قاسي على ولده و مشي حنين فيه قاله يا ريتك مت مع امك و تهنيت منك قاله دايما فاضحني و دايرلي المشاكل ياك راه عندك كلشي اخر السيارات الدراهم في الكونت ما خصك والو عللاه متعبني رضا كان جامد في بلاسته و متحركش حتى وجهو كان جامد و ابوه يضرب فيه بالحزامة و لكن هوا مدار حتى تعبير في وجهو قاعد مربع ايديه نورمال موالف يضربه بالحزامة حتى عيا باباه من الضرب وحبس نطق رضا قاله كملت وقف قاله انو انت عمرك ولا حسيت بيا و لا عطيتني حنان ماتت يما و كنت صغير و عمرك ولا سلمت عليا و لا ضميتني بين ذراعك دراهمك ميصنعوش حنان الوالدين ولا السعادة تشوفني ولامتشوفنيش عندك كيفكيف متحوس عليا ولا تعرف واش بيا لاهي غي بخدمتك و سمعتك عمرك خممت علاه كنت ندير المشاكل كنت نديرهم بلعاني باش دجي لعندي و تحكي معايا حتى و لو كان عتاب و ضرب المهم نشوفك انت لوكان منديرش هك متحوسش عليا يا لوكان عامين متسمعش خباري و متشوفنيش متديهاش فيا ... بابات رضا اندهش من اقواله عمرو ما صارحو و لا حكا معاه هكذاك ولكن مأثرش فيه كلام ابنو الوحيد و قعد قاسي عليه الغدوى منذاك و في الصباح الباكر بابات رضا لغى لبابات نور و قالو خص ضروري يجي يحكي معاه و انو الا تهور و فضح ابنو رح يدمر بنته معاه قاله انو عندو الحل الامثل بابات نور قتنع و قال انو راه رجعله عقله و ضميره انبه ... مشى لعنده للشركة كيما وصاه هو دخل للمكتب نتاعه شعله أوغديناتوغ و شاف فديو نتاع بنته راقدة في الفراش بدون ملابس هو هنا عينيه وساعت و جبد بابات رضا من عنقه و قاله جبتني باش توريلي الفضيحة و كاميريتوها اون بلوس والله ما تحشم طلعت اوسخ من ولدك بابات رضا ضحك ضحكة صفرة قاله متفضحش ولدي وش عمل متوصلش للفايسبوك صور بنتك وانا عندي الدراهم و نشري المحكمة و لابوليس و قاع لي تاكل عليهم ولدي ما يعملولو والو شوف نتا بنتك كيف تصبح اذا مقتلتش روحا مل فضيحة بابات نور شاف فيه قاله قولي تاني تقدر تشري ربنا العالمين حسبي الله و هو نعم الوكيل و خرج و سلم امره لله لانو هو انسان بسيط و ميقدرش لهيك وحوش خرج ماشركة و قلبه وجعه شد في قلبه و طاح داوه ناس لي شافوه طاح للسبيتار مي مقعدش بزاف و مات إثر ازمة قلبية من الصدمة المسؤولين في السبيتار لغاو لمامات نور و جاو كامل فاميلتو ودعوه و سلمو عليه إلا
أنت تقرأ
انتقام بريئة
عاطفيةانتقام بنت من مغتصبينها حسب توقعاتها و لكن في الأخير كل شيء يبنقلب على عاقبيها ، هل من الممكن كل شيء كان غلط من الأول لنكتشف ذلك في الحكاية
