زواجي المدبر (بالدارجة المغربية)

الجزء الأول

بحالي بحال بزاف ديال البنات فسني ﻛﻨﺖ ﻛﻨﺤﻠﻢ ﺑﻘﺼﺔ ﺣﺐ ﺧﺎﻟﺪﺓ حب يبدل حياتي ويشقلبها كاع بعيد على داكشي ديال تدواز الوقت و التبرهيش..

فنفس الوقت ﻋﻤﺮﻱ فكرت ﺃﻧﻮ ﻧﻘﺪﺭ ﻧﺘﺰﻭﺝ ﺯﻭﺍﺝ ﺗﻘﻠﻴﺪﻱ ﺃﻭ ﻧﺎﺧﺪ ﺭﺍﺟﻞ ﻣﻦ اﻟﻌﺎﺋﻠﺔ حيث كيقولك هرب من دمك لا يطليك ان صح التعبير..
ﻭﻟﻜﻦ ﻛﻮﻟﺸﻲ ﺗﺒﺪﻝ العام الفايت تخطبت لولد عمتي تورية لي هي أخت بابا من باه.

هاد الولد ﻟﻲ ﻓﺼﻐﺮﻱ ﻛﻨﺖ ﻣﻌﺠﺒﺔ ﺑﻴﻪ كي شي حمقة كان حب طفولي وبريئ ﻭﻟﻜﻦ ﻓﺎﺵ ﺭﺣﻞ ﻣﻊ ﻋﺎﺋﻠﺘﻮ ﻟﺒﺮﺍ ﻣﺎﺑﻘﻴﺘﺶ ﻛﻨﺸﻮﻓﻮ ﺑﺰﺍﻑ ﻭﺍﻹﻧﺴﺎﻥ ﻣﻊ ﺍﻟﻮﻗﺖ ﻛﻴكبر وكينسى، هادشي لي كان كيسحاب ليا.

ﻧﻌﺮﻓﻜﻢ ﺑﻌﺪﺍ ﺑﺮﺍﺳﻲ..
ﺳﻤﻴﺘﻲ ﺃﻣﻞ ﻋﻤﺮﻱ 19 ﺳﻨﺔ ﺑﻨﺖ ﻋﺎﺩﻳﺔ بشرتي بيضة وشعري قهوي مغلوق وكندير الفولار.
طايتي بين المتوسطة والرقيقة طويلة شوية، طبعي شوية جدي ماعنديش مع البسالة والدوران بلا فايدة ولكن حنينة وقلبي كبير حشومية شوية ولا نقدر نقول عارفة حدودي مزيان وكنتعامل مع الناس بحدود ولكن مع صحاباتي وعائلتي كنكون شخص أخر ضحوكية وحمقة شوية، مهم شخصية معقدة وغاتعرفو عليا مزيان من خلال القصة.

انا ﻋﺎﻳﺸﺔ ﻣﻊ عائلتي لي ﻛﺘﻜﻮﻥ ﻣﻦ ﺑﺎﺑﺎ اسماعيل ﺃﺳﺘﺎذ ﻭﻣﺎﻣﺎ مليكة خياطة عندها محل كتخدم فيه ومرة مرة كنعاونها، وعندي 2 ﺧﻮﺕ ولاد عزيز هو الكبير متزوج وعندو ولد سميتو رضا ومراتو سهيلة صاحبتي وبنت الحومة وخويا هشام ﻛﺒﺮ ﻣﻨﻲ بعامين كيقرا الهندسة يعني أنا أخر العنقود والبنت الوحيدة فالدار وخا ولد خويا الصغير خدا مني كاع الدلال لي كنت كنعم بيه.

ﻫﺎﺩ ﺍﻟﺸﻬﺮ ﻋﻨﺪﻱ ﺍﻟﻌﺮﺱ ﺇﻥ ﺷﺎﺀ ﺍﻟﻠﻪ ﺍﻟﻌﺮﺱ ﻟﻲ ﻏﻴﺪﺍﺭ ﻓﺪﺍﺭ ﺟﺪﻱ ﻓﺎﻟﺒﺎﺩﻳﺔ ﺣﻴﺖ ﻫﺎﺩﻱ ﺭﻏﺒﺔ ﺍﻟﻌﺎﺋﻠﺔ، العائلة ﻟﻲ تدخلات ﺑﺰﺍﻑ ﻓﺤﻴﺎﺗﻲ ﻭﺧدﺍﺕ ﻗﺮﺍﺭ مصيري بخصوص زواجي..زواج لي جاني على غفلة وكان بلا خاطري فالأول ولكن عام واحد كان كافي باش نقنع راسي بلي هذا هو مكتابي وعائلتي ماغتبغيش لي شي حاجة خايبة..

وثاني حاجة هو الزغبي ديال ولد عمتي قلت مع راسي بلي نقدر نرجع داك الحب دالصغر ونولي نبغيه ومنها نيت منخسرش خاطر والديا لي ماهما عملت مانوفيهمش حقهم .

ﺟﺎﺕ ﻟﻮﻗﻴﺘﺎ ﻓﺎﺵ ﻏﻨﻤﺸﻴﻮ لبلاد ﺃﻧﺎ ﻭﻋﺎﺋﻠﺘﻲ ﺍﻟﺼﻐﻴﺮﺓ ﺑﺎﺑﺎ ﻭ ﻣﺎﻣﺎ ﻭهشام ﺃﻣﺎ ﺧﻮﻳﺎ عزيز ﻭﻣﺮﺍﺗﻮ ﻭﻭﻟﺪﻫﻢ ﻏﻴﻠﺤﻘﻮ ﻋﻠﻴﻨﺎ ﻣﻦ ﺑﻌﺪ .

هبطت باليزتي مع الدروج بينما كانت العائلة مجمعة فالصالون..
دوزت عيني على الدار كاملة قبل مانودعها هادشي الا مارجعتش ليها من بعد مايتلغى الزواج ههه كولشي وارد فراسي هاد الساعة.

دخلت لعندهم كنجر باليزتي ضحكات لي ماما قبل ما تطلب من هشام يدي باليزتي لكوفر طوموبيل
ناض هشام هز باليزتي باش يديها لطوموبيل وهو كيتمتم بشي حاجة بينو وبين راسو انا كيف عادتي بغيت نجبدو نبدل الجو شوية وقلت ليه:
_اش كتهمهم تما ماعجبكش الحال حيث هاز باليزتي ولا؟