زواجي المدبر (بالدارجة المغربية)

الجزء الرابع

ﻛﻤﻠﺖ ﻃﺮﻳﻘﻲ ﻭﺃﻧﺎ ﻓﺮﺣﺎﻧﺔ ﻭﻛﻨﻀﺤﻚ ﻋﻠﻰ ﺭﺍﺳﻲ ﺣﻴﺖ ﻭﺍﺣﺪ ﺍﻟﻮﻗﻴﺘﺔ ﺟﺎﻧﻲ ﺷﻚ ﻭﻛﻨﺖ ﻏﻨﺴﺎﻟﻲ ﻛﻮﻟﺸﻲ ... ﻭﺻﻞ ﻋﻨﺪﻱ ﻭﺷﺪ ﻓﻴﺪﻱ ﻭﻟﺒﻨﺎﺕ ﺟﺎﻳﻴﻦ ﻣﻮﺭﺍﻧﺎ ﺑﺸﻮﻳﺔ .

ﺷﻔﺖ ﻓﻴﻪ ﻟﻘﻴﺘﻮ ﻣﺒﺪﻝ ﺑﺤﺎﻝ ﺇﻻ ﻣﻘﻠﻖ ولا ماعرفت ما عجبنيش حالو، بديت الهضرة بيناتنا:
: ﺳﻤﺤﻠﻲ ﻋﻠﻰ ﻫﺎﺩ ﺍﻟﺤﺎﻟﺔ ﻟﻲ ﺭﺩﻳﺘﻚ..
شاف فيا و حاول يرسم ابتسامة على وجهو ولكن عقت بيه مخبي شي حاجة عليا

محمد: ﻋﺎﺩﻱ ﺃﻧﺎ ﻧﻴﺖ ﻛﻨﺖ ﻣﺤﺘﺎﺝ ﻟﺪﻭﺵ
ﺃﻧﺎ : ﺍﻧﺖ ﻻﺑﺎﺱ ﻋﻠﻴﻚ؟
ﻣﺤﻤﺪ : ﺳﺎﻓﺎ ﺍﻟﺤﻤﺪ ﻟﻠﻪ ﻭﺍﻧﺖ؟
انا:حتى انا ﻟﺒﺎس كنعديو و الحمد لله..

شاف لور و تأكد بلي البنات بعاد علينا شوية وهو يقرب مني كثر وقال
_سمحيلي قبيلا تقربت منك بداك شكل وعنقتك..غير كنت كنحاول مانبينش لبنات بلي حنا.. بغيت نقول راكي عارفة هما ما عارفينش داكشي لي بيناتنا.

_عندك الحق.. مابيناتنا والو..ولكن وخا هاكذاك ماكانش عليك تزيد فيه لديك الدرجة.. دابا غيشدو فيا نهار كامل على قبل والو.

ﻭﺻﻠﻨﺎ ﻟﺪﺍﺭ ﻣﺸﻴﺖ ﻧﺒﺪﻝ ﺣﻮﺍﻳﺠﻲ ﺣﻴﺖ ﺗﻔﺰﻛﻮ ﺷﻮﻳﺔ ﻣﻊ ﻃﻴﺤﺔ فالواد وكل مرة كنتفكرها كنضحك حتى كنتفكر داكشي لاخر و كنتغوبش.. يعني هو عنقني وقال ديك الهدرة غير حيت البنات كانو كيشوفو فينا لا غير.. وشنو كان كيسحاب ليك توحشك زعما الحمقة؟

ﺧﺮﺟﺖ ﻋﻨﺪ ﻣﺮﺍﺕ ﻋﻤﻲ ﺯﻫﺮﺓ ﻟﻜﻮﺯﻳﻨﺔ ﻟﻘﻴﺘﻬﺎ ﻛﺘﻮﺟﺪ ﺍﻟﻐﺬﺍ ﺃﻧﺎ ﻏﻴﺮ ﺷﻔﺖ ﺍﻟﻜﺮﻋﻴﻦ ﻭﺃﻧﺎ ﻧﻄﻴﺮ ﺑﺎﻟﻔﺮﺣﺔ ..
ﺃﻧﺎ : ﺍﻟﻠﻪ ﻋﻠﻴﻚ ﻳﺎ ﺃﺣﻠﻰ ﺯﻫﺮﺓ ﻛﺘﻮﺟﺪﻱ ﺃﺣﻠﻰ ﺃﻛﻠﺔ ﻋﻨﺪﻱ ﺑﻼﺗﻲ ﻧﻌﺎﻭﻧﻚ
ﺯﻫﺮﺓ : ﺭﺍﻩ اسماعيل‏( كتقصد ﺑﺎﺑﺎ ‏) ﻟﻲ ﺟﺎﺑﻬﻢ ﻋﻠﻰ ﻗﺒﻠﻚ ﺣﻴﺖ ﻛﻴﻌﺮﻓﻚ ﻛﺘﻤﻮﺗﻲ ﻋﻠﻴﻬﻢ.

ﺃﻧﺎ : ﺍﻟﻠﻪ ﻳﺨﻠﻴﻪ ﻟﻴﺎ بابا حبيبي.. ﺍﻩ ﻓﻜﺮﺗﻴﻨﻲ ﻓﻴﻦ ﻣﺸﺎﻭ ﺑﻌﺪﺍ ﺑﺎﻧﺖ ﻟﻲ ﺩﺍﺭ ﺧﺎﻭﻳﺔ؟
ﺯﻫﺮﺓ : ﻣﺸﺎﻭ ﺑﻜﺮﻱ ﻋﻨﺪ ﺟﺪﺍﻙ ‏ ﺣﻴﺖ ﻣﺮﻳﻀﺔ ﺷﻮﻳﺔ ﻫﺎﺩ ﺍﻟﻴﺎﻡ ﻭﻏﻴﺘﻐﺪﺍﻭ ﻋﻨﺪ ﺧﺎﻟﻚ ﺣﻤﺰﺓ نيت قبل ما يجيو

ﺃﻧﺎ : ﻣﺎﻝ ﺟﺪﺓ ﻣﺴﻜﻴﻨﺔ ﺃﻧﺎ ﻣﺎﻓﺮﺍﺳﻲ ﻭﺍﻟﻮ ﻭﻋﻼﺵ ﻣﺎﺩﻭﻧﻴﺶ ﻣﻌﺎﻫﻢ؟ .
ﺯﻫﺮﺓ : ﺻﺎﻓﻲ ﺩﺍﺑﺎ ﺩﻳﺮ ﻻﺑﺎﺱ ﺇﻥ ﺷﺎﺀ ﺍﻟﻠﻪ ﺑﻼ ﻣﺎﺗﺸﻮﺷﻲ ..

ﺗﻘﻠﻘﺖ ﺑﺰﺍﻑ ﻋﻠﻰ ﺟﺪﺓ ﺣﻴﺖ ﻣﺴﻜﻴﻨﺔ ﺻﺤﺘﻬﺎ ﻋﻠﻰ ﻗﺪ ﺍﻟﺤﺎﻝ ﻭﺷﺤﺎﻝ ﻣﻦ ﻣﺮﺓ ﻧﻌﺴاﺖ ﻓﺎﻟﺴﺒﻴﻄﺎﺭ ﻭﻛﺎﻧﺖ ﻏﺘﻤﺸﻲ ﻓﻴﻬﺎ ولي زاد حيرني هو علاش مشاو بلا بيا.
ﻋﺎﻭﻧﺖ ﺯﻫﺮﺓ ﻭﺧﻠﻴﻨﺎ ﺍﻟﻐﺪﺍ ﻛﻴﻄﻴﺐ ﻭﺟﺒﺖ ﺍﻟﺨﻀﺮﺓ ﻧﻮﺟﺪ ﺍﻟﺸﻼﺿﺔ . ﺷﻮﻳﺔ ﺑﺪﺍ ﺗﻴﻠﻴﻔﻮﻧﻲ ﻛﻴﺼﻮني  اﻟﻨﻤﺮﺓ ﻣﺎﻛﻨﻌﺮﻓﻬﺎﺵ ﺃﻭﻝ ﺣﺎﺟﺔ ﻃﺎﺣﺖ ﻓﺒﺎﻟﻲ ﻫﻲ ﺟﺪﺓ ﺟﺎﻭﺑﺖ ﺩﻏﻴﺎ .. ﺃﻟﻮ
: ﺍﻟﻮ ﺃﻣﻞ ﻫﺪﺍ ﺃﻧﺎ ﻣﺤﻤﺪ ﻋﻔﺎﻙ ﺍﺟﻲ ﻋﻨﺪﻱ ﻟﺒﻴﺖ...