و كان يتأمل في كامل تفاصيل وجهي منبعد نطق قالي راني شايفك من قبل انا قلبي بدا يدق خفت يعرفني و لكن مبينتش قلقي و قتله مشكيتش قالي تشبهي لوحدة كنت نعرفها قتله يمكن يخلق من الشبه اربعون جات رزان قالتها متدخلوش تقعدو واقفين منبعد سلمت على خوه و جمعنا قعدو العائلاتين يحكو و انا ساكتة و لي كان مقلقني انو إياد يكون يضحك وويحكي مع الآخرين و كي يشوف فيا يسكت و يبقى يشوف فيا بواحدة النظرة معرفتهاش و لكن لي فهمتو انو راه مشبهني ليا انا لنور و لكن لي خلعني انو اياد كفاش حتى شبهني و عياني بالرغم انو شافني مرة واحدة نهارات كنت نقرى في الليسي و كانو دايرين الرهان عليا ووشكون لي نطيح فيه اياد جا حكا معايا مرة وحدة فقط قالي : انسة ممكن نحكو قتله لا قالي راني انتيغيسي بيك و عاجبتني انا قتله قلت لالا متفهمش ايا مشي عليا قالي ماعليه غي حبيت نوصيك متأمنيش اي واحد يقولك نحبك و راكي عاجبتني يمكن يكون يضحك عليك فقط انا هنا عايرته و سبيته في بالي انا هو كبرياءو جرحو كي رفضتو فقالي هيك بعني مكانش سريو و من هذاك النهار مشفتوش حتى لي شفتو في الفديو الملعون كان داخل للبيت لي فيها انا عريانة فوق الفرش يلعن ألله هذاك اليوم المشئوم......... نور تفكرت العملة هذيك و شعلت نار الانتقام من جديد كانت نسات مهمتها لوهلة معى العائلة الجديدة لي اواتها و لكن اليوم بدات مهمتها كي تلاقت بإياد من جديد......
كملو العشاء و سهرو شوية ام و اب إياد رجعو لبيتهم لانو باباه مريض ميقدرش يسهر بزاف اما إياد و اخوه بقاو لأنو إياد مشبعش من رزان و رزان كذالك امها و ابوها و اخوها طلعو يرقدو و حنا الربعة بقينا رزان دارتنا فلم و قعدنا نتفرجو انا كنت على الفوتوي مقابلة وليد اخو إياد و رزان حذا إياد في الكنبة تفرجنا و جات لقطة حزينة في الفلم و بدات رزان تبكي نطق وليد : صايي بدات النواحة تبكي هههه نطق إياد قاله سيب مرتي تخونكيل خليها تبكي حنينة لحبيب ديالي و عنقها و مسح دموعها و رزان تتغنج عليه و انا نشوف فيهم ملتحت لتحت و نشوف قداشهم يحبو بعض و كفاش راقدة على كتفو و هو معنقها بذراعو قلت في قلبي لوكان منعرفش حقيقتك يا الخداع كون راني آمنت بلي نتا انسان هايل بففف على النفاق و نضت محملتش نزيد نشوفه قتلهم عييت و حابة نرقد قالولي اوكي كيما تحبي و انا طالعة لدرج و كنت نشوف فيهم كيفاش جالسين و إياد شاف معايا و بقى يشوف لين غبرت
في الصباح الباكر جات عندي رزان نوضتني قاتلي نوضي تروحي معايا للنادي انا قتلها واش من نادي قاتلي لي نلعب فيه للتنس انا نروحلو باش نجوز الوقت معا حبيبي إياد راه جاي خوه تاني ي الله شوية نشاط انا فقت لبسن
أنت تقرأ
انتقام بريئة
Romanceانتقام بنت من مغتصبينها حسب توقعاتها و لكن في الأخير كل شيء يبنقلب على عاقبيها ، هل من الممكن كل شيء كان غلط من الأول لنكتشف ذلك في الحكاية
