المشاغبة "الجزء التاني"

هفضل وراكوا!

| حسين | ..

دخلت غسلت ايدي و عدلت هدومي و بتاع و خرجت برة اشوف رناد .. لقيتهاا بتبص وراها كدة ناحية الباب بتاع المطعم .. رحت قعدت قدامهاا ..

حسين : مالك يا حبيبتي؟

رناد : مفيش بس زهقت ف كنت بتفرج علي الناس .. *لحظة صمت* حسين هو احناا مينفعش نرجع؟ زهقت بصراحة !!..

حسين : رناد في ايه؟ انتِ متغيرة اوي من إمبارح و مش راضية تحكيلي حاجة !! انا خايف عليكي علي فكرة من طريقتك ديه !! احكي ..

رناد : طب لماا نروح طيب هبقي احكيلك !!

حسين : طيب يلا ..

رناد : هدهل افسل ايدي و جاية ..

قامت غسلت ايديهاا و انا مش فاهم حاجة .. اتغيرت اوي من إمبارح!! اكيد مريم عملتلهاا حاجة!! انا عارف انهاا مش هتجبها لبرة !!
رناد رجعت .. اخذتهاا و رجعنا اوضتناا .. مش هنخرج النعاردك من الاوضة شكلناا ..

| رناد | ..

بصيت الناحية التانية لقيت مريم قعدت في وشي مكان حسين ..

مريم : ايه اتخضيتي؟ احسن !! اعملي حسابك علي كدة علي طول بقي !! اصلي هعيشك في جحيم يا حلوة !! عشان بعد كدة تبقي تأخذي واحد قد ابوكي و مش ليكي اصلاً !!

رناد : ليكي فيه؟ انا بحبه و هو بيحبني .. فكك مننا بقي لو سمحتي !!

مريم : علي جثتي !!

و فجأة موبايلهاا رن ..

مريم : الوو !! انتَ متخلف يا ياسر؟ انا قلتلك تعمل كدة؟ بتتصرف من دماغك!! انا جيالك حالاً !! .. *قفلت السكة* كان نفسي القاعدة تطول .. بس صدقيني .. حسين هيبقي ليا انا في الاخر ..

و ضحكت ضحكة مستفزة كدة و بعدين مشيت .. فضلت عيني عليها لحد اما خرجت من باب المطعم .. ديرت وشي لقيت حسين قاعد مكانه ..
طبعاً عايزني احكي !! خليته يروحناا الاول و بعدين ابقي احكيله ..

حسين : روحناا اهووه ممكن بقي تقولي في ايه؟

رناد : *حكيتله كل حاجة* .. و انا خايفة تأذيك .. مش مهم اناا .. المهم انتَ صدقني ..

حسين : و انا و انتِ واحد .. مينفعش نعيش منغير بعض .. احنا لازم نعمل اي حاجة عشان تبعدناا من دماغهاا !!

رناد : مريم مش هتبعد عنا غير لما تموت يا حسين !!!