أصبح الصباح وكيما العادة كل ﺼﺒﺎﺡ ﻛﻴﺘﻌﺎﻭﺩ نفس ﺍﻟﺮﻭﺗﻴﻦ ﺍﻟﻴﻮﻣﻲ مور الفطور ﻣﺸﻴﺖ ﻋﻨﺪ ﺑﺎﺑﺎ نهضر معاه ﻛﺎﻥ جالس ﻣﻊ ﻋﻤﻲ ﺑﺮﺍﻫﻴﻢ ﻭ ﻣﺤﻤﺪ دخلت جلست وقلت ليه
_بابا بغيت نمشي نزور جدة..حشومة كاع ملي جيت ما شفتها..ياكما مخبيين عليا شي حاجة؟
_لا لا أبدا ابنتي هي ولات لاباس الحمد لله غير كنت كنتسنى الوجيبة فين نمشيو مجموعين عندها ولكن حتى دابا من غدا ندي بنتي تشوفها دابا عندي شي شغل ضروري مع عمك ابراهيم.
يلاه بغيت نجاوبها وهو ينقز محمد
_انا نوصلها اخالي.. نيت نشوف جدة حتى انا.
شاف فيا وابتسم رديت ليه الإبتسامة ببرود زعما راه بقا فيا الحال على وديت لبارح وموضوع العقوبة.
سبقني هو لبرا و انا مشيت لبيتي نقاد راسي لبست صاية خضرة وقاميجة دجين خفيف فالزرق ودرت شال بلو كاسي لبست صباط بلا وهزيت تيليفوني فيدي وخرجت..
ﻓﺎﺵ ﻛﻨﺎ ﺧﺎﺭﺟﻴﻦ ﻣﻦ ﺑﺎب الﺩﺍﺭ ﻟﻘﻴﻨﺎ ﻋﻤﺮ ﻛﻴﺼﺎﻭﺏ ﻓﺍﻟﻤﻮﻃﻮﺭ ديالو لي مدة ماخدمو..محمد مشا لجهة الطوموبيل و انا وقفت عند راس عمر قلت ليه
_أش بان ليك تجي معانا ا عمر؟
عمر_فين بسلامة؟
شفت فمحمد مخرج راسو من شرجم ديال الطوموبيل وكيتسنى فيا وانا غير ما زايدة فيه
_غاديا نشوف جدة..اجي معانا تا نتا تدوز شي عقوبة فاعلة تاركة.
عمر_ واخا نجي ولكن غير سبقوني انا غنصايب هاد الموطور وغنلحقكم ان شاء الله.
_اوك غنتسناوك عندك تعطل.
تميت غادة وعمر كيقول
_كوني هانية ازين كلمة درجال.
غمزني ومشيت جلست جنب محمد وهو كيخنزر فيا
محمد_كنت تجلسي معاه نيت تا يصايب موطورو وركبي معاه.
تكيت على الكرسي بضهري و جاوبتو
_و الله ماكرهت اخويا محمد..عرفتي كنحماق على الموطور زعما نركب عليه ونتم غادة بيه بسرعة فشي خلا..اه ونطلق شعري يضرب فيه الهوا الله على شعور.
زاد بالطوموبيل وهو كيشوف فيا وكيقول
_تبارك الله طلعتي ماسهلاش اهياتا..اوا تقدري تطلبي من عمر يسلفك موطورو..
ضحكت معاه وجاوبتو
_علاش لا..اه ماقلتيش ليا كيفاش قضيتي عقوبتك البارح فالصطح؟
_وصلات ليك مرسولة الحب الخبار؟بصراحة كانت عقوبة زوينة و انا ما حسيتش بها كاع عقوبة بقدر ما حسيتها فرصة نتقربو من بعضنا شوية.. كيف كتعرفي حنا دابا مزوجين ومحتاجين نجلسو نتعرفو كثر على بعضنا.
_مزيان الله يكثر من العقوبات..
وصلنا لدار جدة ﺳﻠﻤﻨﺎ ﻋﻠﻰ ﻣﺮﺍﺕ ﺧﺎﻟﻲ ﻟﻲ ﻛﺎﻧﺖ ﻛﺘﺸﻄﺐ على برا..وﺟﻠﺴﻨﺎ ﻗﺪﺍﻡ ﺍﻟﺒﺎﺏ ﻛﺎﻳﻨﺔ ﺗﻤﺎ ﺧﻀﻮﺭﺓ ﻭﻣﺒﺮﺩﺓ نيت مع يلاه رشاتها مرات خالي.. ﺟﺎﺑﺖ لينا ﺍﻟﻠﺒﻦ ﻭﺍﻟﺘﻤﺮ ﻭﺟﻠﺴﻨﺎ ﻧﺎﻛﻠﻮ ﻋﻠﻰ ﻣﺎﺗﺠﻲ ﺟﺪﺓ..
يلاه جلسنا وهو يدخل عمر ومعاه هشام جلسو حتى هما معانا و هنا ﺩﺧﻼﺕ جدة ﺑﺎﻟﻌﻜﺎﺯ ﺩﻳﺎﻟﻬﺎ ﻟﻲ ﻛﺘﻌﺎﻭﻥ ﺑﻴﻪ ﻧﻀﺖ ﻋﻨﻘﺘﻬﺎ ﻭﺑﺴﺖ ﺭﺍﺳﻬﺎ ﻭﺍﻟﺪﺭﺍﺭﻱ ﺑﺎﺳﻮ ﻳﺪﻳﻬﺎ ﻭﻛﺘﺮﺿﻲ ﻋﻠﻴﻨﺎ..
أنت تقرأ
زواجي المدبر (بالدارجة المغربية)
ChickLitقصة مغربية بالدارجة.. مقولة "الحب بعد الزواج ما كانتش داخلة ليا لراسي" هادشي لي كنت مقتنعة بيه شحال هادي..دابا ها هو زواجي التقليدي من ولد عمتي بقات ليه غير شهر! شهر واحد غيوقعو فيه بزاف ديال الأحداث وهو مدة كافية ليا باش نتأكد من حبي ليه ونعر...
