لهيب الحب

11

الحلقه الحادية عشر 
من قصة لهيب الحب

وبعد ما اتفقوا جميعهم على مساعدة اسيل وتحدثوا بشأن كيفية مساعدتهم لاسيل ثم قاموا بمغادرة المطعم وبكل منهم مشاعر مختلفه  حيث محمود بداخله مشاعر خوف ممزوجه بحب لاسيل وكذلك سندرا فهى تفكر فى رفيقة عمرها وخوفها عليها ومحمد يشعر بالطمأنينه لما اتفقوا عليه ثم ذهبوه الى بيوتهم
*فى بيت اسيل
ام اسيل :ايه يا قمر زعلانه ليه
اسيل :هو بعد الى بابا قاله يبقى فى حاجه تفرح
ام اسيل :ماانتى الى غلطانه يا اسيل هو ينفع تخبى علينا كل المصايب دى
اسيل :يا امى والله انا خبيت علشان انا خايفه عليكم  ومش عايزاكم تزعلوا
ام اسيل:لا مينفعش انتى بتنا يعنى حته مننا وكنتى لازم تقولى بدل منعرف من الغريب
اسيل :والله يا امى كانت نيتى سليمه وكان كل همى انكوا متزعلوش
ام اسيل :خلاص الى حصل حصل والقرار الى ابوكى اخده ده قرار صح وانا واثقه من ده كويس
اسيل :اكيد يا امى كل القراات الى  بابا بياخدها  صح بس انتوا مش فاهمنى خالد ده باعتبره زى اخويا مش اكتر ولا اقل
ام اسيل :بصى يا اسيل ابوكى بيخاف عليكى اكتر من نفسيك  واكيد اخد القرار ده بعد تفكير كتير وبعدين خالد شاب كويس ومسيريك هتعرفيه ومش بس كدا دنتى مش هتعرفى تستغنى عنه كمان
ثم قامت ام اسيل من مجلسها لتغادر غرفة ابنتها
اسيل :بس يا ماما
ام اسيل :خلاص بقى يا اسيل قومى ياله شوفى وراكى ايه علشان انا ورايا هم  كبير 
اسيل :حاضر ياماما
اسيل فى سرها يووووووووووه محديش راضى يفهمنى
ومرت الايام  ويبقى الحال كما هو عليه حتى  جاءه يوم الخميس
************* يوم الخميس*******
يوم الخطوبه
قرب المغرب والمعازيم  تاتى واصبح البيت ملئ بالناس والانوار والزراغيط تملئ البيت فرحانين بخطوبة اسيل فهى ابنتهم الكبرى والمحببه اليهم  وسندرا تجلس مع اسيل ولكن الخوف على وجه سندرا كأنها تفكر فى شيئا ما
واسيل ملئ بالحزن لانها لا تحب خالد ولا تشعر بشئ تجاه
واتى معازيم العريس الى بيت أسيل وامتلأ البيت بالزراغيط اكثر فاكثر فى انتظار خروج أسيل حتى تلبس شبكتها  وتصبح علاقتهم رسمى  قدام الناس  وخالد يقف على نار  لخروج اسيل  والكل منتظر خروجها
واذ بسندرا تفتح الباب لكى تخرج اسيل ولكن المفاجاه بجمال اسيل  غطى على  كل الحاضرين  حيث كانت تلبس فستان لونه نيلى فاتح  من الشفون المنسال بكسر  به الماسات من ناحية الرقبه ملموم الفستان من الخصر بشريط  ستان لونه نيلى اغمق من لون الفستان  والطرحه من الحرير الامع لونها نفس لون شريط الستان الى فى الفستان  وعليه تاج رقيق من الورد الذى يجمل رأسها وصندلها الفاضى الهادى نفس لون الماسات 
وجسمها الرشيق مثل عارضات الازياء ومكياجها الرقيق وعطرها الفياح ولكن يقف امام  هؤلاء وجمالها الظاهرى حزنها الداخلى بكل ما يسير ولكن ليس بايديها شئ لكى تفعله
ويراها خالد اثناء خروجها من غرفتها  ويقف وعينه ملئ بالحب الشديد لها  وبجمالها  فهو لم يرى مثل جمالها ثم اندفع اليها لياتى بها تحت نظر الحاضرين ولكنهم يعذروه لجمال اسيل الزائد فهم لم يروها بمثل هذا الجمال من قبل
خالد بلهفه :آآآآآآآآآآسيل
اسيل ترفع راسها له ولكنها لاتتحدث معه فهى ملئ بالغضب تجاه خالد ونظرت له نظرت كره كأنها  تقول له انت شخص انانى ومعندكش دم وبتستغل الظروف وانها مبتكرهيش حد قد ما بتكره
خالد بلهفه وحب بصوت منخفض :ايه الجمال ده كله يا اسيل  تعرفى انا عمرى ماشفت جمال يقارن بجماليك  حتى القمر لو جاه يتقارن صدقينى ينشق لجماليك
اسيل بغضب:شكرا وبعدين انت.....
سندرا :اسيل مش وقته  دلوقتى ياله روحى علشان كله بيبص علينا 
ثم ذهبت اسيل لتجلس بجانب خالد واجلسها خالد بعين مليئه بالحب
سندرا:تقف خائفه فهى تنتظر قدوم محمود ومحمد على نار من اجل انقاذ صديقة طفولتها
واسيل تنظرالى صديقتها بحزن فهى تكره خالد ونظرتها مليئه بالمشاعر الحزينه وسندرا تحاول بقدر الامكان تتلاش نظرات اسيل حتى لاتجعلها تسوء اكتر 
ويقطعهم صوت مش ياله نلبس الشبكه  بقى الوقت اتاخر
خالد :ايوه والله معاك حق ياله نلبس الشبكه
وقع هذا الكلام على اسيل  وسندرا كالصاعقه اسيل تتخيل بدمار حياتها وسندرا تدعى ربها بان ياتى محمد ومحمود لكى ينقذو اسيل
ثم جلب خالد الشبكه واخرج منها دبلة الخطوبه لكى يضعها بين صوابع اسيل الرقيقه
خالد: اسيل هاتى ايديك البسيك الدبله
اسيل :تعمل نفسها مش سمعه وتتحدث مع سندرا
ام اسيل :ااسيل خالد بيكلميك
اسيل :معليش يا ماما مش واخده بال
خالد بحب :ولا يهميك يا قلبى  هاتى ايديك
ويلتقط خالد الدبله ليضعها بايدى اسيل  ويقطعهم صوت رجولى  وهو صوت ابو اسيل
ابو اسيل بصوت عالى :خاااالد ثم يضرب خالد قلم  يصعق كل الحاضرين من هذا المنظر
خالد بخوف :عمى فى ايه انا عملت ايه بس ولسه هيكمل
ابو اسيل :اخرس ومتقولش عمى ولا زفت  انا غلطان انى وثقة بك من الاول
خالد :عمى انا انا
ابو اسيل :اخرس بقى انا عرفت حقيتك كويس
خالد :حقيقتى انا  ثم تفاجاه خالد بوجود محمود  فهو لا يعلم مالذى اتى به الى هنا
ابو اسيل :ايوه انت ثم اخذ يتحدث مع اسيل وسندرا وام اسيل واهل بيته جميعا
*********فلاش بالك********
محمود :عمى ازيك
ابواسيل :انت تانى انا مش عايز اشوف وشك تانى
محمود :عمى انا عارف انى غلطان  كتير كمان  بس انا ندمان والله
ابو اسيل :مايهمنيش ووسع من طريقى  احسنلك
محمود :عمى والله انا زعلان ومكسوف من الى عملته مع اسيل  وهى متستهليش كدا
ابو اسيل :طب ماشى وسع بدل ما اخلى الناس مش عارفه تشيلك
محمود حقك يا عمى  تعمل فيا اكتر من كدا كمان 
ابواسيل :يشعر بان محمود ندمان فعلا عن فعلته ولكن كرامة ابنته لاتهون عليه لكى يسامحه
محمود :عمى فى موضوع مهم لازم اتكلم معاك فيه
ابو اسيل :بقوليك ايه مفيش مواضيع ولا حاجه بينا انا معرفكش اساسا
محمود:عمى الموضوع مهم ويخص اسيل
يقف ابو اسيل وينظر له نظرة غضب :انا مش عايزك تجيب سيرة بنتى على لسانك تانى انت فاهم ولا
محمود: عمى الموضوع بجد مهم ويخص مستقبل اسيل  علشان متندمش فى المستقبل على قرار يخص اسيل
ابو اسيل :اسيل دى بنتى وانا عارف مصلحتها كويس
محمود متجاهل كلام ابو اسيل بص يا عمى انت لازم تيجى معايا دلوقتى
ابو اسيل :انت عبيط روح يابنى وسبنى اروح اشوف شغلى  النهاردا خطوبة اسيل  فلوسمحة  حل عن دماغى
محمود :انت لازم يا عمى تعرف الحقيقه
ابو اسيل :حقيقة !!!!!!!! حقيقة ايه ؟
محمود :تعالى يا عمى وانا هقولك على كل حاجه فى السكه
ابو اسيل :انت عارف لو طلع الموضوع تافه ولا بتهرج انا هعمل فيك ايه
محمود :صدقنى ياعمى هتعرف كل حاجه
ثم ذهبوا كل من محمود وابو اسيل الى السياره ثم غادروا المكان
#فى السياره#
ابو اسيل :قول بقى فى ايه
محمود :هقولك يا عم  ثم حكى له محمود كل مايخص حادثة اسيل  وعلى حكاية ماهيتاب وانها  اصطدمت اسيل بسيارتها  وحكى له عن خالد  ان كل مايهمه هو ان يتملك اسيل وانه شخص انانى وومش بيفكر غير فى نفسه
ابو اسيل : وقف العربيه  ونزلنى
محمود :عمى 
ابو اسيل :سمعت بقولك ايه وقف العربيه  انت جايبنى هنا علشان تكلم عن خطيب بنتى الكلام ده  وبعدين خالد شخص كويس
محمود:طب يا عمى انت مش مصدقنى تعاله وانا هخليك تشوف وتسمع كل حاجه
ابو اسيل :عارف لو طلع كل ده كذب صدقنى مش هخليك تتصور انا هعمل فيك ايه
محمود :حقك يا عم
ثم غادرو بسيارته  الى ان وصلوا الى المطعم الذى حدث امامه حادثة اسيل 
ابو اسيل :ادينا  جينا فين بقى شوفت انك واحد عديم الاحترام و....
محمود :استنى بس يا عم دقيقتين
واذا يلفت انتباه ابو اسيل  قدوم خالد  ثم يختبئ كل من محمود وابو اسيل  واذا بماهيتاب تاتى ايضا لتقابل  خالد 
محمود:بص يا عمى دى ماهيتاب الى خبطت اسيل بالعربيه 
ابو اسيل :ايه
محمود: استنى يا عمى واسمع كويس بس
خالد يوقف ماهيتاب  ويتحدثوا بصوت عالى 
خالد : انا مش قولت انا مش عايز اشوف وشيك تانى احمدى ربنا انى مبلغتيش البوليس لما ضربتى اسيل بالعربيه
ماهيتاب :نعم يا خويا  انت نسيت ولا ايه وبعدين لو كنت ناسى افكرك دحنا مرتبنها مع بعض علشان تخطبها وبعدين فاكر
&& فلاش بالك &&
ماهيتاب :انت خالد
خالد:ايوه
ماهيتاب :مش انت بتحب اسيل
خالد بغضب :ايوا بس انتى عرفتى منين
ماهيتاب :ملكش دعوه انا عرفت منين المهم انت مش عايزها من نصيبك
خالد بلهفه :ايوه طبعا
ماهيتاب :بص محمود ده حب حياتى طبعا فاهمنى  واحنا عندنا مثل يقول ايه ما بحبه الا بعد عداوه
خالد:طب وايه الى فايدنا نعمله
ماهيتاب اكيد فى حاجه ممكن نعملها
خالد بخبث :انا عندى فكره انتى تروحى لاسيل وتزعقى معاها وتقوليلها ملكيش دعوه بمحمود وده يبقى قدام الناس علشان متحوليش تفكر فيه تانى  مع انى هبقى زعلان عليها بس كله علشان حياتنا تهون
&&رجوع&&
خالد:ايوا انا عارف كل ده  حصل ومش لازم تفكرينى
ماهيتاب :لا لازم افكرك علشان المسؤليه متجيش عليا لوحدى
خالد :بس انا مقولتيش تضربيها بالعربيه  عارفه لو كان حصلها حاجه صدقينى مكنتيش هسيبيك
ماهيتاب :اهو محصلهاش حاجه
خالد:وبعدين مش كل شويا رسايل علشان تشوفينى وبعدين النهارده خطوبتى ولا نسيتى
ماهيتاب :انا !!!!!!!! وبعدين انت الى بعت  الرساله
خالد :لا انا مبعتيش اى رساله
وشعر كل منهم بخوف وذهبوا سريعا
ولكن يقف ابو اسيل فى صاعقه من هول ما سمعه وحاول ان يذهب الى خالد ليعرفه مقامه كويس ولكن اوقفه محمود
ابو اسيل :لازم اعرف الندل  ده امته
محمود:عمى مش وقته  دلوقتى ياله قبل شبكة اسيل
ابو اسيل :ايوا يا بنى معاك حق
**************رجوع *************
ابو اسيل :عرفت حقيقتك كويس  وانك شخص واطى بمعنى الكلمه
خالد: عمى صدقنى انا عملت كدا علشان بحبها
ويتفاجاه الجميع بقلم  على وجه خالد من اسيل
اسيل :ده حاجه بسيطه من الى عملته معايا وصدقنى رحمك انك فى بيتى والا كان هيبقى ليا تصرف تانى
ثم التفتت اسيل الى محمود متجاهله كلام خالد 
اسيل :جميلك ده مش هعرف اردهولك ازاى
محمود بحب :ولا جميل ولا حاجه انتى طيبه وتستهلى كل خير
وبعدين انا مكنتيش لوحدى انا كان معايا سندرا ومحمد وكان كل واحد ليه مهمه
اسيل:شكرا جدا والشكر ميكفيش  بس انتوا عرفتوا منين موضوع ماهيتاب  وخالد وعملتوا كل حاجه ازاى
محمود :بصى بقى ياستى انا هحكيليك كل حاجه