My Dream Husband.(Book 1: Promising Marriage)

Wall

Halata sa gulat na mukha ng mga kaibigan niya ang biglang pagsulpot niya sa harapan ng apartment nito.

"Eve, anong problema? At napasugod ka sa kainitan ng araw?" Si Regine ang nagbukas ng pinto, hindi niya ito pinansin. Nilagpasan niya ito at saka umupo agad sa sofa, lumabas naman mula sa kusina si Judie na may nakasalpak pangchocolate bar sa bibig.

"Wha-mm-t u-mm-p?" Hindi niya naintindihan ang sinabi ni Judie, sabay namam tumayo ang dalawa sa harapan niya . Si Judie na nagtataka pero ngumunguya pa rin ng chocolate at si Regine na nakahalukipkip habang nakataas ang isang kilay.

"Anong problema? Kasi konti na lang maniniwala na akong nagsisimula ka ng mag-adik." Nagtaka naman siya na napatingin kay Regine.

"Ha?"

"Eto tignan mo yang ngiti mo. Abot hanggang langit, nakakatakot ka Eve, para kang high." Napatingin naman siya sa maliit na salamin na hinarap sa kanya ni Judie,kung saan nito iyon nakuha ay hindi niya alam.

Sinibat naman niya ang sariling repleksyon sa salamin, at confirm! Nakangiti siya at alam niyang hindi pekeng ngiti ang nasa mukha niya kundi ngiting nagmumula sa puso niya.

Saka niya naisip ang sinabi ni Wencell. Napatayo siya at nagulat pa ang mga kaibigan niya ng bigla niyang yakapin ng sabay ang dalawa.

"Woh, iba na yan" Natatawang sabi ni Judie. Huminga siya ng malalim para masabi ng tuwid ang gusto niyang sabihin.

"Wencell confessed his feeling." Ngiting-ngiti niyang sabi at parang timang ang dalawang kaibigan na halos sabay pa na nanlaki ang mga mata.

"What?/Talaga?" Sabay na sabi pa ni Regine at Judie. Tumango-tango siya , nakita niya na napangiti ng malapad si Regine, samantalang si Judie ay mabilis siyang hinitak siya saka pinaupo sa mahabang sofa at saka pinagitnaan ng dalawa.

"Dali magkuwento ka? Pano? Kelan siya umamin?" Si Judie ang pilit na nangulit sa kanya na ikuwento ang lahat, pinuno niya muna ng hanging ang baga bago huminga ng malalim.

Nagsimula siyang magkuwento kung pano siya niyaya ni Wencell na kumain, hanggang sa dumating siya sa part na alam niyang pulang-pula siya. Sandali siyang huminto at gusto niyang matawa sa itsura ng dalawa niyang kasama kung siya ay pulang-pula , si Regine naman ay parang naeskandalo sa kuwento niya, samantalang si Judie ay ngising-ngisi na akala mo ay nag-iimagine ng kakaiba.

"That's gross ! So pano siya umamin?" Kahit parang humindik ang itsura ni Regine ay nagawa pa rin itong magtanong sa kanya. Nagsimula ulit siya magkuwento hanggang sa sinabi nito, alam niyang daig niya pa ang kamatis sa sobrang pula pero ang dalawa niyang kasama ay speechless lang at nakakatawa ang mga itsura dahil sa parehong nakanganga ang dalawa.

"Hoy? Ano kinaya niyo ba?" Natatawa niyang tanong.

"Ang hot naman, ang astig naman nun. You made love with an erotic confession. " Hinampas niya ng unan sa mukha si Judie, mukha kasi itong nagpapantasya ng gising.

"Aray ! Sadista nito." Natawa naman silang tatlo.

"So umamin na si Wencell. Ikaw ba umamin na?" Napatingin naman siya kay Regine, kung may hindi siya masabi kay Wencell ay sa mga kaibigan niya iyon madalas nasasabi, katulad na lamang ng totoong feelings niya kay Wencell.

"Hi-hindi." Pag-amin niya .

"What ? " si Regine

"Bakit?" Si Judie.

"Hindi ko kasi akalain na sa ganoon siya aamin. Masyado kasi akong na overwhelmed, kaya nga mabilis akong nagbihis at gusto ko may makausap. Hindi ko talaga alam ang gagawin ko kanina." Naisubsob niya ang mukha sa unan na hawak niya. Saka sumigaw doon para ilabas ang kilig na naipon kanina pa.