Dalawang guhit na pula
Pighati ang dala
Itinago ngunit lumobo
Pagsusuka ay di mahapo
Isang pagkakamali
Libo ang konsekwensa
Takot ang lumukob
Kainosentehan ay natapos
Pagkakamali na nasundan
Hanggang sa hindi matigilan
Parang droga,
Adiksyon ang dala
Ngunit nay, bakit?
Diba't kayo ang may gawa?
Ngunit sa akin ang parusa
Biktima pero dinusa
Ngunit nay, bakit?
Hindi ako binigyan ng laya
Liwanag ay di na nakita
Dahil pinutol agad ang hininga
