زواجي المدبر (بالدارجة المغربية)

الجزء الثالث

: الله يا  ﺧﺎﻟﺘﻲ..

سمعت صوتو لي مايخفاش عليا وهزيت فيه عيني وهو كيعصر بقميجتو الزرقا وتصدمت ..دوشت لو مسكين.
ﻭﻟﻜﻦ ﻟﻲ ﻛﻨﺖ ﻋﺎﺭﻓﺔ انو ﻏﻴﺠﻲ ﻣﻊ ﺍﻟﻌﺼﺮ ﻛﻨﻔﻜﺮ ﻭﺃﻧﺎ ﻛﻨﻘﻔﻘﻒ ﻭﻃﻴﺤﺖ ﺳﻄﻞ ﺑﻘﻴﺖ ﻏﺎﻛﻨﺸﻮﻑ ﺃﺵ ﻫﺎﺩ ﺍﻟﺤﺎﻟﺔ لي طحت فيها معاه .. ﻗﺮﺏ ﻣﻨﻲ ﺷﻮﻳﺔ وشاف فيا وانا نحدر عيني ما كنتش بغيتو يشوفني بهاد المنضر.

ﻣﺤﻤﺪ : ﺧﺎﻟﺘﻲ ﺯﻫﺮﺓ ﻫﺎﻛﺪﺍ ﻛﺘﺴﺘﻘﺒﻠﻴﻨﻲ ﻳﺎﻛﻲ‏؟
ﻭﻫﻮ ﻛﻴﻘﺮﺏ ﺑﺎﺵ ﻳﺴﻠﻢ ‏ ﺍﻧﺎ ﻣﺎﻋﻘﻠﺘﺶ ﺗﺎﺿﺮﺑﺘﻬﺎ ﺑﺠﺮﻳﺔ ﻟﺪﺍﺧﻞ ﻭﺧﻠﻴﺘﻮ ﻓﺎﻟﺒﺎﺏ ﻣﺴﺘﻐﺮﺏ ﻣﻦ ﺗﺼﺮﻑ لي ظنها ﺧﺎﻟﺘﻮ ﺯﻫﺮﺓ .
ﺷﺎﻓﻮﻧﻲ ﻟﺒﻨﺎﺕ ﺩﺍﺧﻠﺔ ﻭﺃﻧﺎ ﻛﻨﺠﺮﻱ ﻣﺎﻓﻬﻤﻮ ﻭﺍﻟﻮ ﺃﻧﺎ ﺟﺮﻳﺖ ﻟﻄﻮﺍﻟﻴﺖ ﺑﺎﺵ ﻧﻐﺴﻞ ﺣﺎﻟﺘﻲ ﻏﺎﺷﻔﺖ ﺭﺍﺳﻲ ﺃﻧﺎ ﻧﺘﺨﻠﻊ ﻓﺒﻼﺻﺘﻮ ﺩﺍﻙ ﺍﻟﺰﻳﻒ ﻣﻐﻄﻲ ﻭﺟﻬﻲ ﻭﺍﻟﻘﺼﺔ ﺧﺎﺭﺟﺔ ﻭﻫﻲ ﻋﺎﻣﺮﺓ ﻏﺒﺮﺓ ﻭﺩﻳﻚ ﺍﻟﻜﺴﻮﺓ ﺩﻳﺎﻝ ﺯﻫﺮﺓ ﺭﺩﺍﺗﻨﻲ ﺑﺤﺎﻝ ﺟﺪﺓ .

ﻫﻮ ﺩﺧﻞ ﻭﺩﺍﺭﻫﺎ ﻟﻴﻬﻢ ﻣﻔﺎﺟﺄﺓ ﻭﺷﺎﻑ ﻣﺮﺍﺕ ﻋﻤﻲ ﺯﻫﺮﺓ ﺗﻌﺠﺐ ﻣﺎﺑﻘﺎ ﻓﺎﻫﻢ ﻭﺍﻟﻮ سلم عليهم ومريم ﻋﻨﻘﺎﺗﻮ ﻭﻗﺎلت ﻟﻴﻪ
: ﻣﻔﺠﺄﺓ ﻫﺎﺩﻱ ﻋﻼﺵ ﻣﺎﻋﻠﻤﺘﻴﻨﺎﺵ ﻛﻨﺎ ﻭﺟﺪﻧﺎ ﺍﻟﺘﻤﺮ ﻭﺍﻟﺤﻠﻴﺐ لمولاي السلطان ..
ﻣﺤﻤﺪ : ﺑﻐﻴﺖ ﻧﻔﺎﺟﺌﻜﻢ زعما ﺻﺪﻗﺖ ﺃﻧﺎ ﻟﻲ ﺗﻔاﺠﺄﺕ ﺑﺎﻧﻠﻲ ﺑﺤﺎﻝ ﺇﻻ ﺷﻔﺖ ﺧﺎﻟﺘﻲ ﺯﻫﺮﺓ ﻫﻨﺎ ﺳﺎﻋﺔ ﻟﻘﻴﺘﻬﺎ ﻫﻨﺎ ﺷﻜﻮﻥ ﻫﺎﺩﻳﻚ ﻟﻲ ﺩﺧﻼﺕ ﻫﺮﺑﺎﻧﺔ؟
ﻧﺠﺎﺓ حاولت تبدل الموضوع وجاوباتو
: ﻭﻟﺪ ﻋﻤﺘﻲ ﺷﻔﺘﻚ ﻏﺎﺟﻴﺘﻲ ﺑﺪﻳﺘﻲ ﻛﺘﺴﻮﻝ ‏ ﺧﻠﻴﻨﺎ ﺑﻌﺪﺍ ﻧﺴﻮﻟﻮﻙ ﺣﻨﺎ ...

ﺃﻧﺎ ﻓﻬﺎﺩ ﺍﻟﻮﻗﺖ ﻛﻨﺖ ﻛﻨﺒﻜﻲ ﻓﺎﻟﻄﻮﺍﻟﻴﺖ ﻋﻠﻰ ﺣﺎﻟﺘﻲ ﻛﻴﺸﻮﻓﻨﻲ ﺑﺤﺎﻝ ﺧﺎﻟﺘﻮ ﻫﺎﺍﺍ حلفت لا خرجت لعندو ..

ﻏﺴﻠﺖ ﻭﺟﻬﻲ ﻭﺍﻟﻘﺼﺔ ﻭﺣﻴﺪﺕ ﺩﺍﻙ ﺍﻟﺸﺮﻭﻳﻄﺔ ﻭﻛﻨﺖ باقي ﻻﺑﺴﺔ الكسوة ديالي ﺗﺤﺘﻬﺎ ﻭ ﻧﻀﺎﺿﺮﻱ ﻓﻮﻕ ﺷﺎﻟﻲ ﺧﺮﺟﺖ مالقيتهمش غادي ﻳﻜﻮﻥ ﻏير ﺗﺨﻠﻊ ﻭﻫﻮ ﻳﻬﺮﺏ ﺑﺎﻳﻨﺔ..
ﻟﻘﻴﺖ ﻧﺠﺎﺓ ﺟﺎﻟﺴﺔ ﻗﺪﺍﻡ ﺍﻟﺒﺎﺏ ﺷﺎﻓﺘﻲ ﻭﻫﻲ ﻃﺮﻃﻖ ﺑﺎﻟﻀﺤﻚ
ﻧﺠﺎﺓ : ﻫﻬﻬﻬﻪ ﻧﺎﺭﻱ ﺃﺻﺤﺒﺘﻲ ﺃﺵ ﺩﺭﺗﻲ ﻓﺎﻟﺴﻴﺪ ﻏﺎ شافك وهو يتلف القبلة ﻣﺸﺎ ﻓﻴﻬﺎ ﻣﺴﻜﻴﻦ .

ﺃﻧﺎ : ﻫﺎﻫﺎ ﻫﺎﺩﺷﻲ ﻛﻴﻀﺤﻚ ﻫﻮ ﻟﻲ ﺟﺎ ﺑﻼ ﻣﺎﻳﻌﻠﻢ ﻭﺍﺵ ﻛﺎﻥ ﻋﻠﻴﺎ ﻧﻠﺒﺲ ﻗﻔﻄﺎﻥ ﻭﻧﺴﺘﻨﺎﻩ ﻗﺪﺍﻡ ﺍﻟﺒﺎﺏ ﺑﺎﻟﺘﻤﺮ ﻭﺍﻟﺤﻠﻴﺐ؟
‏ ﻧﺠﺎﺓ ﺣﺒﺴﺎﺕ ﺿﺤﻚ وهي كتشوفني تقلقت ناضت لعندي وقالت
ﻧﺠﺎﺓ : ﺻﺎﻓﻲ ﺻﺎﻓﻲ ﺑﻼ ﻣﺎﺗﻘﻠﻘﻲ ﺭﺍﻩ كﺎﻉ ﻣﺎﻋﺮﻓﻚ ﻗﻮﻟﻨﺎﻟﻮ ﻫﺎﺩﻳﻚ ﻏﺎ ﻭﺍﺣﺪ ﺟﺎﺭﺗﻨﺎ ﺟﺎﺕ ﺗﻌﺎﻭﻧﺎ ﻭﻣﻠﻲ ﺷﺎﻓﺘﻚ ﺣﺸﻤﺎﺕ ﻭﻫﻲ ﺗﻬﺮﺏ ... ﻭﺭﺍﻩ ﻣﺮﻳﻢ ﺩﺍﺗﻮ ﻟقصر ﻳﻼﻩ ﻧﻤﺸﻴﻮ ﻋﻨﺪﻭ..،ﻭﻗﻔﻲ ﻫﻨﺎ ﻧﺠﻴﺐ ﺍﻟﺴﺎﺭﻭﺕ ﺑﺎﺵ ﻧﺴﺪﻭ ﻭﻧﻤﺸﻴﻮ صافي.