?! Nag aalala iyon sayo, nakailang tawag nga siya sa akin kanina." Sabi sa kanya ng Tito Patrick niya habang nasa loob sila ng sasakyan. "Alam mo namang hiniram lang kita sa kanila para may makasama ako sa bahay. Huwag mo naman daw silang kalimutan."

Natawa siya ng bahagya. "Tinawagan ko naman po si Inang kanina," tukoy niya sa ina. "Sinabi ko na po na maaayos na ang pakiramdam ko. Sinabi ko rin po na magbabakasyon po ako sa Ilocos sa semestral break. Miss na miss ko na po ang bukid."

"Ayaw mo na ba rito sa siyudad, Fia?!"

Bigla siyang natigilan sa narinig. Obvious na obvious ba ang sakit na nararamdaman niya na tila ba inaayawan na niya ang buong siyudad dahil hindi niya matanggap ang naganap kagabi?!

"Sasamahan ko po kayo rito, Tito." ngumiti siya sa tiyuhin.

Ngumiti naman ito pabalik at saka ginulo ang buhok niya. "Aasahan ko 'yan, anak." bumaling ito ng tingin sa daan. "Nga pala, naabutan mo bang nag propose na kagabi ang kaibigan mong si C.A sa anak ni Governor?"

Napapikit siya ng mariin. Kilala ng Tito niya si C.A at alam na niyang magtatanong ito tungkol sa bagay na ito. Sayang at hindi niya naiwasan.

"H-hind-i n-na po." Nagkandautal siya. "S-so, nagpropose na po pala siya. That's good, matagal niya na pong nabanggit sa akin ang tungkol riyan." She tried to sound happy but she just can't at mukhang napansin naman iyon ng tiyuhin niya.