أصدقاء لا أزواج .. بقلم : أميرة عادل

الحقلة الثامنة

#أصدقاء .. لا أزواج
#بقلم : أميرة عادل

الحلقه الثامنه:
فريده : قسم ليه يا بابا
يوسف : لازم تاخدي حقك بايدك
مريم : بلاش احسن يا بابا عشان متتعبش تاني
اكرم محتار مش عارف يعمل ايه
يوسف (بحده تخلص اي كلام ) : يالا يا اكرم اطلع بينا علي القسم زي ما قلتلك .. ولا ننزل وناخد تاكسي
اكرم : ها .. لا طبعا
وصلوا عند قسم الشرطه
يوسف : خليكم انتوا هنا .. يالا يا فريده
فريده (بخوف وقلق ) : بس يا بابا .. اصل
يوسف (بحنان ) : انتي عارفه اني مش هعمل حاجه تاذيكي صح !
فريده : اه
يوسف : وان اللي بعمله ده عشان مصلحتك .. عشان ميفضلش جواكي اي ذكري للموضوع .. لازم انتي اللي تاخدي حقك بنفسك وتشوفيه وهو مرمي رميه الكلاب في السجن.. يالا يابنتي
نزلت فريده مع باباها من العربيه بتقدم رجل وترجع الثانيه ...
دخلوا عند مكتب المامور .. يوسف عرفه بنفسه وطلب منه انهم يشوفوا كريم .. وفعلا المامور بعت جابه من الحجز
كريم .. اول ما دخل شاف فريده قاعده هي وباباها ..
فريده ... اول ما شافته افتكرت كل حاجه وكل لحظه .. قامت وقفت وقربت منه وفضلت تضرب فيه علي وشه بالاقلام وهي بتشتم فيه : انت حيوان .. انت قذر .. يا سافل
طبعا كريم مش عارف يعمل حاجه ولا قادر يتكلم .. خصوصا لانه..........
فلاش بااك
كريم  اول ما وصلوا القسم بعد القبض عليه : انا من حقي مكالمه تليفون
الضابط : اتفضل يا خويا
كريم اتصل بباباه  : بابا الحقني انا في القسم
محمود : قسم ايه .. عملت ايه ؟؟
كريم : مش مهم دلوقتي .. المهم تخرجني من هنا
محمود : ليه انت فاكرني مين ؟
كريم : اتصرف ارجوك .. انا في قسم شرم الشيخ
قفل محمود مع ابنه واتصل بواحد معرفه في البوليس وقاله ان ابنه ممسوك في قسم شرم الشيخ
الراجل عمل تليفوناته ورجع كلم محمود
الراجل : معلش انا مش هقدر اتدخل في الموضوع ده خالص
محمود : ليه هو كريم عمل ايه
الراجل : حكاله اللي حصل
محمود (باسف) : انا متشكر قوي واسف للازعاج
بعد ما قفل ... محمود بيكلم نفسه : ليه كده يابني .. ده انا عمري ما حرمتك من حاجه .. ليه تبهدلني البهدله دي علي اخر ايامي .. حسبي الله ونعم الوكيل فيك
بعدها بيوم ...
كريم : ارجوك يا حضره الضابط ..اكلم والدي يشوفلي محامي ..ارجوك
الضابط : ولو اني قرفان منك .. بس اتفضل اتصل
اتصل كريم بمحمود
كريم: الو يا بابا .. معملتش حاجه يعني ولا حتي بعت محامي
محمود : انت تنسي خالص ان ليك اب .. انا ابني كريم مات .. عليه العوض ومنه العوض .. عليه العوض ومنه العوض
وقفل السكه في وش كريم ....
مامه كريم : ليه كده .. حرام عليك ساعده ده ابنك
محمود(بحده) : قلتلك ابنك مات خلاص .. مش عايز اسمع سيرته تاني مفهوم
باااك
يوسف كان مبسوط ان فريده بتطلع كل مشاعرها المكبوته من يوم اللي حصل .. بس المامور
المامور : خلاص يا انسه .. مينفعش كده يا يوسف بيه
يوسف قام بعد فريده عن كريم .. وبعدين بصله وقاله
يوسف : انت احقر انسان شفته .. وانا مش هسيبك غير لما تاخد اقصي عقوبه .. يا سافل يا واطي
وضربه قلم جامد جداااا .. خلي مناخيره تنزل دم وشفايفه اتفتحت وكسرله سنه من اسنانه ... وتف عليه
وراح مسك ايد فريده وقالها : يالا يابنتي .. كفايه كده
خرجت فريده من القسم وهي ماسكه ايد باباها .. وهي حاساه ان الدنيا منوره والجو جميل ومبسوطه قوي .. عكس ما كانت داخله وهي مكسورة وحزينه
خرج ياسين من المستشفي تاني يوم .. ورجعوا كلهم علي القاهرة
..........................................................................................................................................................................
خلصت الاجازه وبدأ الترم التاني ... رجعت فريده لحياتها العاديه بين الكليه والبيت وساعات النادي
علاقتها هي ويوسف بقت كويسه جدااا وبقوا قريبين من بعض ... لسه زعلانه من مامتها ومش راضيه تكلمها ..رغم محاولات يوسف ..
اما عن ياسين .. فلسه زي ما هما ناقر ونقير ... واصحاب وبس ..
مريم واكرم رجعوا شغلهم تاني .. كل يوم  خروجات بعد الشغل ...
في يوم ومريم في الشغل .. طلبها مدحت المدير بتاعها عنده في المكتب
مريم : تحت امرك يا فندم
مدحت : اقعدي يا مريم .. عايز اتكلم معاكي شويه
قعدت مريم : خير يا فندم .. تحت امرك
مدحت : بصي يا مريم من غير لف ولا دوران ... انا معجب بيكي وعايز اتجوزك
مريم (باستغراب ) : افندم!!!!!!!
مدحت لف من علي مكتبه وقعد علي الكرسي اللي قدامها : بقولك عايز اتجوزك .. غريبه
مريم : اعتقد حضرتك عارف اني مخطوبه
مدحت (وهو بيولع سيجارته وبيحط رجل على رجل ) : وايه المشكله .. انتي قلتي بنفسك مخطوبه مش متجوزه .. يعني سهل تفسخيها
مريم : وافسخها ليه .. اذا كنت بحب اكرم وهو بيحبني
مدحت (بيتكلم برقه وهو عارف ان كلامه هيكون ليه تأثير على مريم ) : بس الحب مش كل حاجه .. انتي جوهره يا مريم .. حته الماظ .. تستاهلي حد يعرف ياخد باله منها .. انتي محتاجه حد يسعدك .. ويحققلك كل احلامك .. كل رغباتك تكون اوامر .. لكن اكرم لسه شاب في اول طريقه .. اه عنده قرشين وارثهم من باباه .. بس دول يا دوب يخلصوا مع مصاريف الجواز ده ان ما استلفش عليهم .. (سكت شويه يشوف تاثير كلامه عليها وكمل ) فكري يا مريم .. وخدي وقتك وردي عليه .. انا مش مستعجل ومستني ردك .. دلوقتي تقدري تتفضلي تشوفي شغلك
خرجت مريم من مكتبه من غير ما تتكلم خالص .. كأن حد سحبها من دنيتها و وداها دنيا تانيه .. كلامه خلاها تسرح لبعيد وتفكر في شكل الحياه مع اكرم بعد الجواز .. لسه بتقعد على مكتبها .. لقت اكرم في وشها .
اكرم : حبيبتي .. مالك سرحانه في ايه قوي كده
مريم : هاا .. لا مفيش يا اكرم
اكرم : امال مالك بس .. شكلك مشغوله بحاجه
مريم : يووه بقا يا اكرم .. قلتلك مفيش
اكرم : طب خلاص متزعليش ... ايه رايك نخرج نتغدي سوا النهارده
مريم : لا مليش مزاج ..
اكرم : خلاص براحتك .. عموما انا هروح كمان شويه .. لو غيرتي رايك قوليلي .. سلام
مريم (بدلع ) : اكرم .. حبيبي .. ممكن متزعلش
اكرم : انا عمري ما ازعل منك يا قلب اكرم .. بس كنت عايزك تفضفضي مش اكتر
مريم (بدلع ) : لو في حاجه كنت قلتلك .. يمكن قله نوم بس .. انا هروح انام .. ولو صحيت فايقه هكلمك نخرج ايه رايك
اكرم : ماشي يا حبيبتي ... المهم انك تكوني بخير
روحت مريم علي بيتها وطلعت علي طول علي اوضتها ..وهي عماله تفكر في كلام محمود ...وتقول لنفسها .:
- اكرم بيحبني .. وبيسمع كلامي .. عمره ما قالي علي حاجه لا ... وده اللي كنت عايزاه
- بس برضه .. هنعيش بمرتبه وبس .. اكييد مش هيكفي
- انا اساعد معاه بمرتبي ... ايه ده .. لا طبعا .. هو انا هتجوز عشان اصرف علي نفسي
- مرتبي ده ليه لوحدي .. هو مسؤول عن كل طلباتي وطلبات البيت ... انا مالي
- طب ما هو مرتبه عمره ما هيكفي .. ده انا لبسي بس يتكلف اكتر من مرتبه مرتين
- انا هستحمل اعيش علي اد مرتب بس !!
- لكن محمود غني جداا .. هو اه اكبر مني ب 15 سنه .. بس ايه المشكله .. كفايه ان اللي هشاور عليه هيكون عندي .. وهعيش في فيلا مش شقه .. واكيد طبعا هيبقي عندي شغاله .. قولي 2 .. يعني زي ما انا عايشه هنا عند بابا ويمكن احسن ...
- اعمل ايه مش عارفه ... مش عايزه اضيع محمود من ايدي
- مش كان قالي قبل ما اتخطب لاكرم
- وايه المشكله .. انا اسيب اكرم واتجوز محمود
- طب وبابا .. هيوافق ..
-  هو اصلا ملوش دعوه دي حياتي انا .. وبعدين هو عمره ما قالي لا علي اي حاجه
- اعمل ايه .. مش عارفه
..................................................................................................................................................................
وصل اكرم البيت بتاعه ....
اكرم : ماما .. ماما .. انتي فين ؟
منال : اكرم .... غريبه .. ايه اللي رجعك بدري كده
اكرم : مش عايزاني ارجع ولا ايه ... انا غلطان يعني قلت اجي اتغدي معاكي يا ست الكل .. عشان بقالنا كتير ما اكلناش سوا
منال (بفرحه ) : يا حبيبي يا اكرم .. ثواني والاكل يكون جاهز .. ادخل انت خد شاور وغير هدومك علي ما احضر الاكل
دخل اكرم اخد شاور وغير هدومه ولسه هيخرج من اوضته .. لقي موبايله بيرن
اكرم : حبيبتي .. عامله ايه دلوقتي
مريم (بدلع ) : احسن يا حبيبي ..
اكرم : دايما يارب
مريم : بتعمل ايه دلوقتي
اكرم : مفيش كنت لسه هتغدي مع ماما وانام شويه
مريم (بدلع ) : خلاص يا حبيبي .. بالهنا والشفا
اكرم : الله يهنيكي .. وانتي اتغديتي ولا لسه
مريم (بدلع علي الاخر) : تؤ تؤ .. اصلي معرفتش اكل من غيرك .. فقلت اكلمك نتغدي سوا .. بس خلاص مش مهم بقا .. عشان انت خلاص هتتغدي مع طنط  .. ابقا سلملي عليها كتير عشان وحشتني
اكرم (بسهتنه وهو بيحسس علي شعره ) : لا هو ايه اللي بلاش ده ... البسي واجهزي .. وانا هغير هدومي ومسافه الطريق هكون عندك يا حبي
مريم : بس طنط كده هتزعل
اكرم : ها .. لا ابدا مش هتزعل ولا حاجه
مريم : خلاص يابيبي .. هقوم اجهز .. وانت متتاخرش عليا .. باااي
اكرم : مسافه الطريق .. باي
قفل اكرم مع مريم ولبس وخرج لمامته .. كانت في المطبخ بتغرف الاكل ومدياله ظهرها
منال : كويس انك جيت .. يالا خد الاطباق دي وطلعها علي السفره .. وانا هجيب الباقي واجي وراك
اكرم ساكت مبيتكلمش
منال لفت تشوفه ... لقيته لابس ..
منال (بكسرة نفس ) : انت خارج ولا ايه !!
اكرم : اه .. معلش يا ست الكل .. اصل مريم كلمتني وتعبانه خالص ومفيش حد معاها .. فلازم اروحلها اوديها لدكتور
منال (حسيت انه بيكدب ) : واجب برضه .. خلاص انا هغير واجي معاك
اكرم : ايه ... لا لا .. مينفعش
منال : هو ايه اللي مينفعش
اكرم : قصدي .. خليكي انتي مرتاحه يا حبيبتي .. انا مش عايز اتعبك ... سلام بقا عشان ما اتاخرش
وخرج اكرم من الشقه بسرعه من غير ما يستني رد مامته
منال  .. سابت اللي في ايديها .. وقعدت علي كرسي المطبخ بتكلم نفسها : مش كفايه انك بقيت مش مهتم بيا ولا بتصلي ولا حاجه زي زمان .. كمان بقيت بتكدب يابني .. ياخساره تربيتي فيك .. ياخساره عمري اللي ضيعته عليك .. وانهارت في العياط
..........................................................................................................................................................................
وصل اكرم عند مريم واخدها وخرجوا ... وصلوا مطعم هيتغدوا فيه ... بعد ما اتغدوا
اكرم : مالك ..حبيبتي .. فيكي حاجه متغيره من الصبح .. انتي طول الطريق ساكته خالص وحتي دلوقتي ساكته ومكلتيش حاجه تقريبا
مريم : اكرم هو احنا هنتجوز امتي ؟
اكرم (بسعاده ) : الشقه خلاص .. الحمد لله لقيت شقه في نفس العماره بتاعتنا .. هاخدها .. والفرش سهل نقدر ننزل تختاري اللي يعجبك في اي وقت بعدها
مريم : ومين قالك اني موافقه علي الشقه .. انا مش عايزه اعيش في شقه
اكرم : نعم !!!
مريم : ايوه .. انا طول عمري عايشه في فيلا .. ايه اللي يخليني اعيش في شقه
اكرم : معلش يا حبيبتي .. انا عارف انك عايشه في فيلا .. بس ان شاء الله بكره ربنا يكرمني واجبلك الفيلا اللي نفسك فيها
مريم : ممم .. طبعا هتجيبلي شغاله مش كده
اكرم : مريم .. هو في ايه بالضبط !!
مريم : في ايه ازاي !!
اكرم : حاسس ان ورا الاسئله دي حاجه .. انا مضحكتش عليكي في حاجه .. من الاول قلتلك دي ظروفي وده اللي اقدر عليه .. انتي عارفه عني كل حاجه .. بابا الله يرحمه سايبلي كام .. مرتبي كام .. كل حاجه .. قلتلك اننا هنعيش من مرتبي وبس .. وربنا يكرمنا ان شاء الله ويرزقني واجيبلك كل اللي نفسك فيه .. انا مكدبتش عليكي او غشيتك ف حاجه
مريم : عارفه ... بس ... هو يعني .. اصل
اكرم : اتكلمي علي طول يا مريم
مريم : بصراحه كده .. احنا لازم نسيب بعض
اكرم (بصدمه ) : انتي بتقولي ايه .. نسيب بعض ازاى .. ليه .. الحب اللي بينا راح فين .. ايه راح في الهوا .. ده انا اتغيرت عشانك .. عملت واستحملت حاجات كتير ضد اللي اتربيت عليه عشانك انتي .. عشان حبيتك .. ولا انتي كنتي بتتسلي بيه ومحبيتينيش .. ليه يا مريم .. ليه
مريم (بهدوء ) : بلاش تقول كلام في لحظه انفعال تخلينا نخسر بعض .. انا كمان حبيتك يا اكرم .. ولسه بحبك .. بس الحياه مش حب وبس .. احنا مش هناكل حب .. مش هنشرب ونلبس حب .. مش هنخرج نتفسح حب ... يمكن في الاول اه هنقدر نستحمل .. بس مع الوقت الحياه هتبقي صعبه ..ومش هنقدر نكمل كده .. هنكره بعض .. والحب يموت مع الوقت .. لان مفيش حاجه بتسنده .. وانا مش عايزه اكرهك يا اكرم
اكرم :  حبنا يموت ليه يا مريم ... مرتبي يعيشنا مرتاحين الحمد لله
مريم : يعيشك انت مرتاح انما انا لأ ...
اكرم : متقوليش كده يا مريم انا مقدرش اعيش من غيرك .. ادي نفسك فرصه واديني فرصه .. مش ممكن الحب الكبير اللي بينا يتهد في لحظه .. ارجوكي يا مريم .. ارجوكي
.................................................................................................................................................................
اول ما وصل اكرم البيت ... منال كانت قاعده مستنياه
منال : حمد الله علي السلامه .. انا قلت هترجع بالليل
اكرم دخل وقعد جنبها علي الكنبه من غير ولا كلمه
منال : مالك يا بني ..
اكرم مبيروضش
منال : ايه اللي حصل .. انتوا مش كنتوا كويسين وخارجين مع بعض
اكرم بصلها قوي
منال (بابتسامه ) : انت فاكر اني صدقت حكايه الدكتور دي .. يابني انا مربياك .. عارفه شكلك لما تكدب .. مش مهم الكلام ده دلوقتي ايه اللي حصل
اكرم : خلاص يا ماما مش عايز اتكلم دلوقتي لو سمحتي .. عن اذنك
سابها اكرم ودخل اوضته .. اما منال مسكت التليفون وكلمت مريم
مريم : ازي حضرتك يا طنط عامله ايه
منال : طنط كمان .. امال فين نونا ههههههه .. لا ده شكل الموضوع كبير
مريم (بابتسامه ) : معلش يا نونا .. بس اصلي تعبانه شويه
منال : في ايه يا مريم .. ايه اللي حصل بينك وبين اكرم
مريم : هو اكرم ماقالكيش حاجه
منال : لا
مريم : خلاص هو لما يحب يقول هيقول
منال : طيب يابنتي .. ربنا يعمل اللي فيه الخير ليكم انتوا الاتنين .. سلام
مريم : سلام
........................................................................................................................................................................
فريده حياتها عاديه بين البيت والكليه والنادي وبس ... وفي يوم وهي بتكلم مي صاحبتها
فريده : ميوي يا حبيبتي
مي : طالما فيها ميوي .. تبقي عايزه حاجه هههههه .. عايزه ايه
فريده : علي طول فهماني كده هههههه .. انتي بتعملي ايه
مي : ابدا ..قاعده في البيت هطق .. لا طايقه ازاكر ولا اعمل اي حاجه
فريده: وانا كمان ... اقولك تيجي معايا نروح النادي
مي : روحي انتي .. العبي ماتش مع الدكتور ههههه
فريده : رخمه علي فكره .. انا اصلا بقالي كتير مشفتوش في النادي .. يادوب بشوفه في المحاضره وبس 
مي : غريبه دي ...
فريده : هي غريبه فعلا ... المهم سيبك .. ها تيجي معايا النادي
مي (بضحك ) : حضرتك انا مبروحش نوادي ... ممنوع عندنا وانتي عارفه
فريده : قومي بس جربي استاذني من عمو وهو مش هيرفض ان شاء الله .. ولا تحبي اكلمه انا ازن عليه
مي : وليه طيب اجيب لنفسي الكلام .. ما انا قاعده بكرامتي
فريده : يالا يا مي بقا خليكي جدعه .. وقوليلوا مش هنتاخر .. وهاخدك من قدام باب البيت وارجعك تاني لحد البيت .. يالا بقا
مي : طب خليكي معايا علي الخط .. هروح اقوله .. وربنا يستر .. لو مرجعتلكيش تاني .. اقفلي واتصلي بالاسعاف
فريده : هههههههه .. روحي يا مصيبه اخلصي
راحت مي استأذنت من والدها ... ورجعت تكلم فريده
مي : فريده ..
فريده : ايه .. موافقش يا خساره عاااااااااا
مي (بضحك) : تصدقي وافق .. تفتكري يكون بابا عيان ولا حاجه .. اجبله دكتور احسن
فريده (بضحك) : ياساتر عليكي .. طيب يالا اجهزي .. نص ساعه وتلاقيني عندك
قفلت فريده مع مي ولبست ونزلت ...
وهي خارجه عدت علي يوسف ..
فريده : بابا .. انا خارجه شويه مع مي هنروح النادي
يوسف : ماشي يا حبيبه بابا .. بس متتأخريش
فريده : حاضر .. عايز حاجه
يوسف : ايوه طبعا .. هتخرجي من غير البوسه بتاعتي
فريده (بضحك وبتقرب منه ) : انت خدت علي كده ولا ايه ههههه
يوسف : وهو في احلي من بوسه بنتي حبيبتي
فريده : ربنا يخليك لينا .. يالا همشي انا عشان متأخرش علي مي وتقتلني
يوسف : فريده .. هو انتي لسه زعلانه من مامتك
فريده : بابا ارجوك بلاش نتكلم دلوقتي
يوسف : يافريده .. هي مهما عملت دي مامتك .. اللي ضحت بسعادتها وعمرها كله عشانك ... مش هتيجي انتي دلوقتي وتعاقبيها يابنتي .. وبعدين هي معملتش حاجه حرام .. هي اتجوزت علي سنه الله ورسوله
فريده : عارفه ... ربنا يسهل .. هبقي اكلمها .. متقلقش انت بس .. ويالا باي بقا
يوسف : باي
عدت فريده علي مي واخدتها  ....
فريده : ايه يا ميوي الحلاوه دي كلها .. امال مبشوفهاش في الكليه يعني
مي : حلاوه ايه بس
فريده : بتكلم جد .. اول مره اشوفك لابسه فستان وحاطه ميك اب .. ايه النظام ها (وغمزتلها )
مي : نظام ايه بس .. انتي رايقه والله .. انا بروح الكليه اتعلم وبس .. مش خارجه يعني .. لكن دلوقتي انا خارجه ..يعني الكليه بالنسبه لي زي المدرسه كده مكان للعلم فقط مش ديفيليه ..
فريده : يا عاقله يا كامله هههههه
مي : انما انتي بقا ايه الجمال ده
فريده : جمال ايه ...
مي : يعني بقالك مده بدأتي تهتمي بلبسك شويه .. هو اه لسه رجالي هههههه ... بس احسن شويه
ضربتها فريده علي كتفها ...
مي : اقعدي ارغي براحتك وضيعي عليا الساعتين اللي اخدتهم اذن من بابا في الرغي قدام العماره .. ياعيني عليكي يا مي وعلي حظك .. حسبي الله ونعم الوكيل فيكي يا شيخه .. روحي ياشيخه الاهي
قاطعتها فريده : ايه ... بس ..انتي ما صدقتي ..
وصلوا النادي ودخلوا سوا قعدوا في الكافيتريا يشربوا عصير برتقال
مي : ياااه ..تعرفي يافريده .. بقالي كتييير مخرجتش من غير ماما و بابا
فريده : ليه يعني هو انتي طفله
مي : لا .. بس بابا بيخاف عليا قووي .. ده لو عليه كان وداني ورجعني من الكليه
فريده : طب يالا سيبي العصير ده وتعالي نتمشي افرجك النادي حته حته
قاموا يتمشوا وهو ماشين قابلوا ياسين وعمر
ياسين : فريده .. ازيك .. مقولتيليش يعني انك جايه
فريده : عادي يعني .. هو انا لازم اديك تقرير بتحركاتي .. وبعدين انت اللي مختفي اصلا
ياسين (ابتسم ) : ياساتر .. بتنقطي سكر من بقك .. متتكلميش تاني احسن ها
مي ضحكت ضحكه رقيقه وهاديه زيها ... سرح معاها عمر
ياسين : ازيك يا مي عامله ايه
مي : الحمد لله يا دكتور .. ازي حضرتك
ياسين : لا دكتور ايه .. احنا هنا في النادي ... قوليلي ياسين بس
مي بكسوف : اوك
ياسين : اه صحيح .. نسيت اعرفك بعمر صاحبي
مي بصت ناحيته .. كان هو باصصلها وسرحان خالص .. مي اتكسفت ونزلت وشها في الارض
اما فريده فاخدت بالها ان عمر مركز مع مي قوي ..
فريده (بضحك ) : ايه يا عم عمر مالك
ياسين زقه في كتفه
عمر(وهو لسه باصص لمي ) : ها .. ازيك يا فريده عامله ايه
فريده (بضحك ) : انا تمام الحمد لله .. اعرفك .. مي صاحبتي
عمر : اهلا وسهلا يا انسه مي .. ( وبيمد ايده عشان يسلم عليها )
مي : اهلا بحضرتك .. معلش سوري مش بسلم
عمر حط ايده في جيوبه وحس بالاحراج : لا ولا يهمك ..
ياسين : طب تعالوا نقعد بدل ما احنا واقفين كده
فريده : اوك يالا بينا
مشيت فريده جنبها مي و وراهم عمر وياسين
مي (لفريده بصوت واطي ) : فريده مينفعش كده .. هنقعد معاهم بتاع ايه
فريده : ايه المشكله يا مي
مي : لا طبعا ما يصحش كده
فريده : مي تعالي والنبي عشان خاطري .. احنا في النادي يعني مكان مفتوح ومش بنعمل حاجه غلط ..اوك
مي (بتردد) : طيب .. بس مش كتير ... اووف مش مرتاحه يا فريده بلاش احسن
فريده : خلاص بقا .. اوعدك مش هنتأخر يا جميل
عمر كان سامع كلامهم ومعجب قوي بمي
قعدوا شويه سوا يمكن  دقايق بالضبط
مي : مش يالا بقا يا فريده
فريده : لسه بدري يا مي .. ناقص ساعه بحالها
ياسين : ساعه علي ايه
فريده : اصل عمو سمح لمي بالخروج ساعتين .. وفات ساعه ولسه ناقص ساعه
مي : معلش يالابقا .. ولا اروح لوحدي
فريده : لا خلاص يالا بينا .. عن اذنكم
ياسين : سلام يا بنات اشوفكم بكره في الكليه
عمر : مع السلامه
بعد ما مشيوا البنات ...
عمر : هي مين مي دي يا ياسين
ياسين (بغمز ) : مي مين !!
عمر : مي صاحبه فريده .. تعرفها منين وبتقولها اشوفكم بكره
ياسين (بضحك) : ما هو لو انت مكنتش تنحت وسرحت ساعه ما شفناهم .. كنت عرفت من الكلام انها طالبه عندي .. زميله فريده هههههههههه
عمر : بجد .. طب كلمني عنها شويه
ياسين : اكلمك عنها ازاي .. هي الصناره غمزت ولا ايه
عمر : شكلها كده .. ها تعرف ايه عنها ؟؟؟
ياسين : اتحايل عليا شويه ههههههههههه
عمر : تصدق انك رخم .. انا اصلا بسألك ليه .. انا هكلم فريده اسالها
ياسين : لا تكلم فريده ليه .. تعالي حبيبي وانا اقولك كل اللي انت عايزه ... ده انت حبيبي من ايام الجيزه هههههه
عمر : ناس متجيش غير بالعين الحمرا ... انطق يالا
ياسين : كل اللي اعرفه عنها انها صاحبه فريده الوحيده في الكليه ... وانها بنت محترمه جدا ومتدينه .. وملهاش اختلاط مع حد تقريبا ...و .. وبس
عمر : بس كده .. وزلتني عشان تقول .. مممم .. عموما انا هتصرف .. سلام
ياسين : رايح فين يابني ... مش قلنا هنتعشي سوا في النادي
عمر : لا مش عايز .... شبعت ... سلام
ياسين (بضحك ) : سلام
..........................................................................................................
روح عمر البيت .. ودخل لمامته اوضتها كانت بتقرا قران
عمر : ست الكل عامله ايه
مامته : صدق الله العظيم .. الحمد لله يا حبيبي .. ايه اللي رجعك بدري .. مش قلت هتتعشي مع ياسين في النادي
عمر : ابدا .. بس حسيت اني شبعان .. فرجعت
مامته وهي بتبص في عينه : في حاجه عايز تقولها ومش عارف صح
عمر : صح يا مامتي يا حلوه انتي
ونام عمر علي رجلها .. هي قفلت المصحف وحطته علي الكومود جنبها .. وبدأت تحسس علي شعره ..
عمر : قابلتها يا ماما
مامته : هي مين دي ؟؟
عمر : ملاك نازل من السما .. وماشي علي الارض علي رجلين
مامته : وايه كمان
عمر : رقه ايه ... جمال ايه .. اخلاق ايه.. مش هتصدقي دي مكنتش عايزه تقعد معانا ... وكمان مبتسلمش علي رجاله ...
مامته : طب احكيلي كل حاجه .. من الاول كده
حكي عمر لمامته كل اللي حصل
مامته : طب يابني .. وانت ناوي علي ايه ..
عمر : حاسس ان هي دي اللي هتكون شريكه حياتي .. هي دي اللي كنت بدور عليها من زمان .. انا بس عايز اتكلم معاها اعرف عندها قبول ولا لا .. لو في هنروح انا وانتي يا جميل عشان تخطبيلي بقا وابقا عريس
مامته (بضحك ) : ماشي يا عريس .. ربنا يوفقك ويعملك اللي فيه الخير .. ولو هي فيها الخير ليك .. ربنا يكتبهالك .. ولو فيها شر يبعدها عنك
عمر : ان شاء الله فيها خير يا جميل انت
مامته : يارب يا حبيبي .. يالا قوم غير هدومك ... وصلي ركعتين لله .. علي ما احضر احلي عشا للعريس هههههههه
عمر باسها .. : هوا .. وكتري بقا عشان جعااان قوي
..........................................................................................................
رجعت مريم بيتها وطلعت علي اوضتها علي طول .. عماله تفكر .. ياتري تعمل ايه .. غلبها التفكير لحد ما وصلت لقرارها ونامت..
تاني يوم صحيت مريم متأخر علي رنه موبايلها
مريم (بنوم) : الو ..
مدحت : الو .. يا مريم .. ايه فينك .. مجيتيش لحد دلوقتي يعني
مريم فتحت عنيها وبصت علي ساعه الموبيل لقيتها الساعه 9
مريم : معلش .. راحت عليه نومه .. مسافه الطريق وهجي الشغل علي طول
مدحت : خدي وقتك .. انا بس كنت بطمن عليكي .. اول مره متجيش في معادك .. بس اول ما توصلي يا ريت تدخليلي علي طول.. اوك
مريم : اوك
قامت مريم اخدت شاور ولبست ونزلت عشان تروح الشركه .. واول ما وصلت دخلت لمدحت مكتبه
مدحت (بحنان) : قلقت عليكي لما اتاخرتي
مريم : سورى .. بس نمت امبارح متاخر شويه
مدحت : ولا يهمك ... المهم فكرتي في الكلام اللي قلتهولك