Love And Lust (COMPLETED)

Chapter 15 - Party

Love and Lust

~

“KUMUSTA ang naging usapan niyo? Is he rude and disrespectful? Sabihin mo lang Fia. Ayaw kong naiipit ka sa ganitong sitwasyon. Hell! Ni ayaw kong maikasal ka sa isang Heluxus!”

Nilapitan ni Fia ang Tiyohin niya. Alam niyang alalang alala ito sa kanya kaya ito nagkakaganito. Pero kailangan niyang siguradohin dito na ayos lang siya. Tutal ay mukhang disente at mabait naman si George Azil, ayos na rin iyon.

Isa pa, gaya nga ng sinabi niya, ito na lang ang natitirang paraan para maisalba ang Ai's na taon na ring pinaghirapan ng Tito niya. Hindi naman siguro masama kung isasakripisyo niya ang sarili niya para naman ito sa taong nag alaga at nagpalaki sa kanya.

Hinarap niya ang tito niya. “Ayos naman po, Uncle. Isasama niya po ako bukas sa Anniversary party ng parents niya. Sasabay na ho ba kayo sa amin?” paninigurado niya.

Nag iwas ito ng tingin. “H-hindi ako a-attend.”

“Bakit naman ho?” takhang tanong niya. “Mas maganda po na nandon kayo Tito. Isa pa, minamadali na ni Mrs. Heluxus iyong kasal namin ni Azil, ang gusto nila ganapin na 'yon next month.” aniya habang inaayos ang mga libro niya.

“Wala ka bang boyfriend, anak?”

Natigilan siya bigla sa narinig. Binitawan niya ang hawak na libro at saka ngumiti ng mapait pero hindi niya iyon pinahalata sa tiyuhin niya.

Ngumiti siya rito. “Hindi naman po iyon mahalaga Tito, maisalba ko lang ang Ai's okay na po ako.”

“Pero Fia—”

“Wala po akong boyfriend.” sansala niya sa sasabihin nito. Inabala na niyang muli ang sarili. “Okay lang po ako kung ako ang inaalala niyo, Tito. Isa pa, sinabi ko naman ho na malay natin magkagustohan kami ni Azil.”

Napabuntong hininga na lang ito. “Para kasing binebenta kita, anak. Hindi naman dapat ikaw ang namo-mroblema nito Fia, dapat ako ang gumagawa ng paraan hindi iyong ganito.” napaluha ito.

Tila hinaplos naman ang puso ni Fia. Nilapitan niya ang tiyuhin at niyakap niya ito ng mahigpit.

“Okay lang po ako,” bumitiw siya sa pagkakayakap rito. “Kayo ho? Bakit hindi po kayo a-attend sa party nina Mr. and Mrs. Heluxus?”

Namutla ito sa tanong niya, bigla namang nagtaka si Fia. May iniiwasan bang makuta ang tiyohin niya kaya ito nagkakaganito ngayon or talagang ayaw lang nitong nakikita siyang nasa ganitong sitwasyon.

Hinaplos niya ito sa balikat. “Okay lang ho Tito kung gusto niyong magpahinga. Ako nalang po ang pupunta.” aniya.

Hindi na umimik ang Tito niya at lumabas na ito ng kanyang silid. Pabagsak na naupo siya sa kama. Oh, God! Kaya pa ni Fia. Kinakaya niya pa ang mga nangyayari sa kanya.

Dumapo ang kanyang palad sa sinapupunan niya. Yes, nagdadalang tao siya at si C.A ang ama. Noong isang araw niya lang din nalaman dahil delayed na siya ng ilang araw. Doon na siya kinabahan kaya gumamit na siya ng pregnancy test kit. Kahit na kabadong kabado siya, umasa siyang negative ang magiging resulta niyon. Kaya lang hindi e! Bakit ba kasi kinalimutan niyang uminom ng pills nung nasa Ilocos sila ni C.A, hayan tuloy, nadale siya. 

Nagpakawala siya ng malalim na buntong hininga. Goodness! Hindi niya pa nasasabi ang tungkol dito kay Azil. Sana lang talaga ay maintindihan ito ng binata.

Bandang alas tres ng hapon ng mapagdesisyonan ni Fia na pumunta sa isang beauty parlor. Nakakahiya naman kasing humarap sa mga mayayamang Heluxus gayong napaka-simple niya. Kailangan niyang umayon sa mga nakagisnan nito at maging sopistikada. Pisikal na anyo lang naman niya ang babaguhin niya.