Mèkredi a se te 8 mas, se te jounen mondyal fi yo. M remake yon reyalite ki tris: toupatou sou tè a, kit fi yo piti kit yo gran yo sibi vyolans ak diskriminasyon nan lavi yo.
Diskriminasyon ki baze sou sèks moun.
Ann Azi,pifò paran prefere gen pitit gason pase pitit fi. Nan yon lòt rapò Nasyonzini te bay an 2011, yo fè konnen nan zòn sa prèske 134 milyon fi ki pa la nan popilasyon an paske manman yo te fè avòtman, paske yo touye tibebe fi ki fèt oubyen akòz neglijans.
Edikasyon
Toupatou sou tè ,a medam yo reprezante de tyè nan kantite moun ki fè mwens pase katran lekòl.
Agresyon seksyèl
Gen plis pase 2.6 milya fi k'ap viv nan peyi kote moun pa konsidere se yon bagay ki grav anpil lè yon mari vyole madanm li.
Sante
Nan peyi an devlopman yo , prèske chak de minit, gen yon fi ki mouri akoz pwoblèm li gen nan gwosès li oubyen pandan l ap akouche,sa rive paske yo pa jwenn swen medikal minimòm yon moun ta dwe jwenn.
Dwa pou moun posede byen
Byenke plis pase mwatye nan kantite danre ki nan monn nan se fi ki kiltive yo, nan anpil peyi fi pa gen dwa ni posede tè ni eritye tè.
Poukisa yo pa bay fi dwa sa yo ki nòmal pou moun genyen? Nan kèk kilti, moun yo suiv yon seri kwayans ak yon seri pratik kèk relijyon genyen ki ankouraje moun fè abi e ki fè moun fè vyolans sou yo. Oubyen yo menm bay moun rezon pou yo aji konsa. Gen yon jounal fransè ki site pawòl sa yo yon avoka endyen ki rele Chandra Rami Chopra te di:"Gen yon bagay ki sanble nan tout lwa relijyon yo genyen: yo soutni diskriminasyon kont fi."
Èske se konsa w wè bagay yo tou?
VOUS LISEZ
Kreyòl
RastgeleLiv sa se an kreyòl li ekri,mwen remake pa gen liv nan Lang sa sou wattpad,se sa ki fè m ekri l. Li pral pale sou sa nou vle, nou ap jis ekri m di ki sijè nou ta renmen m ekri epi m ap eseye ede n jan mwen kapab. Mwen swete nou apresye sa. Mèsi pout...
