زواجي المدبر (بالدارجة المغربية)

الجزء الحادي عشر

دازت 25ليوم على وصولنا لهنا وبقات غير 5ايام لعرس.. علاقتي بمحمد نقدر نقول عليها تطورات للأحسن وصداقتنا توطدات وحبي ليه غادي وكيكبر فاطمة كتبع مع طبيبة نفسية ودابا هي كتبع دواها.. الى الأن كولشي غادي مزيان الحياة الهادئة لهاد الدوار كتنعكس على مزاج ونفسية الواحد.

البارح بالليل سهرنا كيما العادة وفاش طلعت نعس شديت ثاني الهضرة مع محمد فالواتس داكشي علاش ﻓﺎﻟﺼﺒﺎﺡ ماقدرتش نفيق بكري.. مريم جالسة فوق راسي كتحرك فيا باش نفيق ﻭﺍﻧﺎ ﻛﻨﺘﺠﺒﺪ تحت ليزار

مريم: ﻧﻮﺿﻲ ﻳﺎﻧﻌﺎﺳﺔ راه خمرتي بالنعاس..ﺷﻮﻓﻲ ﺷﻜﻮﻥ ﺟﺎ ﻳﺸﻮﻓﻚ على الصباح!

ﻫﺰﻳﺖ ﺭﺍﺳﻲ ﻭﺃﻧﺎ ﻛﻨﺘﻔﻮﻩ جات عيني فﻣﺤﻤﺪ ﻧﻀﺖ ﺩﻏﻴﺎ ﻭﺃﻧﺎ ﻛﻨﺠﻤﻊ ﻓﺮﺍﺳﻲ ..
ﺃﻧﺎ : ﻣﺤﻤﺪ ﺃﺵ ﻛﺪﻳﺮ ﻫﻨﺎ ﻋﻠﻰ ﺍﻟﻨﺒﻮﺭﻱ..

ﻣﺤﻤﺪ :ﺟﻴﺖ ﻧﺸﻮﻓﻚ ﻛﻴﻔﺎﺵ ﻛﺘﻜﻮﻧﻲ ﻓﺎﺵ ﻛﺘﻔﻴﻘﻲ ﺑﺎﺵ ﻣﺎﻧﺘﺼﺪﻣﺶ ﻣﻦ ﺑﻌﺪ..ولكن غزالة تبارك الله فكل حالاتك.

ﻣﺮﻳﻢ :ﺭﺍﻩ ﻗﻠﺖ ﻟﻴﻪ ﺑﻼﺵ ﻭﻣﺎﺳﻤﻌﻨﻴﺶ ونيت انت من الصباح وانا كنفيق فيك حلفتي لا تنوضي دابا غير شفتيه وانت توقضي.

محمد_صافي من هنا لفوق نولي ديما نجي نفيقها
غمزني و انا نتكعد من بلاصتي وخليتهم كيضحكو..

ﻛﻴﻒ ﺍﻟﻌﺎﺩﺓ ﻧﻬﺎﺭ ﻛﻴﺒﺪﺍ ﺑﻌﺪ ﺍﻟﻔﻄﻮﺭ..ﻛﻞ ﻭﺍﺣﺪ ﻣﺸﺎ ﻟﺸﻐﻠﻮ ﻭﺃﻧﺎ ﻣﺎﻛﺎﻥ ﻋﻨﺪﻱ ﻣﺎﻳﺪﺍﺭ ﻣﻦ ﻏﻴﺮ ﻧﺸﺪ ﺍﻟﺮﻛﻨﺔ ﻭﻧﺘﻔﺮﺝ.

ﻫﺎﺩ ﺍﻟﻌﺸﻴﺔ ﻏﻴﺠﻲ ﺧﻮﻳﺎ عزيز ﻭﻣﺮﺍﺗﻮ ﻭﻭﻟﺪﻭ ﺍﻟﻜﺘﻜﻮﺕ ﺭﺿﻰ .. ﻣﻊ ﺩﻳﻚ 16 ﺩﺍﻟﻌﺸﻴﺔ ﻭﺻﻞ ﻭﻛﻨﺖ ﻣﻮﺍﺣﺸﺔ رضا ﺣﻴﺖ ﻋﺎﻳﺸﻴﻦ ﻣﻌﺎﻧﺎ ﻣﻮﻟﻔﺔ ﻧﺸﻮﻓﻮ ﻛﻞ ﺻﺒﺎﺡ..
دخلنا جمعنا كاملين فالصالون لي كان عامر درنا كسكروط وﻣﻊ 18:30 ﺧﺮﺟﻨﺎ ﻟﺠﻨﺎﻥ ﻛﻨﺪﻭﺭﻭ ﻭﺃﻧﺎ ﻭﻟﺒﻨﺎﺕ ﻣﺠﻤﻌﻴﻦ ﻛﻨﻬﻀﺮﻭ وسهيلة دغيا اندمجات معانا وعجبها الجو ديال البلاد فاطمة حتى هي حسيت بها فرحانة معانا.

ﻫﺰﻳﺖ ﺭﺿﻰ ﻓﻮﻕ ﻛﺘﺎﻓﻲ ﻭﻛﻨﻀﻮﺭ بيه وهو ميت بالضحك ﻭﺗﺼﻮﺭﻧﺎ ﺷﺤﺎﻝ ﻣﻦ ﺳﻴﻠﻔﻲ قبل ما يجيني ﻣﻴﺴﺎﺝ ﻣﻦ ﻣﺤﻤﺪ فيه:واش نقدر نهضر معاك ﺩﺍﺑﺎ؟

ﺭﺩﻳﺖ ﻋﻠﻴﻪ : ﻣﻢ ﺩﺍﺑﺎ نيت؟

ﻡحمد:اه عندي ليك شي حاجة.

انا:وخا هاني غنسبقك مع رضا..

هزيت رضا معايا وصلت لواحد لبلاصة مغطية بالشجر مابقاوش كيبانو لي فين جالسين حطيت رضى يلعب وهو يوصل محمد لعندنا..

محمد:كتبانيلي انت وهاد الكتكوت متفاهمين.
شفت فرضا و ابتسمت
أنا:أو بزاف ..ياك أحبيبي؟

محمد:نعم قلتيها ليا
ضحكت وجاوبتو
_ لا طبعا أمل عندها حبيب واحد هو هدا..
شيرت بيدي لرضا لي كيضحك واخا مافاهم والو
هزو محمد وقال
:شفتي اسي رضا دابا غتولي تنافسني ولا شنو؟
قربت من رضا وبستو فخدو