Tula Para Sayo

Ika-sampu

Salamat sa buhay na pinagkaloob
Habang buhay kong tatanawin na utang na loob
Sa bawat aral na tinatak mo sa isipan ko
Hanggang sa aking huling hantungan ay dadalhin ko

Sa bawat saya at lungkot
Sa bawat iyak at tawa
Sa bawat pait at tamis
Lagi kang kasama at walang mintis

Isa lang naman ang nais kong iparating
Ang malaman mong ikaw ay mahalaga sa akin
Walang katumbas ng yaman sa mundo
Ang halaga mo sa buhay ko

Lumipas na ang panahon.
Tumatanda na ang mga puno at nalalagas na ang mga dahon.
Sa lugar kung saan puro puti
Nanghihina mong ngiti ang namumutawi

Sa oras na ako'y nagpaalam
May kakaiba na akong naramdaman
Puso ko'y tila huminto
At ayaw umalis sa pagkakatayo

Sabi ko may mali.
Ngunit dapat munang isantabi
Umuwi ng tulala
Hanggang sa sumapit ang umaga

Ginising ng balita
Ikaw ay tuluyan ng nawala
Iniwan mo na pala kami
Punong-puno ako ng pagsisisi

Hindi man lang ako nakapag paalam
Masabi ko man lang sana sayo kung gaano ka namin kamahal
Araw-araw parin kitang naaala
Nangungulila sa isang ama

Mahal na mahal kita Tay.
Pagsisikapan kong magtagumpay sa buhay
Hindi man kita kasama sa pagkamit nito
Ngunit alam kong pinapanood mo lng ako kahit ika'y nasa malayo