بسم الله الرحمن الرحيم
هذي أول رواية أكتبها في حياتي وان شاء الله ما تكون الأخيرة .. لأن حلمي اللي أتمنى أحققه بإذن الله أني أصير كاتبة مشهورة ^^
الرواية رومنسية درامية وأحداثها غير متوقعة و ان شاء الله تعجبكم
ابيكم تنقدوني كثير عشان اتعلم من...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
البارت السادس عشر
.
"عبقرية هي الفتاة التي تجيد التفرقة بين الدلال والميوعة ..! لو قابلتها يا بني فلتتبعها لآخر العالم" ― ,
.
طلع من المطعم وهو يركض بسرعه ويتلفت على كل مكان عشان يلقاها ضرب راسه بضيق لما ما شاف لها أي أثر وركض لعند السور ولف لجهة الجسر لمحها من بعيد وهي تمشي ببطئ وركض لعندها بأقصى سرعه
وصل راشد للمكان اللي كانت موجوده فيه بس مالقى لها اثر بدأ يحس بالقلق يتزايد في قلبه و قعد يناظر بوجيه الناس بس عشان يتأكد يمكن انه ما شافها زين من الظلمه اللي بالمكان ..طالع المكان بعيون ضايعه كيف ممكن يلاقيها بهالمكان الكبير ووسط كل هالناس رفع راسه بتعب وقال بهمس : وين اختفيتي؟؟
حس بأحد يهزه من ورا لف بسرعه وتفاجئ بقوة لما شافها.. واقفه منزله راسها وتحرك رجلها بالأرض ..مسك كتفها بقوة وهو يصرخ : انتي ويــــن كنتي؟؟
لما كانت ساره واقفه على الجسر لمحت واحد يركض من بعيد وعرفت انه راشد من ملابسه وهيأته.. خافت منه اذا شافها الحين اكيد بيذبحها.. مشت بسرعه وتخبت بين الناس وهي تناظره من بعيد.. لما شافته كيف يدور عليها فكرت انها اذا هي راحت له بيكون احسن من انه هو يلقاها.. لأنه لو لقاها اكيد بيعاقبها وبيمنعها من الطلعه
مشت بتوتر لجهته وراحت ورا ظهره وهزته بهدوء ..تفآجأت فيه لما مسكها من كتفها بقوة نزلت راسها بالأرض وهي تفكر كيف ترد عليه
رفعت راسها وناظرت فيه ببرود :انا مارحت مكان ..انت اللي ما كنت موجود عالطاولة وقلت اروح ادور عليك
راشد هزها بعصبيه :هبله انتي!!! توني جاي من داخل المطعم وقالولي العاملات ان محد كان موجود والحمام فاضي
ساره رفعت حواجبها وقالت ببرود أكثر:يمكن لما دخلت انت كان نفس الوقت اللي انا طلعت فيه عشان ادورعليك
انقهر من برودها حس وده لو يصفقها كف على ردة فعلها ..هو كان خايف ويدور عليها بكل مكان وترد عليه بهالطريقة..ترك كتوفها ولف للجهة الثانيه وهو يتنهد بضيق
