لحلقه التانيه من قصه لهيب الحب
محمود في بيته :
الام(نهال):مالك يا محمود
محمود:حصل موقف كده ضايقني
نهال: موقف ايه؟
محمود:موقف كده مع بنت في كليه الطب
نهال بتعجب: مين؟ البنت اللي قدرت تقف قدام ابني حبيبي دي. اكيد معجزة
محمود: عندك حق دي لسانها طويل ومهمهاش جذابيتي. والبنات اللي كان عنيهم عليه
نهال: وايه الموقف
حكي محمود ما حدث معه ومع اسيل
نهال: الله.؟ ايه البنت دي.؟دي شكلها بنت راجل
محمود: راجل ايه دي مش بنت أساسا. دي فعلا راجل ده كفايه أسلوبها
نهال: ليه راجل؟ هي شكلها عامل ازاي
محمود: عيله كده مسلوعه ومستفزه
نهال في نفسها: دي شكلها هي اللي هتربيه بس انا لازم أتعرف عليها
محمود: ماما ماما فينك، روحتي فين
نهال: معاك يا حبيبي. روح انت خد شور وتعال عقبال ما محمد اخوك يرجع من المكتب
محمود: اه صح هو محمد اتاخر ليه النهارده
وفي أثناء حديثهم قاطعهم دخول محمد
محمد: مين اللي جايب في سيرتي
محمود: انا اللي جايب في سيرتك كنت بسال عليك. اتاخرت ليه النهارده
محمد: ازيك يا أمي عامله ايه. ويقبل يدي والدته
نهال: ازيك يا حبيبي. اتاخرت ليه
محمد: كأن عندي شويه شغل في المكتب وعندي قضيه صعبه
محمود: قضيه صعبه؟ هي في قضيه تقف قصاد محمد الديب بردوا
محمد: هههههههه لا طبعا بس هي قضيه رجل أعمال مهمه ومحتاجه تركيز
محمود: ربنا يقويك
محمد: مالك يا عم اول مره اشوفك قدامى عامل كده
محمود: مفيش مضايق شويه
محمد معقوله حوده ملك الفرفشة مضايق طب ازاي؟
نهال: أصل في بنت عملت موقف بايخ معاه
ثم تركتهم نهال وذهبت إلى المطبخ
محمد بدهشه: ايه بنت؟وعملت موقف بايخ معاك.؟ مين دي؟
محمود: اه بنت في كليه الطب بس مش بنت دي مسترجله كدا
ثم حكي له ما حدث
محمد: اوبااااااا ههههههههه واضح أنها هتربيك و شكلها علمت عليكي اوى
محمود في نفسه: والله ما هسيبها. وهعرفها ازاي تعمل معايا انا كده
محمد: ايه احوده روحت فين؟ أنا لازم اعرف البنت الجامده دي اللي قدرت تعمل كدا
محمود بغيظ: عادي أعم مش جامده ولا حاجه
انا هخليها تيجي تتحايل عليا علشان اسامحها
محمد: لالا يا عم دي بنت بردوا وليها احترامها ولا نسيت الاحترام اللي ابويا وأمي علمهولنا
محمود: لالا ما نسيتش ولا حاجه، أبوك قضى عمره كله بيعلمنا الاحترام وخلناه بني ادمين ولينا مكانتنا واحتراما بين الناس
محمد: الله يرحمه، كان احن آب في الدنيا
محمود: الله يرحمه، تعالى نقرأ عليه الفاتحة
قام محمد ومحمود بقرات الفاتحه على روح والدهم
محمد ومحمود: صدق الله العظيم
{ثم جائت نهال }
نهال: ايه يا ولاد بتقروا الفاتحه على مين
محمد: على روح بابا يا أمي
نهال: الله يرحمه
محمود: ايه يا جماعه عايزين تجوعونا ولا ايه، عايزين الأكل
محمد: هامك على بطنك يا اخويا
نهال: يالا يا ولاد روحوا خذوا شاور وتعالوا هيكون الاكل جاهز
# وعلى الجانب الآخر.
عند سندرا ليلا
سندرا تهاتف آسيل على الموبايل
سندرا: ايه يا بنتي فينك.؟محدش شافك بعد ما كنا في الجامعه
اسيل: اسكتي يا سندرا متفكرنيش. ده شكله يوم زفت على دماغه
سندرا بخبث: على دماغ مين بالظبط
اسيل: قصدي الزفت اللي اسمه محمود اللي في كليه الصيدلية
سندرا بخبث: كمان فاكره اسمه بس حوده أحلى
اسيل بغضب: سندرااااا اسمه الحيوان، الزفت، الواطي
سندرا بضحك: خلاص خلاص موقف وعدي
علقوا على الفقرات♥♥
أنت تقرأ
لهيب الحب
عاطفيةالحكايه بدات بكوب قهوة انسكب علي ملابسه وانتهت باشد انتقام اللهيب في جوفهم يشتعل من شدة العشق ولكن هل يدوم طويلا اما للقدر راي اخر اما يحدث مالا في الحسبان انه اللهيب.. لهيب انتقام.. لهيب عشق.. لهيب الحب والانتقام سوف يسمح للعشق بان يسري في ع...
