COMPILATIONS OF SHORT/LONG NOVELS BY LOBP

Your Gift From Heaven by Imeelyn

THIS STORY IS ORIGINALLY WRITTEN BY MARIA IMEELYN ZAMORA :) EXCLUSIVELY UNDER LOVE OUR BLOG POST :)

PAALALA: ANG MGA SALITANG NAKA-ITALIC AY MGA BAGAY NA INIISIP LAMANG NILA, KAHIT NA PARANG NAGSASAGUTAN SILA SA MGA ITO AY HINDI NILA NALALAMAN ANG INIISIP NG ISA'T ISA. LALO NANG HINDI SILA NAKAKAPAG-TELEPATH. :)

Chapter 1 – the meeting

“Tanghali na pala..” ani Jerome nang makabangon ito sa kama. Tinahak niya ang maduming daan ng kwarto niya papunta sa kusina at pumunta sa cabinet para kumuha ng cup noodles.

Ganito na ang naging buhay niya ever since tumuntong siya ng highschool at hindi na siya kailangang pabantayan sa kapitbahay o sa mga tiyahin nito. Pa’no ba nama’y laging wala sa bahay nila ang ina nito. Kumakayod kasi ito ng todo sa ibang bansa para makapag-aral ang anak nito. Ang ama naman niya ay namatay noong bata pa siya dahil sa sakit sa puso.

“Lagi na lang bang ganito.” Nasabi ni Jerome sa sarili nang makaupo sa sofa at mabuksan ang tv, “Wala na bang magbabago..?” nasabi niya habang tinititigan ang litrato ng mga magulang niya sa lamesa katabi ng kinauupuan niya.

“Mamayang alas dies ng gabi ay magkakaroon ng meteor shower na makikita sa ating bansa..” Lumingon si Jerome sa tv para tingnan ang reporter.

“Meteor shower? Maganda yan ah.. Makita nga.”

Pagpatak ng quince minutos para alas dies ng gabi ay umakyat na siya sa bubungan ng bahay nila.

“Ma, makikita mo rin kaya ang meteor shower?” sambit ni Jerome habang nakatitig sa langit. Pumikit ito at nagsabi, “Kelan kaya dadating ang inaasam ko?” Maya-maya ay may bumagsak na malaking bagay sa likod-bahay nila.

“Aba, mukhang spaceship to ah!” wika ni Jerome ng makita sa malapitan ang bagay na bumagsak.

Maya-maya ay may lumabas na babae na may kakaibang kasuotan at bumati, “Hello! Ako si Divina. Ang Goddess of Love.”

Tumawa lamang si Jerome ng napakalakas.

“Bakit? May nakakatawa ba?”

Binigay ni Jerome ang pinakaseryosong mukhang kaya niya, “Dyosa? Anong tingin mo sakin bata? Teka, meron ba ditong camera?” Nagsaliksik ito sa bawat sulok ng likod-bahay nito. Maya-maya ay biglang napansin na lamang ni Divina na nakaangat na ito sa lupa, “WAAAAAAHHHH! Ano to!”

“Ano naniniwala ka na?” pinaikot ni Divina ang kanang kamay nito na nakataas, waring kinokontrol si Jerome kasabay ng pagpapaikot nito ng kamay ay umikot din si Jerome.

“Oo na!! Baba mo na ko! ‘Di ko na kaya.. masusuka na ata ako..”

“Huh? Wala akong marinig e, pakilakas.” Nakangiting sambit ni Divina.

“PLEASE!!!” sigaw ni Jerome..

Ibinaba na siya ni Divina at nagsabi, “Ayan mabait ka naman pala eh. Next time wag mo maliitin kaming mga Dyosa.”

"Bakit ka nga pala biglang bumagsak galing sa langit?" tanong ni Jerome habang pinagiinit ng tubig si Divina.

"Andito ako para maging guardian mo at bigyan ka ng hiling!"

"Di ko kailangan non."

"Ha? bakit naman? Ayaw mo makuha ang bagay na gusto mo?"

"Basta."

"Ehhh...! kailangan kong isakatuparan ang iyong hiling kahit isa lang!"

"Next time na lang pag meron na kong naisip." sabi ni Jerome habang binibigay ang cup noodles kay Divina.