بعد اربع سنوات رجعت نور الجزائر وكانت مبدلة تماما حتى امها معقلتهاش كانت صابغة شعرها شاتان و كانت بدلت حتى لون بشرتها ولا اسمر دارته عند ليستيتسيان سلمت على عايلتها لي توحشتها هذه سنين مشفتهمش و راحت لبيتها و شافت مع دارهم و في كل بلاصة تتفكر باباه توحشاتو بزاف و لكن وحشو مكانش يضعفها بالعكس يزيدها قوة و عزيمة باش تكمل انتقامها في الليل بعد ما كملو السهرية مشات نور لشمبرتها و جبدت ورقة و كتبت:
1 _ محمد ادريس
2 _ فيصل بناعوم
3_اياد حسين
4_رضا الهاشمي
كتبت اسامي مغتصبينها و خزنت الورقة تحت ملابسها في الخزانة و رقدت و الصباح كي فطنت دات الطموبيل نتاع باباها الله يرحمه و بدات خطة الانتقام......بدات أولا بمراقبتهم واحد واحد بالتخبية و تشوف وين يمشيو و معامن يحكو واش ياكولو.. عرفت حتى ادق تفاصيل حياتهم قعدت عام هكاك تبحث في حياتهم بالتخبية عرفت نقاط ضعفهم ونقاط قوتهم و بعد عام تحديدا بدات في تطبيق الخطة لي رسمتها بدات اولا باضعفهم لي هو محمد ادريس نعرفكم على الشخصية:
محمد ولد مهووس بالموسيقى و الفن طوايشي و مفعم بالحيوية شباب و عندو ستيل سبيسيال ليه شعرو طويل كيما لي ستار محمد جاي من عائلة متوسطة في المجال المادي هو الوحيد من الأربعة لي غتاصبوها لي متوسط الثلاث الاخرين خانزين دراهم الشىء لي خلاه يحس بالنقص من جيهة صحابه و يخليه مش آلاز كي يكون معاهم هو مفهمهم انو بخير عليهم و كان يخدم صباح و ليل باش يلبس لامارك كيفهم و باش يجدد السيارات كيفهم و كل همو انو يبان كيفهم و ليس اقل منهم الصديق الوحيد لي علابالو بضروفو هو إياد حسين و رح نحكو على اياد فيما بعد اياد كان دائما يعطيه الدراهم و القش و هذا كان يحسه بالنقص اكثر من قبل و لكن كان يقبلهم من عند اياد لأنو بالحق كان هو اقربله من رضا و فيصل و يدير فيه كونفيوص و يخبرش سره المهم كان عنده حياتين حياة الاغنياء و الزهو و البنات و الشيشة و السهرات و عندو حياة اخرى نتاع التمارة الفقر.. نور قراته غاية و قرت تبدى بيه لانو هو الأسهل فيهم للتخلص منه كيما قتلكم محمد كان يخدم في بيدزيغيا بدوام جزئي بعيدة على وين يسكنو باش ميشوفوش صحابو هي قررت تخدم تما و تقرب منو و تنتقم كيما قتلكم المظهر نتاعها بدلاته إكسبري باش ميعرفوها و لكن المشكل انو ميحتاجوش خدامة فقررت تتبع وحدة تخدم تما تبعتها و كان الليل تنكرت فاتت تجري عليها و ضربتها بالموس في ذراعها و هربت الفتاة لي ضربتها نور بعتت للبيزغيا و خبرتهم على الأقغيسيون لي صراتلها و جرحها كان عميق الطبيب قالها اربعة اشهر متخدميش نور اغتنمت الفرصة و دخلت تخدم مع اول طعم ليها........يتبع
أنت تقرأ
انتقام بريئة
Romantizmانتقام بنت من مغتصبينها حسب توقعاتها و لكن في الأخير كل شيء يبنقلب على عاقبيها ، هل من الممكن كل شيء كان غلط من الأول لنكتشف ذلك في الحكاية
