زواجي المدبر (بالدارجة المغربية)

الجزء الثامن

ﻣﺤﻤﺪ واش عمرك انت طحتي ولا جربتي الحب؟

ديك الباء ضغطت عليها مزيااااان حيت يلاه ﺳﺎﻟﻴﺖ ﺍﻟﻬﻀﺮﺓ ﻭﻫﻮ ﻳﺒﺎﻥ ﻟﻲ ﺑﺎﺑﺎ ﺩﺍﺧﻞ ﻟﻜﻮﺯﻳﻨﺔ  ﻭﻟﻴﺖ ﻣﺎﻃﻴﺸﺔ تمنيت نقدر نتخشى تحت الطابلة ونغبر ولكن ختكم عندها مع المواقف الحرجة كنسلت راسي فيهم ﻭﺃﻧﺎ ﻧﻘﻮﻝ لمحمد
_ﺯﻋﻤﺎ الحب ﺍﻟﻤﻠﻮﻙ..حب ملوك..
وليت غير كنخرج وندخل فالهضرة ﻣﺤﻤﺪ ﺑﻘﺎ ﻛﻴﻀﺤﻚ ﻭﺑﺎﺑﺎ بقا واقف حدا الباب مبتاسم جاب الله ماسمعش كلامي كامل يمكن سمع غير ديك الكلمة دالحب وقال هادو جالسين كيتمعشقو..
ﻧﻀﺖ ﻣﻦ ﺑﻼﺻﺘﻲ خارجة ﻭﺣﻨﻴﻜﺎﺗﻲ ﺣﻤﺎﺭﻭ بلا قياس.

ﻧﺠﺎﺓ ﻣﺸﺎﺕ ﻣﻊ ﻣﺮﻳﻢ ﻟﺤﺎﻧﻮﺕ ﺗﻘﺪﻯ ﻣﻘﺎﺩﻳﺮ ﺷﻲ ﺣﻠﻮﺓ ﻫﺎﺩﺷﻲ ﻟﻲ ﻗﺎﻟﺖ ﻟﻲ ﺯﻫﺮﺓ .. ﻭﺑﻘﻴﺖ ﻛﻨﻌﺎﻭﻥ ﻣﺮﺍﺕ ﻋﻤﻲ ﻓﺘﻮﺟﺎﺩ ﺍﻟﻐﺪﺍ ﻭﺃﻧﺎ ﻋﻘﻠﻲ ﻣﻊ ﺩﺍﻙ ﺳﺆﺍﻝ ﺃﺷﻨﻮ ﻛﺎﻥ ﻏﻴﺠﺎﻭﺑﻨﻲ ﻣﺤﻤﺪ ﺩﺍﻙ ﺳﺎﻋﺔ كن ماقاطعناش بابا؟

ﺑﻌﺪ ﺍﻟﻐﺪﺍ ﻛﺎﻥ ﻣﺤﻤﺪ ﻭﻫﺸﺎﻡ ﻏﺎﺩﻳﻴﻦ ﺑﺎﺵ ﻳﺠﻴﺒﻮ ﻋﻤﺮ ﻣﻦ ﺍﻟﻤﺤﻄﺔ ﻭﻟﻜﻦ ﻫﺸﺎﻡ ﻏﻴﺮ ﺭﺃﻳﻮ ﻓﺄﺧﺮ ﻟﺤﻈﺔ ﻭﻣﺸﻴﻨﺎ ﻣﻌﺎﻩ ﺃﻧﺎ ﻭﻟﺒﻨﺎﺕ مريم فتحات الباب لقدامي وانا ماحملاش راسي علاش نسولو كاع داك سؤال اش غيكون دابا كيقول عليا
ولكن كنت بغيت نعرف غير اشنو غيقول على الحب واش كيأمن بيه بعدا ولا والو اما حياتو الشخصية سوقو هداك.

ﺷﺪﻳﻨﺎ ﺍﻟﻄﺮﻳﻖ شادة الهضرة مع البنات اما هو غير راد بالو مع الطريق.
وﺻﻠﻨﺎ ﻟﻤﺤﻄﺔ لي كانت بعيدة على الفيلاج بشي 10دقايق ﻫﺒﻂ ﻣﺤﻤﺪ ﻛﻴﻘﻠﺐ ﻋﻠﻴﻪ ﻭﺣﻨﺎ ﺑﻘﻴﻨﺎ ﺣﺪﺍ الطوموبيل .. ﺷﻮﻳﺔ ﻛﻴﺒﺎﻥ ﻟﻴﻨﺎ ﻭﺍﺣﺪ ﻗﺮﺏ ﻣﻦ ﻧﺠﺎﺓ ﻭﺷﺪ ﻟﻴﻬﺎ ﻋﻴﻨﻴﻬﺎ وهي تضور عندو كتضحك..
نجاة_عمر..

سلمات عليه و باينة فيها توحشاتو حيت هو كيقرا فمدينة اخرى عندو 23سنة ولد ملامحو شهبة وشعرو طويل شوية واصل لتحت ودنيه مجعد نوعا ما.دار ﻟﻌﻨﺪﻧﺎ ﺃﻧﺎ ﻭﻣﺮﻳﻢ ﻭﻗﺎﻝ : ﻫﺎﻱ ﻫﺎﻱ ﻫﺪﺍ ﻛﻮﻟﻮ ﺯﻫﺮ ﻋﻨﺪﻱ ﻻﻟﺔ ﺃﻣﻞ ﻭﺍﻷﻧﺴﺔ ﺟﺎﻳﻴﻦ ﻳﺴﺘﻘﻠﺒﻮﻧﻲ .
ﺃﻧﺎ : ﺍﻟﻠﻪ ﺃﻭﺩﻱ ﺳﻌﺎﺗﻚ ﻣﺎﺷﻲ ﻗﻠﻴﻞ ﻛﻦ ﻏﻴﺮ ﺟﺒﻨﺎ ﻣﻌﺎﻧﺎ ﺍﻟﺤﻠﻴﺐ ﻭﺍﻟﺘﻤﺮ ﺃ ﻣﺮﻳﻢ .
ﻫﻮ
ﺷﺎﻑ ﻓﻤﺮﻳﻢ مامتيقش ﻭﻗﺎﻝ
: ﺃﺃﻩ ﻫﺎﺩﻱ ﻫﻲ ﻣﻴﺮﻱ ﺍﻟﺒﻜﺎﻳﺔ ﻛﺒﺮﺍﺕ كﺎﻉ ﻣﺎﻋﺮﻓﺘﻬﺎ..

ﻣﺮﻳﻢ ﻣﺎﻋﺠﺒﻬﺎﺵ ﺍﻟﺤﺎﻝ : ﻫﺎﺩ ﺍﻟﺒﻜﺎﻳﺔ ﺭﺍﻩ ﻋﻨﺪﻫﺎ 18 ﻟﻌﺎﻡ ﺍﻟﺒﺎﺳﻞ
شاف فيها وطلع حجبانو
ﻋﻤﺮ : ﺃﻱ ﻟﺴﺎﻧﻚ ﻣﺎﺿﻲ ﻭﺟﻮﺍﺑﻚ ﻋﻠﻰ ﻟﺴﺎﻧﻚ..
شاف فيا وغمزني عرفتو غير كيتمازح معاها.
مريم_اوا ضروري اسي عمر..ونصيحة ليك شوف مع شي طبيب دراس راه ذاكرتك باينة على قد الحال.
عمر بغا يرد عليها ويقولها راه عقلت عليك غير ضحكت ولكن نجاة قطعاتو..

ﻧﺠﺎﺓ : ﻻﻻ ﻏﺘﺒﺪﺍﻭﻫﺎ ﺑﺎﻟﺒﺴﺎﻟﺔ ﻣﻦ ﺩﺍﺑﺎ ﺑﺮﻛﺔ الخوت راكم بعقلكم زعما..  ﺑﻼﺗﻲ ﻳﺠﻲ ﻣﺤﻤﺪ ﻭﻧﻤﺸﻴﻮ ﺑﺎﻧﻠﻲ ﺗﻠﻒ ﻭﺍﻗﻴﻼ.
ﻋﻤﺮ دار لعندي و انا كندور راسي كنقلب عليه وقال
: ﺍﻣﻮﻟﺔ ﺇﻻ ﺗﻠﻒ ﻣﺤﻤﺪ ﺃﻧﺎ ﻧﺎﺧﺪ ﺑﻼﺻﺘﻮ ﻛﻮﻧﻲ ﻫﺎﻧﻴﺔ..مانخليش بنت عمي!