زواجي المدبر (بالدارجة المغربية)

الجزء التاسع

فقت من السهو ديالي على جملة بابا لي غير سمعتها جاوبت بلا مانفكر
_معلوم قابلة!
شديت  ستيلو نسني و انا نهز ﻋﻴﻨﻲ ﻓﻤﺤﻤﺪ ﻛﻨﻠﻘﺎﻩ ﺷﺎﺩ ﺍﻟﻀﺤﻜﺔ اكيد غيكون جاتو الضحكة على السهو ديالي وطريقة لي قلت بها قابلة بحال الا زربانة غير نتزوجو ..

سالينا داكشي وحسيت بخطوة خطيتها نحو الخطة ديالي وفنفس الوقت حسيت بالخوف حيت دابا ماكاين فين نتراجع.

باركو لينا وشحال هي تبوس فيا عمتي حسيتها هي لي تزوجات بيا ..ﺭﻛﺒﻨﺎ ﺍﻟﻄﻮﻣﻮﺑﻴﻞ ﻓﺎﺗﺠﺎﻩ ﺍﻟﺴﻮﻕ ﻟﻲ ﻏﻨﺘﻘﺪﺍﻭ ﻓﻴﻪ وسرحت بعقلي ثاني على حياتي مع هاد الزغبي كيفاش غتكون.. ﻓﻴﻘﺎﺗﻨﻲ ﻣﻦ ﺍﻟﺤﻠﻤﺔ ﻳﺪﻭ ﻟﻲ ﺷﺪﺍﺕ ﻓﻴﺪﻱ ﺍﻟﻄﺮﻳﻖ ﻛﻠﻬﺎ و أول مرة كنحس بلي ماخايفاش من يدو لي شادة فيا وبلي دابا وليت مراتو حلالو.

ﻭﺻﻠﻨﺎ ﻟﺴﻮﻕ ﻟﻲ ﻛﺎﻥ ﻋﺎﻣﺮ ﻭﺍﻟﺸﻤﺲ ﻛﺘﺤﺮﻕ ..ﺗﻔﻘﻨﺎ ﻧﺘﻼﻗﺎﻭ ﻫﻨﺎ ﻣﻊ الزوج ﺑﺎﺵ ﻧﺘﻐﺪﺍﻭ .. ﺑﺎﺑﺎ ﻭﺑﺎﺑﺎﺕ ﻣﺤﻤﺪ ﻣﺸﺎﻭ ﻳﺘﻜﻠﻔﻮ ﺑﺎﻟﻄﻠﺒﻴﺔ ﺩﻳﺎﻝ ﺍﻟﻌﺮﺱ ﻭﺃﻧﺎ ﻭﺍﻟﺒﺎﻗﻲ ﺩﺧﻠﻨﺎ ﻟﺴﻮﻕ .. ﺃﻭﻝ ﺣﺎﺟﺔ ﻣﺸﻴﻨﺎ ﻋﻨﺪ ﻣﻮﻝ ﺫﻫﺐ ﺷﺮﺍﺗﻠﻲ عمتي بغاسلي ﺯﻭﻳﻦ جا نيت مع خاتم خطوبتي وشرا محمد خاتم ديالو ديال النقرة..ﺗﺎﺭ ﺍﻧﺘﺒﺎﻫﻲ ﺧﺎﺗﻢ هبلني ﻓﻴﻦ ﻳﺒﺎﻥ ﺧﺎﺗﻢ ﺧﻄﻮﺑﺘﻲ ﻫﻮ من الدهب الأبيض لي كيعجبني المنظر ديالو ومن ديما كنتمنا يكون عندي بحالو..

خرجنا من عند الذهيبي و ﻛﻨﺎ ﻏﺎﺩﻳﻴﻦ ﻟﺒﻼﺻﺔ ﺍﻟﺤﻮﺍﻳﺞ ﻣﺤﻤﺪ ﻣﺎﺑﻐﺎﺵ ﻳﻤﺸﻲ ﻣﻌﺎﻧﺎ ﺣﻴﺖ ﻋﺎﺭﻑ ﻏﻨﺘﻌﻄﻠﻮ ﻓﺎﻟﺸﺮﺍ واتججج بلي عندو شي غرض ومشا..
ﺗﻘﺮﻳﺒﺎ ﺗﺴﺎﺭﻳﻨﺎ كاع ﺍﻟﺤﻮﺍﻧﺕ لي فداك السوق عييت و هما ماعياو ﻟﻲ ﻋﺠﺒﺎﺗﻨﻲ شريتها ولي عجبهم خداوه ليا...عمتي خدات واحد شوميز دونوي غير شفتو قلبت وجهي لجيهة لخرى وبقاو كيضحكو عليا ﻭﺷﺮﻳﺖ ﻛﺎﺩﻭ ﻟﺒﻨﺎﺕ ﻭﻣﺎﻧﺴﻴﺘﺶ ﺣﺘﻰ ﺻﺎﺣﺒﺘﻲ ﻓﺎﻃﻤﺔ.

ﺑﻌﺪ ﺍﻟﺘﻘﺪﻳﺔ ﺗﻼﻗﻴﻨﺎ ﺣﺪﺍ ﺍﻟﻄﻮﻣﻮﺑﻴﻞ ﻭﻟﻜﻦ ﺗﻌﻄﻠﻨﺎ ﺑﺴﺎﻋﺔ .. ﻛﺎﻥ ﻋﻤﻲ ﻭﺑﺎﺑﺎ ﻣﻘﻠﻘﻴﻦ ﺣﻴﺖ تعطلنا عليهم. ﺑﺎﺑﺎ : ﺃﺵ ﻫﺎﺩ ﺍﻟﺘﻌﻄﻴﻠﺔ ﺯﻋﻤﺎ ﻗﻟﻨﺎ ﻧﺘﻼﻗﺎﻭ ﻣﻊ الزوج ﻭﻧﺘﻮﻣﺎ ﺟﺎﻳﻴﻦ ﻣﻊ الثلاثة.
ﻣﺎﻣﺎ : ﻣﻠﻲ ﺩﺧﻠﻨﺎ ﻟﺴﻮﻕ ﻧﺴﻴﻨﺎ ﺭﺍﺳﻨﺎ وحتى دابا باقي الحال..

ﻋﻤﺘﻲ ﻛﺘﺴﻮﻝ ﺭﺍﺟﻠﻬﺎ : ﻓﻴﻨﺎﻫﻮ ﻣﺤﻤﺪ؟
ابراهيم: ﺭﺍﻩ ﻛﻴﺘﺴﻨﺎﻧﺎ ﻓﺎﻟﻤﻄﻌﻢ ﻳﻼﻩ ﻧﻠﺤﻘﻮ ﻋﻠﻴﻪ..
ﺗﻐﺪﻳﻨﺎ ﻭﺷﺪﻳﻨﺎ ﺍﻟﻄﺮﻳﻖ ﻟﺪﺍﺭ ﻭﺷﻲ ﺣﺎﺟﺔ ﺣﺎﺳﻬﺎ ﻣﺎﺷﻲ ﻫﻲ ﻫﺎﺩﻳﻚ ﻓﻤﺤﻤﺪ بحال الا مخبي شي حاجة و كيشوف فيا ويضحك يكون زعما حشمان حشمت انا بعدا..

ﻭﺻﻠﻨﺎ ﻭﻛﺎﻧﻮ ﻟﺒﻨﺎﺕ ﻛﻴﺘﺴﻨﺎﻭﻧﻲ ..دخلنا ﺩﺍﻛﺸﻲ ﻟﻲ ﺷﺮﻳﻨﺎ لبيتي ﻭﻟﺒﻨﺎﺕ فضوليات ﻗﻠﺒﻮ ﻛﻮﻟﺸﻲ ﺇﻻ ﺳﺎﻙ ﻭﺍﺣﺪ ﺧﺒﻌﺘﻮ ﻭﻟﻜﻦ ﺟﺒﺪﻭﻩ ﻭﻫﻨﺎ ﺑﺪﺍ ﺍﻟﻀﺤﻚ الباسل عاوتاني
ﻣﺮﻳﻢ : ﺃﺵ ﻫﺎﺩ ﺍﻟﻌﺠﺐ ﺃﺧﺘﻲ ﺃﻣﻞ؟
هزات داك شوميز دو نوي كتقلب فيه ونجاة ميتة بالضحك
ﻧﺠﺎﺓ: ﻣﻴﺮﻱ ﻫﺎﺫﺍ ﺯﻱ ﺧﺎﺹ لمتزوجات..ولكن أختي امل هذا مفتوح شوية لا؟ باغا تنحرفي من الليلة الأولى
ﻫﺰﻳﺖ ﺩﺍﻛﺸﻲ ﻭﺟﻤﻌﺘﻮ ﻭﺃﻧﺎ نجاوبها: _ﻫﺎﺩﺷﻲ ﻋﻤﺘﻲ ﻟﻲ ﺣﻄﺎﺗﻮ ﻣﻊ ﺍﻟﺤﻮﺍﻳﺞ ومابغيتش نخسر ليها الخاطر غير بركة من الضحك..ﺃﻩ ﺍﻟﺒﻨﺎﺕ ﺭﺍﻩ ﻣﺎﻧﺴﻴﺘﻜﻤﺶ ﺷﻮﻓﻮ ﺃﺵ ﺟﺒﺖ ﻟﻜﻢ..
ﻋﻄﻴﺖ ﻟﻴﻬﻢ ﺍﻟﻜﺎﺩﻭﻳﺎﺕ باش ينساوني عليهم ﻭﻓﺮﺣﻮ ﺑﻴﻬﻢ.