قصه لهيب الحب
الحلقه التاسعه والعشرين
بتمنى تعجبكم ومستنيه تعليقاتكم وملاحظاتكم وتشجعيكم _____________________________________________
فهم الدكتور مقصدها
الدكتور بابتسامة: انا فهمت قصد حضرتك
الانسه اسيل والانسة سندرا ذي ما هما، مفيش حاجة حصلت لهم كانت محاوله اغتصاب، والحمد لله انهم اتلحقوا في الوقت المناسب الا اذا كان لقدر الله حصلهم اغتصاب فعلا
والدة اسيل: يعني هما محصلهمش اغتصاب
الدكتور: حضرتك دي كانت محاوله بس
لكن لو كنا انتظرنا شويه كانت محاولتهم نجحت واغتصبوا فعلا لكن الحمد لله ربنا ستر
والانسة اسيل الدم اللي كان علي جسمها علشان هي اتعرضت للضرب ونزفت دم كتير
فرح الجميع بان الفتاتان بخير ولم يحدث لهما اي مكروه
وذهب محمد ومحمود وباقي الرجال الي المسجد لصلاة ركعتين شكر لله لسلامتهم
______________________________________________
بعد ساعه.....
جاءت الممرضة وقالت ان اسيل وسندرا سوف يتم نقلهم الي غرفه عاديه
فطلب الجميع ان ينتقلوا الي نفس الغرفه حتي لا يفترقوا
_______________________________________________بعد وقت قليل _
تم نقلهم الي غرفه عاديه
واطمئنوا الجميع علي سندرا واسيل ماعدا محمد ومحمود الذين خجلوا من زوجاتهم علي ما اصابهم
وكان يجب عليهم ان يحموا زوجاتهم من اي شر واي اذي
والد اسيل: حمد لله على سلامتك يا حبيبه بابا انتي وسندرا حبيبتي كمان
اسيل: الله يسلمك يا بابا
سندرا: الله يسلمك يا عمو
اسيل: بابا هو محمود فين انا مش شايفاه
سندرا: ومحمد كمان فين يا عمو
دخل محمود ومحمد عندما سمعوا زوجاتهم تسال عنهم
محمود: انا موجود
ثم وصل الي سرير اسيل وجلس عليه وامسك يدها وقبلها
وقال: الف سلامه عليكي يا قلب وعقل وروح وحياه وعمر محمود
اسيل بابتسامة: الله يسلمك يا حبيبي
محمود بحزن: انا اسف يا حبيبتي علي كل اللي حصلك وانا السبب كان المفروض احميكي وو
قاطعته اسيل ووضعت يدها علي فمه
اسيل بابتسامة: متلومش نفسك يا حبيبي، انا الحمد لله كويسه
وتوجه محمد الي سندرا وجلس علي الكرسي امامها ثم امسك يدها وقال: سندرا حبيبتي انتي كويسه
سندرا: الحمد لله انا كويسه كده يا محمد المفروض اول لما افتح عيني القيك قدامي، انا زعلانه منك
محمد بحزن: مقدرتش اوريكي وشي بعد اللي حصل
قاطعته سندرا: حبيبي متقولش كده انا كويسه دلوقتي الحمد لله
والد سندرا: احم احم طيب احنا هنقف بره عقبال ما تخلصوا
ابتسم محمود واسيل ومحمد وسندرا علي ان الجميع فضلوا ان يتركوهم بمفردهم
محمود: قومي بقي يا سيلا عايز اتجوز
ابتسمت اسيل بخجل
محمود بخبث: بس واضح انك داخله علي طمع في الجوازه دي
اسيل باستغراب: ليه بتقول كده
محمود بخبث: علشان طمعتي في القميص بتاعي وخطفتي قلبي كمان
نظرت اسيل الي ملابسها فوجدت انها ارتدت قميص محمود وتذكرت ما حدث
اسيل بخوف: محمود هو ايه اللي حصل
محمود: متقلقيش مفيش حاجه حصلت، انتي وسندرا ذي الفل وكويسين اوي
اسيل بارتباك: يعني احنا كويسين مفيش اي حاجه
اقترب منها محمود ونام بجانبها علي السرير واخذها بين احضانه
وقال: انتي بتاعت محمود وبس ومحدش هيلمسك غير محمود وبس
خجلت اسيل كثيرا من كلامه ودفنت راسها في صدره
وسط ضحكاته العاليه
ضحك محمد وسندرا علي كلام محمود لاسيل
سندرا بضحك: اسيل يا عيني بقت طماطميه من الخجل
محمد فعلا ثم اكمل: سندرا حبيبتي انتي كويسه ومفيش حاجه حصلتلك انتي او اسيل وده مش كلامنا ده كلام الدكتور
سندرا: الحمد لله
محمد بخبث: يالا بقي علشان نعمل فرح كبير اول لما تخفوا علي طول ثم غمز لها بعينه
ابتسمت سندرا بخجل
في هذه اللحظات دلف الي الغرفه خالد بعد ان طرق الباب
خالد: حمد لله علي سلامتكم يا بنات
اسيل وسندرا بصدمة: خااااالد
ضحك محمود: ايوه خالد بس مضروب علقه موت فمتغير ملامح وشه
اسيل: خالد ايه اللي عمل فيك كده
خالد: ده موضوع كبير اوي خلي جوزك يحكيلك
سندرا: بس انت عرفت منين ان احنا هنا
خالد: جوزك هيحكيلك يا سندورتي
محمد بغيظ: ايه الدلع ده ما تحترم نفسك
ضحك الجميع
اسيل : شكلكم كده اتصلحتوا
محمود: ايوه يا حبيبتي: بصراحه خالد وقف معانا وساعدنا اننا نلحقكم
وحكي لهم محمود ما حدث وما فعله خالد معهم
سندرا: مش عارفين نقولك ايه يا خالد شكرا بجد وده اقل شئ نقدر نقولهولك
اسيل: شكرا يا خالد، انا النهارده اتاكدت انك كنت تستحق فرصه تانيه علشان تكون انسان جديد
خالد بابتسامة: ايه يا جماعه متقولوش كدا انتوا اخواتي وكمان محمد ومحمود بقوا اصحابي
انتوا عيلتي اللي انا اتحرمت منهم بجد وبتمني تسامحونا
اسيل سامحيني علي اللي عملتوا معاكي انا اسف
اسيل بابتسامة: خلاص يا خالد انا سامحتك من زمان ومش انت قولت انك هتبقي اخويا وانا بعتبرك كدا
محمود بمرح: خلاص بقي ايه الجو الحزين ده
ثم سمعوا دقات علي الباب فقام خالد بفتح الباب
ثم انصدم عندما راء فتاه اقل ما يقال عنها انها قطعه من القمر بشعرها الطويل الناعم وعيونها البني الفاتح وبشرتها البيضاء وخدودها الحمراء وملابسها التي تاثر كل من يراها
الفتاه: هاااي
ولكن خالد لم يرد وكانه في عالم اخر
الفتاه: يا استاذ انت، شايفني
خالد:...........
الفتاه: يا ربي يا محمود، محمد
استغرب محمد ومحمود ان هناك احد ينادي عليهم
ثم توجهوا الي الباب واصابهم الدهشة
محمود ومحمد بصدمة: لميس
_____________________________________________
بتمني اعرف رايكم وتعليقاتكم ونقدكم على الحلقه 😃
أنت تقرأ
لهيب الحب
Romanceالحكايه بدات بكوب قهوة انسكب علي ملابسه وانتهت باشد انتقام اللهيب في جوفهم يشتعل من شدة العشق ولكن هل يدوم طويلا اما للقدر راي اخر اما يحدث مالا في الحسبان انه اللهيب.. لهيب انتقام.. لهيب عشق.. لهيب الحب والانتقام سوف يسمح للعشق بان يسري في ع...
