أصدقاء لا أزواج .. بقلم : أميرة عادل

الحلقة الثامنة عشر

#أصدقاء_لا_أزواج
#بقلم_أميرة_عادل

الحلقه الثامنه عشر:

اول ما فريده فتحت الباب .. فتحت عنيها وغمضتها كتير .. مش مصدقه اللي هي شايفاه..
كانت شايفه قاعه متزينه وكوشه كلها ورود.. كانها حته من جنينه .. بس القاعه فاضيه .. مفيهاش حد غير ياسين
شافت ياسين لابس بدله سودا وكان زي القمر ... واقف في النص علي البست وماسك المايك ... ومديها ظهره .. اول ما فريده فتحت الباب .. لف وبصلها وبدا يغني مع الاغنيه
ﺗﺘﺠﻮﺯﻳﻨﻲ ﻭ ﺗﻜﻤﻠﻲ ﻟﻲ ﻧﺺ ﺩﻳﻨﻲ ﻭﻧﻜﻮﻥ ﺳﻮﺍ
وﺗﻜﻮﻧﻲ ﺣﺒﻴﺒﺘﻲ ﻭﺃﻛﻮﻥ ﺣﺒﻴﺒﻚ ﻭﺗﻌﻮﺿﻴﻨﻲ ﻟﻴﺎﻟﻲ الشقى
ﺗﺘﺠﻮﺯﻳﻨﻲ ﻭ ﺗﻜﻤﻠﻲ ﻟﻲ ﻧﺺ ﺩﻳﻨﻲ ﻭﻧﻜﻮﻥ ﺳﻮﺍ
وﺗﻜﻮﻧﻲ ﺣﺒﻴﺒﺘﻲ ﻭﺃﻛﻮﻥ ﺣﺒﻴﺒﻚ ﻭﺗﻌﻮﺿﻴﻨﻲ ﻟﻴﺎﻟﻲ الشقى
ﻭﻳﺎﺭﻳﺖ ﻣﺎﺗﻔﻜﺮﻳﺶ ﺩﻩ ﻟﻐﻴﺮﻙ ﻣﺶ ﻫﻌﻴﺶ
وان كان علي حاجه تانيه .. ياحبيبتي ما تخافيش
ﻭﻳﺎﺭﻳﺖ ﻣﺎﺗﻔﻜﺮﻳﺶ ﺩﻩ ﻟﻐﻴﺮﻙ ﻣﺶ ﻫﻌﻴﺶ
وان كان علي حاجه تانيه .. ياحبيبتي ما تخافيش
ﺗﺘﺠﻮﺯﻳﻨﻲ ﻭ ﺗﻜﻤﻠﻲ ﻟﻲ ﻧﺺ ﺩﻳﻨﻲ ﻭﻧﻜﻮﻥ ﺳﻮﺍ

ﻭﺍﺩﻳﻜﻲ ﻋﻴﻨﻴﺎ ﺷﺒﻜﻪ ﻭﺍﺩﻳﻜﻲ ﻋﻤﺮﻱ ﻣﻬﺮ
ﻭﺃﻋﻤﻠﻚ ﺯﻓﻪ ﺣﺒﻴﺒﺘﻲ ﺗﻜﻮﻥ ﺍﻛﺘﺮ ﻣﻦ ﺷﻬﺮ
ﻭﻫﻨﻌﻤﻞ ﺍﺣﻠﻲ ﻟﻴﻠﺔ ﻋﺮﻳﺲ ﻭﻋﺮﻭﺳﺔ ﺟﻤﻴﻠﻪ
ﻭﻧﻠﻢ ﻛﻞ ﺍﻟﻌﻴﻠﻪ ﻭﻫﺘﺒﻘﻲ ﻟﻴﻠﺔ ﺍﻟﻌﻤﺮ
ﺗﺘﺠﻮﺯﻳﻨﻲ ﻭ ﺗﻜﻤﻠﻲ ﻟﻲ ﻧﺺ ﺩﻳﻨﻲ ﻭﻧﻜﻮﻥ ﺳﻮﺍ

خلصت الاغنيه ..
ياسين : فريده .. تقبلي تشاركيني احلامي وعمري اللي جاي
فريده مبتروضش عماله تدمع وبس
ياسين : خلاص يا فريده .. اعتبريني مقلتش حاجه ..
ولف ظهره ليها ..
سمع صوت فريده
فريده : ياسين
ياسين لف بصلها تاني .. وفريده باصاله قوووي
جريت عليه فريده .. وهو بيجري عليها .. ومسك ايدها الاتنين بين ايديه .. كان نفسه قوي ياخدها في حضنه ... وفضلوا يبصوا لبعض .. ودموعها عماله تنزل
مسح ياسين بأيده دموعها .. : بتعيطي ليه دلوقتي
فريده (بابتسامه من بين دموعها ) : عشان افتكرتك نسيتني وهتتجوز غيري
ياسين (بحب ) : انا مقدرش انساكي .. فريده انتي النفس اللي بتنفسه .. قلبي كل دقه فيه بتقول فريده .. عيني مبتشوفش غيرك .. لساني بيحب اسمك .. ايدي بتحب تلمس ايدك .. انتي متعرفيش الفتره اللي فاتت دي عدت عليا ازاي .. فريده انا بحبك قوي قوي .. ومعنديش اي استعداد اعيش لحظه من غيرك
فريده (بسعاده وحب ) : وانا كمان .. انا كمان بحبك قووي
ياسين : قولي قلتي ايه كده تاني
فريده (بكسوف ) : ياسين خلاص بقا
ياسين : بـــــحـــــــبــــــــك
نزل ياسين علي ركبه وطلع من جيب البدله علبه وفتحها .. كان فيها خاتم الماظ حلو قوي
ياسين : تتجوزيني
فريده بصت وراها لمريم ... اللي هزت راسها بمعني اه .. وهي عماله تدمع .. واحمد حاضنها من كتفها
فريده بصت لياسين بحب وقالت : موافقه
قام ياسين  ومسك الخاتم ولبسهولها ... وفريده مبسوطه قوي وجسمها كله بيترعش .. وفجأه سمعت تصقيف عالي قوي ... وانوار القاعه كلها نورت .... شافت باباها وهو واقف يصقفلها وعنيه بتدمع .. شافت مي وعمر وهما واقفين بيصقفوالهم .. كل ده وهي مش مصدقه نفسها حسيت كانها بتحلم حلم جميل قوي .. كانت خايفه تصحي منه
مسكها ياسين من ايدها وراحوا يقربوا منهم
قربت فريده من مي وحضنتها : بحبك قوي يا مي ..
مي (بضحك) : ده انا برضه .. ربنا يسعدك يا حبيبتي
قربت من يوسف .. اللي اخدها في حضنه جامد : ربنا يسعدك ويفرحك دايما يابنتي
مريم جت هي واحمد
حضنتها فريده قوي : ربنا يخليكي ليا يا مريوم
مريم : انبسطي يا حبيبتي وافرحي .. كفاياكي حزن بقا
قعدوا كلهم علي ترابيزه واحده ..
ياسين : خلينا في المهم
وبص ليوسف : ها ياعمو .. عايز اتجوز بقا الله يخليك .. بص يا عمو حضرتك تعرف عني كل حاجه تقريبا ... وانا طالب ايد فريده .. ها قلت ايه ياعمو
يوسف : انتي ايه رايك يا فريده
كلهم بصوا لفريده .. فاتكسفت و وشها احمر قوي .. وراحت مرجعه خصله من شعرها ورا ودانها ومرضتش
ياسين : السكوت علامه الرضا يا عمو
يوسف : ها يا بنتي .. موافقه
فريده هزت راسها : موافقه
عمر : ازغرط .. اخيرا هههههه
مي : بس يا عمر بلاش رخامه
ياسين : بما اننا كلنا متجمعين اهه .. يبقي نقرا الفاتحه
وافق يوسف .. وقروا الفاتحه ...
يوسف : انا رائي نعمل خطوبه كمان اسبوعين وبعدين نعمل ..
قاطعه ياسين : معلش يا عمو .. من غير ما اقطع كلام حضرتك .... انا عايز اتجوز علي طول .. اعتقد اننا مش محتاجين فتره خطوبه .. احنا عارفين بعض كويس ولا ايه يا فريده
فريده (بكسوف ) : ها .. معرفش .. اللي تشوفوه
يوسف : طب نعمل خطوبه الخميس الجاي في الفيلا عندنا .. والفرح كمان شهرين تكونوا وضبتوا البيت وجهزتوا.. اظن كده كويس يا ياسين
لسه ياسين هيتكلم راح احمد قال
احمد : خلاص ياعمي .. عشان خاطر ياسين ميزعلش ونبقي قسمنا البلد نصين .. نعمل خطوبه مع كتب كتاب يوم الخميس الجاي .. والفرح كمان شهرين زي ما حضرتك قلت
ياسين : حبيبي .. يا بو نسب .. هو ده الكلام
احمد : يالا عد الجمايل
يوسف (بضحك ) : خلاص وانا معنديش مانع ... ها موافقه علي الكلام ده يا فريده
فريده ساكته خالص ومكسوفه و وشها محمر
مريم : خلاص يا بابا .. هي موافقه .. مش كده يا فريده
ضحكت فريده ...
يوسف : الف مبروك يا ولاد ... ربنا يسعدكم يارب ...
فريده بضحك : انتوا كلكم كنتوا عارفين وبتضحكوا عليه .. طيب ازاي ..عايزه افهم
مي : انا عرفت متاخر والله
فريده : ايوه صح انتي كنتي معايا وحسيت بيكي .. ده انتي كنت بتعيطي معايا
عمر : انا اقولك.. بعد ما اخدت مي من عندك كانت منهاره في العياط وعماله تتخانق معايا وتشتم فيه وفي ياسين
ياسين : متشكرين يا ست مي
مي : ههههه
عمر : المهم .. صعبت عليا وهي بتعيط كده .. فقولتها
فلاش بااااك
عمر : ممكن تهدي وهفهمك كل حاجه
مي : تفهمني ايه .. عايز تفهمني اني ساعدتكم تحطموا قلب صاحبتي واختي
عمر : لا طبعا .. هو انتي مفتحتيش كارت الدعوه قبل ما توديه لفريده
مي : لا طبعا .. مكنتش عايزه اشوفه اصلا .
عمر (بضحك) : عشان اسم العروسه هي فريده .. هههههههه
مي (تنحت ) : فريده ازاي
باااك
عمر : حكتلها كل حاجه .. برغم انها كانت متضايقه عشان خبيت عليها بس كانت فرحانه جدااا ليكي . عشان كانت حاسه بيكي قوي ..
مي بعتت بوسه في الهوا لفريده .. وفريده ابتسمتلها
كمل عمر : المهم اشترطت عليها انها متشوفكيش خالص لحد يوم الخميس عشان انا عارفها مش هتعرف تمسك نفسها وهتقولك علي طول
ضربته مي علي كتفه .. وكملت مريم
مريم : انا بعد ما كنت عندك وسيبتك تنامي.. نزلت مع بابا المكتب .. وهناك جابت دلال كارت الدعوه اللي انتي كنتي نسيتيه علي الترابيزه .. اخدته بسرعه وانا بحمد ربنا ان بابا مخدش باله عشان ميسألنيش عن حاجه .. بس طبعا لما دلال جابته .. بابا سأل ..
فلاش باااك
يوسف : اقريه يا مريم .. او هاتي انا اقراه
مريم فتحت الكارت بايد بتترعش .. وقرت اسم العروسه ... فريده يوسف... وقفت مريم وهي مش فاهمه حاجه
اخد يوسف منها الكارت ... وضحك
يوسف : ايوه يا مريم .. فريده هي العروسه
مريم : ازاي .. انت كنت عارف
يوسف : ايوه يابنتي.. انا اه سايبكم براحتكم ومش بسالكم علي حاجه ...بس مش معني كده اني مش عارف ايه اللي بيحصل ... ياسين قالي انه بيحب فريده وعايز يتجوزها من ساعه ما كنتوا في شرم ... وكلمني بعد ما سافر وحكالي انه طلب ايدها  للجواز وهي رفضت .. وقالي علي الفكره بتاعته .. وانا شجعته عليها .. لان فريده عمرها ما كانت هتعترف بحبها لياسين وانها مش هتقدر تعيش من غيره غير كده .. وانا كل اللي كان يهمني .. اني اشوف بنتي مبسوطه وسعيده .. مع انسان بيحبها .. بس كنت حابب اتأكد ان فريده بتحبه بجد وعايزه تتجوزه ..في الوقت ده كان ابن واحد صاحبي بيزن عليه انه يرتبط بفريده .. فانا لقيتها فرصه .. اتاكد من مشاعرها فعلا . خليتهم اتقابلوا .. طريقه فريده للرفض .. اكدتلي انها مش عايزه تكون مراه حد غير ياسين ..وعشان كده لما ياسين كلمني وقالي علي فكرته اننا نعمل الخطوبه ونفاجأها بيها . وافقت .. ولما سمعتها وشفتها وهي بتعيط مع مي في الجنينه بعد الضحك اللي كانوا فيه بمجرد ان مي ادتها الكارت .. اتاكدت من كل ده .. بس صعبت عليه بنتي .. قلبي كان بيتقطع عليها .. كان نفسي اروح اخدها في حضني .. واقولها الحقيقه كلها وفعلا كنت هعمل كده .. وطلعت وراها .. بس لما سمعتها بتكلمك .. قلت الحمد لله انتي هتعرفي تهديها .. فضلت واقف ورا الباب قلبي بيتقطع .. لحد ما سمعت صوت عربيه احمد داخله .. نزلت بسرعه وقعدت في اوضه المكتب ..
بااااك
مريم : يعني لو كنتي فتحتي الكارت .. كنتي عرفتي كل حاجه لوحدك
فريده (اتكسفت من كل الكلام اللي هي سامعاه وعنيها بتدمع ) : بس انتي ومي كنتوا عمالين تقنعوني ما اجيش الخطوبه
مريم : لازم نمثل صح بقا هههه
مي : ايوه .. امال هنبوظ كل حاجه في اخر لحظه .. كمان ياسين غير كل حاجه لما عرف انك مقريتيش الكارت .. فمعزمناش حد زي ما انتي شايفه .... بعد ما كنا هنعملك خطوبه بجد هههههه
فريده : طب وقبل كده .. موضوع السفر والخطوبه وكله .. عايزه افهم
عمر : اللي اعرفه قولته .. اللي قبل كده .. كله بتاع ياسين هو يحكي بقا
ياسين : هقولك كل اللي انتي عايزه تعرفيه بس مش دلوقتي اوك
فريده ( بدموع ) : انا بحبكم قووووي قووي كلكم .. ربنا يخليكم ليا يارب .. مش عارفه ولا لاقيه كلام اقوله ليكم .. (وبصت لياسين ) سامحني يا ياسين على كل حاجه
قاطعها ياسين : ششششششش.... مش عايز اسمع اي كلام خلاص ... اللي فات مات .. ولا ايه
كلهم : هههه
طلب ياسين العشا .. وقعدوا ياكوا كلهم سوا ويضحكوا .. ياسين ميل علي فريده اللي قاعده جنبه وقال
ياسين : في واحده يتقري فاتحتها وهي لابسه كاجول كده
فريده : رخم
ياسين : انا رخم .. اهون عليكي .. ده انا حبيبك
فريده (بضحك ) : خلاص متهونش عليا ... بس انا مكنتش اعرف يعني .. وبعدين كنت جايه احضر خطوبتك
ياسين (بغمز) : طب جايه تحضري خطوبتي .. مش تلبسي فستان كده .. وتعمليلي اغراء
فريده : بقا كده ... طيب انسي بقا الجواز خلاص .. (وقالت بصوت عالي ) بابا
يوسف : ايوه يا حبيبتي
ياسين : مفيش ياعمو .. كانت بتطمن عليك بس
يوسف ضحك .. وكمل كلام مع احمد وعمر
ياسين (بصوت واطي ) : ايه يا شيخه ... انتي ما بتصدقي
فريده : هههههههههههههه
.........................................................................................................................................................................
روحوا كلهم وهما مبسوطين .. فريده كلمت مامتها علي طول عشان تفرحها
فريده : الو .. ازيك يا ماما عامله ايه
سعاد : حبيبتي يا فري... اخبارك ايه .. وحشاني قوي قوي
فريده(بسعاده) : وانتي كمان ... باركيلي يا ماما
سعاد : الف مبروك يا حبيبتي ..بس علي ايه
فريده (بفرحه وهي بتبص علي الخاتم اللي ياسين لبسهولها في ايدها ) : انا هتجوز يا ماما
سعاد(بقلق) : اوعي يكون بابكي غصب عليكي يا فريده .. متوافقيش يا بنتي .. وانا هكلمه .. محدش هيجبرك علي حاجه
فريده (بسعاده) : لا يا مامي .. انا موافقه.. وبابا مغصبنيش علي حاجه ... انا اللي عايزه ده
سعاد : ربنا يهنيكي يا حبيبتي ... قوليلي بقا اسمه ايه وبيشتغل ايه ..وعرفتوا بعض ازاي .. كل حاجه
فريده (بضحك) : ياسين يا مامى اللي كنت حكتلك عنه ..
سعاد: مش ده المعيد اللي عندك في الكليه
فريده : اه هو .. انتي لازم تنزلي
سعاد : اكييد طبعا ..ربنا يسعدك يا بنتي ويهنيكم .. انتوا حددتوا معاد امتي واتفقتوا علي ايه
فريده : هنعمل كتب كتاب يوم الخميس الجاي .. والفرح كمان شهرين ان شاء الله
سعاد : مبروووك يا بنتي .. هتلاقيني عندك ان شاء الله يوم الخميس ..
........................................................................................................................................................................
قفلت فريده مع مامتها وغيرت هدومها وهي في منتهي السعاده ..لسه هتنام .. لقت موبايلها بيرن
ياسين : ايه يابنتي الرغي ده كله .. بقالي ساعه بكلمك مشغول
فريده(بسعاده) : كنت بكلم مامي
ياسين : ممم ماشي .. ولو اني بغير
فريده ابتسمت
ياسين : ها يا حبيبتي .. كنتي هتعملي ايه دلوقتي
فريده (بفرحه) : حبيبتك!!
ياسين : انتي لسه عندك شك
فريده اتكسفت ومرضتش
ياسين (بحب ) : انتي مش بس حبيبتي .. لا انتي حبيبتي وروحي وقلبي وعقلي كمان
فريده وشها بقا احمرررر قووي من الكسوف وقلبها بيدق جامد قوي ومش عارفه تقول ايه
ياسين (بضحك) : انتي نمتي ولا ايه ..
فريده : لا منمتش معاك اهه
ياسين : طب انا مكلمك عشان اقولك اعملي حسابك بكره هعدي عليكي علي الساعه 5 كده عشان ننزل نشتري الشبكه والفستان بتاعك
فريده : طيب هشوف بابا واكلمك اوك
ياسين : انا لما لقيت تليفونك مشغول كلمت عمو واتفقت معاه وهو موافق
فريده : خلاص اوك .. اتفقنا يا ياسين
ياسين : نعم .. نعم .. ايه ياسين دي
فريده (بضحك) : انت غيرت اسمك ولا ايه .. مقلتيليش يعني
ياسين (بضحك) : لا والله .. عموما يوم الخميس نتكلم براحتنا .. يالا هسيبك عشان تلحقي تنامي شويه واشوفك بكره ان شاء الله
فريده : اوك .. تصبح علي خير
ياسين : وانتي من اهل الخير .. هتوحشيني لحد بكره
فريده (بابتسامه ) : وانت كمان .. باي
قفلت فريده بسرعه من غير ما تستني رد ...وهي مبسوطه قوي ..بقت رنه رساله جت علي موبايلها .. من ياسين مكتوب فيها
" ماشي يا حبيبتي .. تقولي وانت كمان وتقفلي علي طول .. عموما لينا يوم تاني .. تصبحي وانا بحبك "
قرت الرساله وهي مش مصدقه نفسها من السعاده اللي هي فيها دي كلهاا ... قامت اتوضت وصلت ركعتين شكر لله ونامت وهي مبسوووووووووطه قوي
تاني يوم الصبح .. كلمت فريده مريم . عشان تقولها تنزل معاها النهارده عشان الشبكه .. بس مريم اعتذرتلها لانها حاسه بتعب جامد من مجهود اليومين اللي فاتوا مع الحمل .وكلمت الدكتورة وقالتلها ترتاح خالص .. لحد ما تروحلها في العياده بالليل.
عدي ياسين علي فريده زي ما هما متفقين ... ركبت فريده مع ياسين العربيه .. كانت زعلانه ان لا مريم ولا مامتها معاها ..
ياسين : صباح الورد .. تحبي تروحي فين الاول
فريده(بابتسامه ) : صباح الخير .. اي مكان مش عارفه
ياسين : الجميل زعلان ليه ..
فريده : تعرف انا بحبك قوي  عشان بتحس بيه من غير ما اتكلم
ياسين (بغمز ) : بس عشان كده
فريده ابتسمت ومرضتش
ياسين : تعرفي اني بعشق ابتسامتك دي .. لما بشوفها الدنيا كلها بتضحكلي
فريده (بحب ) : ربنا يخليك ليا
ياسين : ها بقا قوليلي متضايقه ليه
فريده : كان نفسي قوي ماما تكون معايا او مريم النهارده .. بس ماما مش هنا وهتيجي يوم الخميس الصبح .. مفكرتش تقولي انها هتيجي حتي قبلها بيوم .. كانها واحده غريبه عني .. ومريم الحمل تاعبها شويه .. ومش قادره تتحرك النهارده
ياسين : اخص عليكي .. هو انا مش كفايه ولا ايه .. ياستي اعتبريني ماما ومريم كمان لو حابه
فريده ضحكت قووي ...
ياسين : ايوه كده .. هي دي الضحكه الحلوه
راحوا الاول محل الذهب واشتروا الدبل واشتروا الشبكه طقم سولتير رقيق قوي .. وطلعوا علي مول عشان يشتروا الفستان لفريده .. دخلوا محل فساتين سواريه
فريده : بص ايه رايك في الفستان ده حلو قوي مش كده
ياسين : هو حلو .. بس مش هتلبسيه
فريده : ليه مش قلت حلو
ياسين : ايوه .. بس ظهره مفتوح قوي .. عامل زي اللي كنتي لابساه في خطوبه مي ها
فريده (بابتسامه) : ايوه .. ساعه ما اتضايقت عليا..
ياسين (بغيظ) : ايوه ياختي
فريده : انت اتضايقت ساعتها ليه صحيح
ياسين (بحب) : بصي يافريده .. انا بغير عليكي من نسمه الهوا .. اللي بتيجي جنب شعرك .. انا ما اقبلش ولا استحمل ان حد يشوفك لابسه كده ..
فريده بتبصله وعنيها بتلمع من الحب وقالت : طب تعالي نشوف حاجه تانيه
فضلوا يلفوا في محلات كتير ومفيش ولا فستان عجبهم هما الاتنين..
ياسين : تعالي نروح ناكل حاجه ونستريح شويه وبعدين نكمل .. انا خلاص تعبت
فريده : اوك يالا بينا
راحوا قعدوا في مطعم علي النيل وطلبوا الاكل وهما قاعدين
فريده : مبسوط يا ياسين
ياسين : قوي قوي يا حبيبتي
جت الجرسونه وحطت الاكل ومشيت ..
فريده (بغيظ) : انت بتبصلها ومبتسم قوي كده ليه
ياسين (بابتسامه ) : انا ... مين ده ..
فريده (بغيظ) : يا سلام .. مبشوفش انا مش كده
ياسين (عايز يغيظها اكتر ) : اقولك ومتزعليش
فريده : قول ومش هزعل
ياسين : لا هتزعلي
فريده : يوووه .. قلتلك مش هزعل .. قول بقا
ياسين : اصلها انثي
فريده : نعم!!!!... امال انا ايه حضرتك .. شايفني راجل يعني
ياسين (بابتسامه وهو قاصد يغيظها ومستمع بشعور الغيره ) : بصي يعني دي اول مره نخرج لوحدنا .. وكمان المفروض مخطوبين .. ورايحين نجيب الشبكه والفستان .. بصي انتي لابسه ايه .. سالوبيت جينز وبدي وكوتشي
فريده (بغيظ) : عادي يعني .. وبعدين ما انا طول عمري بلبس كده .. ايه الجديد؟؟
ياسين : عارف انك طول عمرك بتلبسي كده .. وانا حبيتك كده زي ما انتي .. بس انا شفت فيكي بنوته رقيقه وانوثه مخبياها باللي بتعمليه في نفسك ده .. عايز احس اني هتجوز فريده البنوته مش عمر صاحبي
فريده وشها احمر من النرفزه واتغاظت جداا  ومرضتش عليه .. بس بينها وبين نفسها قالت : ماشي يا ياسين .. بكره تشوف
وكملت اكلها عادي جداا. .. ياسين بصلها وابتسم وكمل اكله
ياسين : ها نقوم نكمل يالا
فريده : لا خلاص .. انا عايزه اروح
ياسين : طب والفستان
فريده : مش مشكله بكره انزل اجيبه
ياسين : طب اوك .. بكره اعدي عليكي بس متاخر اكون رحت الجامعه عشان المفروض اقطع الاجازه
فريده : لا .. انا هنزل لوحدي .. ومتقلقش مش هحضر كتب الكتاب بالسالوبيت
ياسين : انتى زعلتي ولا ايه .. يا عبيطه .. انا بحبك في كل حالاتك .. وكنت برخم عليكي بس .. يعني انا لو ببص للشكل ولا يهمني .. كنت هحبك واموت فيكي كده ازاي وانتي عايشه دور البنت اللي بسبع رجاله في بعض ها
فريده (ابتسمت بس دارت ابتسامتها بسرعه ) : مش زعلانه .. بس بجد انا عايزه انزل الف لوحدي .. وبعدين انت كمان وراك كذا حاجه  تعملها عايز تجيب البدله وتتفق مع الماذون غير الشغل ... وعشان معطلكش النهارده الاحد يعني خلاص مفيش وقت
ياسين : خلاص اوك .. اللي يريحك .. طب يالا نقوم
فريده : يالا
........................................................................................................................................................................
يوم كتب الكتاب الصبح ...صحيت فريده علي صوت مريم
مريم : يالا يا كسلانه .. قومي بقا .. يعني انا اصحي والبس ونفطر انا واحمد ونيجي وحضرتك لسه نايمه ..
فريده : مريومه .. اخيرا جيتي
مريم : معلش والله علي عيني اني مكنتش معاكي يوم ما نزلتوا الشبكه وانتي بتلفي علي الفستان بس انتي عارفه .. تعبت خالص من المجهود ورحت للدكتوره زي ما انتي عارفه من كتر التعب وقاليتلي اريح في البيت .
فريده : عارفه يا حبيبتي .. ربنا يقومك بالسلامه
مريم : طيب يالا قومي بقا خدي شاور وصلي وتعالي فرجيني الفستان علي الطبيعه .. وقوليلي ناقصك ايه .. يالا بسرعه مفيش وقت
فريده حضنت مريم وباستها .. : ربنا يخليكي ليا .. انا بحبك قوي
مريم : وانا كمان
لسه فريده هتقوم .. موبايلها رن .. كان ياسين
فريده : صباح الخير
ياسين : صباح الورد والفل والياسمين علي العيون العسليه
فريده (بابتسامه ) : ده ايه الروقان ده
ياسين : طبعا مش عريس بقا .. وحشتيني قوي علي فكره
فريده : ياسلام .. ما احنا كنا مع بعض من كام يوم
ياسين (بحب) : وحشتيني بجد
فريده (بكسوف وهي بتبص لمريم ) : وانت كمان
ياسين (بسعاده ) : مش مصدق نفسي .. اخيرا النهارده هتكوني مراتي حلالي
فريده اتكسفت ومرضتش
ياسين(بابتسامه) : نفسي اشوفك دلوقتي وانتي مكسوفه كده
فريده : مش مكسوفه ولا حاجه عادي
ياسين (بضحك) : يا سلام
فريده : وحياه عبدالسلام
ياسين (ضحك جامد) : لاااااا  ده احنا اتغيرنا قوووي
فريده لسه هترد لقت باب اوضتها بيتفتح ومي داخله ..وبتقول بصوت عالي
مي : صباح الخير يا عروسه
فريده : صباح الخير يا ميوي
مريم : صباح الخير يا مي .. تعالي يابنتي اقعدي جنبي لحد ما الهانم تخلص رغي في التليفون
فريده (بضحك) : طيب يا ياسين .. لازم اقفل معاك دلوقتي ...
ياسين : سمعتهم .. وبالعند مش هقفل
فريده (بضحك) : خلاص بقا يا حبيبي .. قلبك ابيض
ياسين : يا ايه !!
فريده (اتكسفت ) : خلاص بقا
ياسين : قوليها يا فريده نفسي اسمعها منك
فريده :لما اشوفك بقا ..
ياسين : ماشي يا حبيبتي.. هانت .. يالا هسيبك عشان تجهزي نفسك واشوفك بالليل ان شاء الله
فريده : اوك .. باي
قفلت فريده الموبايل وبتبص علي مي ومريم وهما قاعدين جنب بعض ومرجعين ظهرهم لورا وقعدت تضحك
مريم : بتضحكي علي ايه
فريده : عليكم ... يعني ياربي ملقتش غير 2 حوامل واحده بطنها بقللت والتانيه مش قادره تتحرك ومش قادرين يعملوا حاجه .. لا وقال ايه جايين يساعدوني
مي : تصدقي انتي معندكيش دم.. احنا غلطانين .. يالا يا مريم
مريم : يالا يا مي .. نروح نقعد في اوضتي ونخلي دلال تجيبلنا حاجه ناكلها ونريح شويه
لسه هيقوموا
فريده : علي فين .. خلاص بقا .. اقعدوا .. وخلوا دلال تجيب الاكل هنا عشان انا كمان جعانه هههه .. لحد ما اطلع من الحمام
اخدت فريده شاور وصلت وقعدوا ياكلوا البنات سوا ويضحكوا
فريده : يالا خلصوا اكل بقا .. الكوافيره زمانها جايه
مريم : عشت وشفت فريده .. مستنيه الكوافيره .. وهتحط ميك اب
فريده : عارفه لو مكنتيش حامل .. كنت عرفت اتصرف معاكي
مريم / مي : هههه
الباب خبط .. دخلت سعاد بتزغرط و وراها دلال بتزغرط معاها
سعاد بتفتح ايدها : حبيبتي يا فري.. الف مبروك يا عروسه
فريده بتجري علي حضنها : الله يبارك فيكي يا مامي
سعاد: كبرتي يا فري ... دي هديتي ليكي يا رب تعجبك
اخدتها فريده من دلال .. ونزلت دلال وسابتهم
سعاد: مريم حبيبتي .. عامله ايه .. واخبار الجواز ايه
مريم : الحمد لله .. احمد راجل بجد وبيحبني وطيب وحنين وبيخاف عليه
سعاد : ربنا يخليكم لبعض .. ويكملك حملك علي خير .. ازيك يا مي عامله ايه .. ما شاء الله بطنك بانت اهه
مي (بضحك) : الحمد لله يا طنط .. تقريبا من كتر الاكل .. ضربت بدري هههه
فريده بتفتح الهديه وتشهق ..: ايه ده يا ماما
قربت منها مريم ومي : هههههههه
سعاد : ايه يابنت مش عجباكي هديتي
مي : ده حلو قوي خلاص هاخده انا يا طنط
مريم : لا طبعا .. اخده انا ... انتي خلاص يا مي تخنتي ومش هيدخل فيكي هههه
فريده : خودوا انا استحاله البس حاجه كده اساسا
كلهم : ههههههه
سعاد : يا عبيطه .. ده عشان لما تتجوزي يا هبله .. قميص نوم عادي علي فكره .. هو بس قصير ..
لسه فريده هترد .. خبطت الباب .. وكانت دلال بتوصل الكوافيره
راحت مريم ومي وسعاد اوضه مريم عشان يجهزوا بعد ما احمد لبس ونزل عشان يكون في استقبال الضيوف مع يوسف.. وفريده بتجهز في اوضتها ...
وصل ياسين .. وعمر ومامه عمر اللي ياسين اصر انها تيجي معاه لانه بيعتبرها امه  .. والمأذون والضيوف
ياسين بيكلم يوسف : ها يا عمي .. مش تطلع تجيب فريده .. الضيوف كلهم هنا والماذون عايز يمشي
يوسف : ايوه عندك حق .. زمانها خلصت 
طلع يوسف اوضه فريده  وخبط علي الباب ودخل
يوسف : بسم الله ما شاء الله .. ايه الجمال والحلاوه دي .. كنتي مخبيه الجمال ده كله فين
فريده بكسوف : ميرسي يا بابا
يوسف : طيب انا شايف انك خلصتي .. امال فين مريم وسعاد ..
فريده : بيلبسوا وزمانهم خلصوا ... اهم جم اهه
مريم : وااااو .. ايه الجمال ده يا فري
مي : تحفه يا فريده .. كاني اول مره اشوفك
سعاد: قولوا ما شاء الله
مي / مريم : بسم الله ما شاء الله
يوسف : طب يالا بينا
فريده : لا يا بابا انا مش هنزل غير بعد كتب الكتاب
سعاد : ليه يابنتي .. يالا الناس وصلوا
فريده : كده .. معلش سيبوني علي راحتي
يوسف : خلاص براحتك يا بنتي ..
نزل يوسف ومعاه سعاد ومي ومريم عشان كتب الكتاب
سعاد / مي / مريم : مبروك يا عريس
ياسين : الله يبارك فيكم .. امال فين فريده؟؟
يوسف : مش راضيه تنزل
ياسين : نعم!!!... يعني ايه!!!
يوسف (بضحك) : قالت مش هتنزل غير بعد كتب الكتاب
ياسين بينه وبين نفسه : يا خوفي منك يا فريده .. لاتكوني محضرالي مقلب
وكمل بصوت عالي : طب مفيش مشكله يالا نكتب الكتاب
كتبوا الكتاب .. يوسف كان وكيل فريده واحمد شاهد وعمر الشاهد التاني
طلع يوسف بالدفتر لفريده عشان تمضي .. ونزل اداه للمأذون والكل دعوا بارك الله لهما وبارك عليهما وجمع بينها في خير
ياسين : ها يا عمو .. مش هتنزل برضه ولا اطلع اجيبها بنفسي
يوسف : لا .. انا هطلع اجيبها .. وانت تعالي استنى جوه عشان تخرجوا سوا
طلع يوسف يجيب فريده واستني ياسين في الريسبشن .. واقف قدام السلم باصص عليه مستني فريده تنزل ... شاف فريده نازله في ايد باباها ..في منتهي الرقه .. لابسه فستان احمر فيه جيبير من عند الصدر ونازل علي واسع شيفون .. مقفول وليه كم شفاف لحد الكوع .. وعليه قطع من الجيبير .. ولابسه كعب عالي .. اما شعرها مسيباه ورافعه منه جزء بسيط زاد من رقتها .. وحاطه ميك اب هادي بين ملامح وشها .. كان شكلها يجنن .... كان شايف قدامه انثي زي ما الكتاب بيقول .. انثي متفجره الانوثه
وصل يوسف وفريده لاخر السلم قدام ياسين .. اللي كان لسه مركز كل نظره علي فريده
يوسف : ياسين .. مالك (وضحك) يالا يابني خد فريده وحصلوني علي بره
خرج يوسف ...
ياسين قرب من فريده وقالها : يخربيت حلاوتك يا شيخه .. ايه ده
فريده (بابتسامه ثقه ) : يعني مش شبه عمر ولا حاجه
ياسين (بحب واعجاب ) : عمر مين ... قطع لسان اللي يقول عليكي كده .. انا مقدرش علي كده
وبصلها بصه اعجاب وحب وشوق .... فريده اتكسفت من بصته .. : طب مش يالا نطلع للناس بقا
ياسين : نطلع فين ... لا مش هينفع خالص
فريده : ازاي يعني
ياسين : ما هو انا مش هستحمل نظرات الناس ليكي وانتي بالجمال والحلاوه دي كلها يا شيخه
ضحكت فريده برقه
ياسين : يخربيت ضحكتك ... انتي ناويه تجنيني النهارده صح
فريده (بدلع ) : يالا بقا يا حبيبي .. الضيوف بره ومينفعش كده
ياسين (بيدخل صوابعه في شعره ) : بلاش الدلع ده وحياه ابوكي .. انا كان ايه اللي خلاني اتسحب من لساني واقولك مش عايز عمر .. ماله عمر بس .. بصي يا بنت الناس انتي تفضلي جنبي كده وماسكه في ايدي وربنا يستر ومرتكبش جريمه النهارده ..
فريده : ههههههههه حاضر .. يالا بينا
خرجت فريده وياسين وايدهم في ايد بعض .. وسط اعجاب الناس كلهم بجمال ورقه فريده .. وشياكه ورجوله ياسين
قعدوا في الكوشه .. ولبسها ياسين الدبل والشبكه وباس راسها وهي لبسته دبلته
ياسين : بقولك ايه .. تعالي نمشي
فريده : نمشي نروح فين .. والضيوف دول
ياسين : مش مهم .. يالا بس قومي
مسكها من ايدها وقاموا وراحوا ناحيه يوسف
ياسين : عمو انا هاخد فريده .. ونخرج نحتفل بكتب كتابنا
يوسف : طب مش دلوقتي .. الناس تمشي الاول
ياسين : اصل انا حاجز مكان والوقت اتاخر والحجز هيتكنسل و ميرضيكش يا عمو كده .. ها .. اتصرف انت
يوسف (ضحك ) : هههه .. مجنون
ياسين باسه : حبيبي يا عمي يا عسل انت ... سلام بقا ..يالا يافريده
يوسف : هعمل ايه دلوقتي .. عادي ولا كان في حاجه .. انا افتتح البوفيه ومحدش هيركز ههههههه
مسك ياسين ايد فريده وراحوا ناحيه العربيه بتاعته ... وفتحلها الباب : اتفضلي ليدي فريده
فريده بضحك وهي بتركب : ده ايه التغير د كله
لف ياسين وركب : تحبي تروحي فين
فريده : انت مش قلت لباب انك حاجز مكان
ياسين : اه بقول كده وخلاص عشان يسيبنا نمشي ... اقولك انا هوديكي مكان هيعجبك قووي
فريده : اوك .. لما نشوف
وصل ياسين بفريده لمرسي باخره في النيل .. وقالها
ياسين : يالا تعالي
طلعت فريده مع ياسين علي سطح الباخره ..اللي كانت فاضيه خالص وبمجرد ما طلعوا عليها .. اتحركت
فريده اتقدمت كذا خطوه عن ياسين وهي  بتبص علي سطح الباخره .. كان فيها ترابيزه وحيده في النص عليها شمع وورود .. والباخره كلها مزينه ببلالين .. واضاءه خافته وموسيقي هاديه شغاله...
بتلف فريده عشان تكلم ياسين وهي بتقول : مش حاجز ولا حاجه ها وبتقول لبابا بس عش..
قطعت كلامها لانها اول ما لفت بقت في حضن ياسين اللي كان واقف وراها بالضبط واول ما لفت لف ايده علي وسطها
فريده (بارتباك وكسوف ) : ياسين .. مينفعش كده ..وسع .. سيبني
ياسين (بحنان ) : تؤ تؤ .. مش هسيبك .. انتي مراتي دلوقتي
فريده (بكسوف ووشها بقا احمر قووي لون الفستان اللي لابساه ) : ياسين
ياسين : ششش .. ممكن متتكلميش خالص
الهوا طير شعر فريده وجه علي وشها ..ياسين شال ايد من علي وسطها وشال بيها شعرها ورجعه ورا ودانها وقال
ياسين (بحب) : بحبك قوي يا فريده .. ربنا يقدرني واقدر اسعدك
فريده (وهي بصاله في عيونه ) : انا كمان بحبك قوي .. مكنتش متخيله اني ممكن احب واتجوز .. كنت قافله علي قلبي بمليون قفل .. بس انت قدرت تكسر الاقفال دي كلها .. ودخلت قلبي وقعدت ومليته بحبك وحنانك وخوفك عليا
ياسين مسك ايديها الاتنين وقربهم من بقه وباسهم .وبصلها في عيونها العلسيه اللي جننونه وسرح فيها وهي سرحت في عيونه اللي كانت شايفاها كانها السما الصافيه من غير غيوم .. كانها البحر الهادي في يوم جميل .. فلمعانه وحيويته .. اتكلمت لغه العيون
ياسين رفع ايده ومسك وشها بين ايديه وقرب منها ومن شفايفها وباسها
فريده زقته بسرعه وهي بتترعش : مينفعش .. مينفعش كده يا ياسين
ياسين (بحنان ) : حبيبتي .. انا اسف .. مقصدتش اخضك .. ولا كان قصدي حاجه .. حسيت اني عايز ابوسك فبوستك بس .. وبعدين انتي مراتي مش حرام ولا عيب يعني
فريده : ماشي مراتك وكل حاجه .. بس اعتبرني خطيبتك لحد ما نتجوز ممكن
ياسين (بابتسامه ) : ممكن طبعا تعالي يالا نقعد نتعشا عشان انا مكلتش حاجه من الصبح وجعان قوي
ابتسمت فريده .. وراحوا قعدوا علي الترابيزه .. وطلبوا الاكل ... وهما بياكلوا
فريده : حبيبي .. انت لحد دلوقتي مقولتيليش اختفيت ومكنتش بترد عليه ليه ورجعت كلمتني ليه .. انت وعدتني هتقولي كل حاجه
ياسين : بصي يا ستي ..يوم فرح مي وعمر بعد ما طلبتك للجواز ورفضتي .. اخدت قرار اني ابعد عنك واخدت عهد علي نفسي اني احاول انساكي ..انا كنت بتعذب قوي يا فريده .. اصعب احساس في الدنيا انك تكون جنب الي بتحبه ومش قادر تقوله .. مش قادر تعبر له عن مشاعرك .. سعات تحس انه حاسس بيك وبيبادلك نفس الشعور .. وساعات تحس انه قلبه ده لوح تلج .. اوضه مقفوله بميه قفل صعب تفتحه .. كنت بموت كل يوم وانا شايفك وانتي مش حاسه بيه .. كنت بغير عليكي ومش قادر اقولك .. حاجات كتير كانت جوايا بتعذبني .. لما غنيتي في فرح عمر .. وشفت الناس كلها معجبه بيكي وبصوتك .. الغيره كانت بتاكل في قلبي .. كان نفسي اخبيكي جوايا .. ساعاتها قلتلك تتجوزيني كنت حاسس انك بتحبيني وحاسه بيه .. لكن لما رفضتي ... قلت لنفسي خلاص يا ياسين .. هتفضل لحد امتي كده .... ابعد يمكن تقدر تنساها ...  وعشان كده مكنتش بتصل بيكي ولا برد علي تليفوناتك .. كنت بموت وانا شايف رقمك علي الموبيل وبفضل في صراع مع نفسي عشان اقدر اتحكم فيها ومرضش عليكي ..  .. لحد ما عمو صاحب بابا الله يرحمه وشريكه  باعتلي عشان اسافر عشان الشغل ... قلت كويس فرصه اغير جو .. يمكن اقدر انساكي .. وقفلت الرقم المصري خالص ... كان كل يوم بيعدي عليا كنت بقاوم قلبي اني اكلمك واتطمن عليكي .. كنت في صراع بيني وبين نفسي باستمرار .. بس كنت بقاوم ... لحد ما عمر كلمني بعد ما رجع من شهر العسل وقالي انك كنتي عندهم .. وانك شكلك زعل لما عرفتي اني سافرت ... بصراحه قلت مش مهم .. عادي تلاقيها بس عشان اتعودت اني معاها وجنبها  مش اكتر وبتسال بحكم اننا اصحاب  .. لكن هي مبتحبينيش زي ما كنت فاكر ... يوم النتيجه ... جبت نتيجه مي وجبتلك نتيجتك .. كان نفسي قوووي اتصل افرحك .. واكون اول واحد يقولك مبروك .. وكنت هاخد اول طياره وارجع عشانك .. بس رجعت قلت لنفسي .. امسك نفسك يا ياسين .. فريده مبتحبكش .. ابعد عشان تعرف تنسي وتعيش .. بس مقدرتش .. كل يوم كنت بحس ان روحي بتتسحب مني .. كنت بحس كان قلبي بيتقطع كل يوم 100 حته بيتخانقوا سوا .. مكنتش عارف اعيش .. كنت بشغل نفسي في الشغل مع عمو علي اد ما اقدر .. عشان مديش فرصه لمخي يفكر ... بس اول ما يجي الليل واكون لوحدي .. مبشفش غير صورتك قدامي .. صوتك وضحكتك مبيفرقونيش .. قلت انا مش هفضل كده علي طول .. لازم اعمل حاجه ... قررت اني لازم اتاكد من حقيقه مشاعرك اللي انا حاسسها وكل الناس حسينها ما عادا انتي .. عشان احسم الموضوع مع قلبي ... كلمت عمر واتفقت معاه علي كل حاجه .. وهو كان بيساعدني كتير وبينقلي اخبارك اول باول
كمل ياسين : عمر بلغ مي اني خلاص نسيتك واني هخطب .. عشان اشوف رد فعلك .. وطبعا مي متوصتش وقالتلك ...هههههه .. بعدها لقيتني بكلمك .. مكنتش عارف ده صح دلوقتي ولا لا .. بس كنت عايز اتاكد من الكلام اللي عمر قالهولي بنفسه بنفسي يمكن.... كلمتك وانا خايف اسمع صوتك .. خايف اتصدم تاني .. والجرح اللي بحاول اقفله .. يرجع ينزف زياده .. بس برضه كان نفسي اسمع صوتك ....لما قلتيلي وحشتني .. مصدقتش وداني .. انتي قلتي كده فعلا ولا انا اللي بيتهيقلي .. قلت لا قاليتها ايوه انا سمعتها منها .. .. كان نفسي اقولك انك مش بس وحشتيني لا .. ده انا بموت من غيرك .. ساعتها قررت اني هرجع وهتجوزك .. بس كنت خايف بعد ما ارجه ارجع اتصدم وترفضي ... عشان كده قلت اكمل اللي بداته .. ولما قتلك اني هخطب .. ساعتها حسيت بدمع عنيكي .. اتاكدت انك بتحبيني زي ما بحبك .... حسيت قلبي بيتقطع .. كنت هقولك الحقيقه كلها .. كان نفسي اقولك يا عبيطه انا عمري ما هتجوز غيرك .... بس قلت لا .. لازم اخليكي تعترفي بحبك ليه .. عشان مترجعيش تكابري تاني .. كلمت عمو .. وقلتله كل اللي هعمله وهو وافق وشجعني ..... خلصت الشغل اللي ورايا وحجزت وكلمت عمر قلتله .. وخليته حجز القاعه .. ولما نزلت رحت طبعت كارت الدعوه .. اللي لو شفتيه كنتي هتعرفي ان اسمك انتي اللي مكتوب جنب اسمي .. والباقي انتي عرفتيه منهم ... فريده اول ما شفتك .. حسيت ان روحي كانت غايبه عني ورجعتلي .. انتي كل حاجه في حياتي .. انتي حياتي كلها من غيرك مقدرش اعيش
فريده كانت بتسمعه ودموعها بتنزل : انا اسفه قوي يا حبيبي .. اسفه علي كل العذاب اللي عذبتهولك بس والله كان غصب عني .. انا اتربيت لوحدي من غير اب .. بالرغم من انه عايش .. الا انه مكنش موجود في حياتي .. بابا بالرغم من انه كان بيحب مامتي ... بس طلقها  عشان حملت فيا .. كنت بكره كل الرجاله .. كلهم في نظري خايينين .. وانانين.. ممكن يبيعوا اي حد  ... وانا في نيويورك كانوا مسميني المعقده عشان مكنتش بحب اتكلم مع اولاد .. لما رجعت مصر وقابلتك .. واحده واحده لقيتك بتدخل حياتي .. مش بس كده .. لا .. انت كنت بتاخد حيز فيها وتملاها .. بدأت تدق علي باب قلبي .. كنت قلقانه قوي وخايفه ... فضلت اقاوم وافكر نفسي كل شويه باللي حصل زمان من بابا .. وافكر نفسي ان الرجاله كلهم زي بعض .. بس غصب عني لقيت قلبي اتفتحلك ودخلت قعدت فيه .. كنت بانكر ده عشان مكنتش عايزه ابان ضعيفه .. او .. او يمكن عشان كنت خايفه .. ايوه كنت خايفه انك تسيبني في يوم من الايام .. وتستغل حبي ليك بانك تكسرني .. عشان كده رفضت حبك .. في فرح عمر لما قلتلي تتجوزيني .. قسمتني نصين واحد بيقول اه بعلو صوته .. والتاني بيشده لتحت عشان يسكت ويخوفه من اللي جاي ويفكره بالقديم ... لحد ما كسب وقلتلك لأ...... لما بعدت عني كنت حاسه اني ضايعه , حسيت يعني ايه وحده .. حسيت بخوف من كل حاجه .. من الناس ومن الايام .. من الحاضر ومن المستقبل .. كنت حاسه اني ميته من غيرك... وانا معاك بحس بالامان الحقيقي.. بحس اني ممكن اعمل اي حاجه في الدنيا لان ليا ظهر اتسند عليه .. واقفه علي ارض صلبه شايلاني .. لما اتصلت بيا .. مكنتش مصدقه نفسي من الفرحه .. قلبي كان بيرقص من السعاده ... بس اول ما قلتلي انك هتخطب .. ايه ده هو خلاص ياسين نسيني وحب غيري .. بعد عني ..وبقيت لوحدي في الدنيا من تاني .. سندي واملي راح خلاص ... حسيت اني ضعيفه قوي .. ومكسورة .. مكنتش قادره اتخيل اني ممكن ارتبط بحد غيرك .. ايوه انا فكره الجواز دي مجتش في دماغي غير عشانك .. وخلاص طالما مفيش ياسين يبقي مفيش جواز ... طول الطريق وانا جايه عشان احضر خطوبتك .. كنت حاسه اني رايحه انفذ حكم الاعدام ... مكنتش عارفه اول ما ادخل واشوف جنبك واحده غيري هعمل ايه ... بس كل اللي كنت عارفاه .. اني لازم اشوفك .. لازم اشوفك لاخر مره .. عشان اقدر اقتل قلبي من تاني واجبره ينساك ... ولما فتحت باب القاعه ولقيت قدامي وبتقولي تتجوزيني .. مكنتش قادره افهم .. كان نفسي اجري عليك واترمي في حضنك .. واقولك اتاخرت ليه ... سيبتني لوحدي ليه ... سامحني يا ياسين علي كل لحظه حزن والم سببتهالك .. علي كل ثانيه ضيعتها واحنا مش سوا
ياسين قام وقعد علي ركبه قدامها ومسح بايده دموعها : انا مش عايز اشوف دموعك دي تاني .. ومش عايز اسمع منك كلمه اسف .. متخلقش لسه الراجل اللي يخليكي تتاسفيله .. وعايزك تطمني اني طول ما انا عايش عمري ما هاحب ولا هعيش غير ليكي ومعاكي وبس
اترمت فريده في حضنه وهي بتعيط ... ياسين تبطب عليها ومسح بايده علي شعرها ..بعدها عنه شويه وهو بيقول
ياسين : احنا قلنا ايه .. مش عايز اشوف دموع من هنا ورايح .. مش عايز اشوف غير ضحكتك اللي جابتني علي ملا وشي ودوختني وراها  وبس
فريده ابتسمت ابتسامه صافيه ..ياسين ضمها لحضنه تاني ... فريده بعدت عنه
فريده : استني .. امال مين جيسي دي
ياسين (بعدم فهم) : جيسي مين ؟؟
فريده : جيسي .. اللي كانت معاك في لندن .. اللي قالتلك .( ورفعت صوتها ) سينو come on  هنتاخر
ضحك ياسين من قلبه لحد ما عنيه دمعت .. فريده بصاله ومش فاهمه ومتغاظه
فريده : طب اوعي كده لو سمحت .. وجت تقوم
ياسين : استني بس .. اصل جيسي دي بنت عمو صاحب بابا .. وانا كنت معزوم عندهم علي الغدا وكنت في البلكونه بكلمك .. ومعرفش انك سمعتيها
فريده (بغيره ) : وهي تقولك سينو ليه ان شاء الله
ياسين : عشان يعتبر انا اللي مربيها .. دي في grade 8  تقريبا هههه
فريده ابتسمت ابتسامه خلت وشها جميل قوووي
ياسين شدها لحضنه .. وحضنها جامد قوي .. كأنه عايز يدخلها جواه ... فريده زقته بايدها لحد ما سابها  و بعدت عنه
فريده : ايه انت ما صدقت
ياسين (بضحك) : الله .. هو انا عملت حاجه .. انتي اللي حضنتيني .. انا مالي
فريده ضحكت .. ياسين قام وقف : اه ياني يا ركبي .. كده وجعتيلي ركبي من اول خروجه بعد كتب الكتاب .. امال بعد الجواز هتعملي فيه ايه
ضحكوا سوا وكملوا خروجتهم وهما فرحانين . .. وخرجوا كل الزعل والوجع اللي كان جواهم .. عشان ترجع قلوبهم صافيه مفهاش غير السعاده وبس .. خلصت الباخره لفتها ورجعت المرسي .. نزل ياسين وفريده و وصلها لحد الفيلا .. رنت فريده الجرس
دلال : حمدالله علي السلامه يا بنتي
فريده (بابتسامه ) : الله يسلمك يا دلال .. امال فين مامي وبابا ومريم واحمد
دلال (بدموع ) : ف.. في المستشفي