من الجامعة بماستر جابها بامتياز هو حنين و يحب المساكن متواضع و اموالو فانيها في الجمعيات يحب الحيوانات و عندو زوج قطط و زوج كلاب و بروكي و الكثير من العصافير في بيتو هوايتو التنس يحبها و حاب يولي محترف فيها لذالك عندو اكثرية الوقت يفوتو في ملعب التنس عندو أخ أكبر منه يحبو لدرجة الجنون هو متكلف بكلشي باباهم مريض شوية على هاذ الشي اخوه الاكبر دا زمام الامور و تكلف بالعمل باباهم سيايسي كبير و لكن سياسي يتمشى نيشان و كان يوصي ولادو دائما على الصدق و الامانة و على حب العمل و حب الخير للناس علمهم التواضع و كبرهم على حياة البسطاء بابرغم من انو ملياردير هكذاك يحسو بالفقراء علمهم باش يشكرو ربنا على نعمة الرزق لانها مش عند كل الناس يعني رباهم على الدين و يماهم ايضا نعم الام رباتهم احسن تربية المهم إياد ميحبش السياسة يحب يحترف التنس و بس باباه بالرغم انو معارض هذه الفكرة لكن خلاله القرار قاله انك متحترفش التنس إلا ما تكمل الجامعة و دجيب دبلوم و هو معارضش باباه و داله خاطره المهم نور عرفت حياته كيف ماشية كانت تشوفه يساعد المساكن و داخل في ألف جمعية و كانت تراقبو و تشوف تواضعو و حبو للناس هي ضنت انو هذا كامل تمثيليات لأنو بابا و اخوه سياسيين و لازم يحبو الناس فيهم باش الناس تحبهم و تدعمهم ولكن لي راها جاهلاتو نور انو إياد حقيقتو هذيك مش تمثيل هو متربي هيك إياد كان يحب خطيبتو رزان و كان سوريو معاها كانت تلعب التنس معاه كانت شابة و شخصيتها بالضبط كيما شخصية إياد حتى باباها سياسي و هي متحبش السياسة هي تحب الورد و الأزهار و كان عندها بوتيك تبيع فيها الورد و كانت هذيك جنتها كيف مسميتها هي........ خطة نور في هذه المرة تتقرب من خطيبتو ثم من اخوه.... اخو إياد هو نقطة ضعفو كرات اباغتمون قدام المحل نتاع رزان دارت اسم جديد و بدات المهمة راحت عند رزان و قاتلها انا هنا جديدة و شفت الورد ديالك خلاني بلا عقل رزان فرحت تحب لي يحب ورداتها ههه مع العلم انهم جد قلال هه فكانت كل يوم تشري وردة حمرة عليها ولت كل يوم تحكي معاها و تتحجج بانها متعرف حتى احد هنا يوريلها البلاد وأنها تربات في ميتم و معندها حد و قبلوهاش تخدم لانو معندهاش كوارط لقبها x مجهول رزان و بطيبة قلبها قاتلها خدمي معايا في المحل و نتونسو مع بعض قبلت نور لي سمت روحا هذي المرة بحياة....
رزان كانت حنينة معاها بزاف كانت تخرجها معاها تويرلها البلاد كانت رزان كريمة بزاف و كل ما تلقى واحد يطلب تعطيه الف دج نور كانت مشوكية من كرمها و حنانها كانت كي تشوف كلب و لا قلط مبليسي داويه حتى ولاو يجو القطوطة و الكلاب لمحل نتاعها و كانت تعطيهم
أنت تقرأ
انتقام بريئة
Romanceانتقام بنت من مغتصبينها حسب توقعاتها و لكن في الأخير كل شيء يبنقلب على عاقبيها ، هل من الممكن كل شيء كان غلط من الأول لنكتشف ذلك في الحكاية
