الجزء 4
اوى شنو غنقوليكم دخلت لصالون عندهم حسيت راسي داخلة لشي مجلة ديال عارضي الازياء ناري التتيز لي شفتو جالس عندنا فالصالون عنري شفت كبحالو فحياتي فين يبان شي كمال ولا رودرا ناري ذاك الشي حمقني ويلي ويلي غنتناسبو مع بواكص كبحال هذو مي صبرو شكون هو العريس ميكون غير ذاك المكلظم لي جالس تما ولكن حتى هو بوكوص ناري هاذ الخاي عندها الزهر كيهرس الحجر مي صبري حتى تزوجي و نضبر حتى انا لراسي على شي تتيز بدات واحد المراة كبيرة كتشوف فيا و كتضحك مفهمتش مالها تقول شافت كلون و هو يبان ليا حمزة كيضحك و انا نفهم البلان ولد الطيط عاود ليهم شنو وقع اكيد ماما : هبة بنتي الحبيبة دخلي سلمي على الضياف ناري ماما كتولي ضريفة فجوج حالات نهار يكونو عندنا ظياف مهمين ولا نهار نكون معورة لمها العنين ولكن دابا الحمد الله كدير هكذا غير كاينين الضياف اوى بغيت ندير الاداب مشيت سلمت على ذيك المراة لي هي عمتنا فرح لي من صباح و حنا نسولو عليها و من بعد دزت لبواكص نسلم و نبركك حتى وصلت لذاك الغول ناري سلامة عندو شوفات ديال ثور غينطح حسيت بيه محاملش الجلسة تقول جايبينو بالزز مديت ليه يدي بقى كيشوف فيا عاد سلم عليا تففوووو كرهت نهار لي مديت ليه فيه يديا بوكوص اه ولكن متكبر لا ديزولي هذي منستحملهاش حاسب فراسو معرفت شكون غيكون غير هو العريس اويلي غير وجد راسك لي تابعك عمرك حلمتي بيه اذا مخليتش راجل ختي يمشي و هو كيهدر بوحدو منتسماش انا هبة علوي هههههه
سمعت الصوني فالباب مشيت نحل وهيا عيشة و هيا الملك اجيو اجيو تشوفو شنو كنشوف واش هذا انس جان ملاك شنو هذا بالضبط لا لا انا حسيت بقلبي كيضرب يكما الحب من اول نظرة بقيت واقفة كنشوف فيه وحالة فمي ناري ريوكي نزلو مفيقني غير صوت ذاك الشارف لي كان معاه الشارف : بنتي هذي دار سي مروان العلوي انا قاديت حالتي : اه هي هذي تفضلو شفت ذاك البوكوص كيضحك قلت مع راسي واقيلة عجبتو ناري بديت نحلم براسي معاه فالعمارية و الناس كيلوحو عليا الورد حتى جا لي خارج ليا فعودي خويا الحبيب حمزة و فيقني من الحلم الزوين انا : مالك شنو بغيتي ( كنهدر و انا كنبزق ) حمزة بدا يموت بالضحك و كيمسح وجهو من البزاق : ههههههههه شدي فمك ها العار كتقتلي بالضحك يكما خلعتي الناس لي دخلو ناري ضربات ليا طم فراسي البوكوص كان كيضحك عليا مشي كيضحك معايا ويلي ويلي على شوهتك ا هبة ماما : هبة بنتي عيطي لختك نورهان و اجي مشيت نعيط ليها لقيتها كتهدر مع حبيب القلب مولاها حمد حيدت ليها تيليفون و قطعت عليه بدات تغوت نورهان : واش حمقة ولا شنو اري ليا ذاك التليفون انا : لا ماما قالت ليك اجي لصالون نورهان تبدل لونها : واش جاو كاملين انا : وي ومنقوليكش غتدخلي لصالون براسك داخلة للجنة ويلي ويلي واحد ينسيك فلاخور غير تتيز لخوه مي باينة على بوركابي ديالك صعيب اطونسيو منو راه يعرفك كتهدري مع شي حد يقطع لمك رجليك نورهان : كلبة قلبي غيوقف و نتي مكملة عليا انا : ولكن حتى هو تتيز نورهان : الله يعطي لمك العكر لما تسكتي انا : على مك باقة تولد كملات بنتها غتزوج و تنوض هي تولد عصبتها : شوفي شدي ذاك الفم ولا غنكمل على لي بيه درت يدي على فمي و سرطت هدرتي مشينا لصالون دخلات نورهان و العنين كلهم عليها اصلان هي بوكوصة و جات كتحمق بالقفطان البيض فرح : اجي ابنتي جلسي حدايا جلسات مبين الغول و عمتي فرح ناري منين دخلات و هو كيشوف فيها غيكلها بعنيه باينة عجباتو و بزافف و هذا هو المهم اوى خال الغول لي سميتو سيف الدين طلب يد ختي من بابا لولد ختو فرح بحيث باه ميت الله يرحمو اوى داز كلشي بخير ختي بزز عليها وفقات و قراو الفاتحة تافقو على ضريب الصداق و العرس من دابا جوج سيمانات واااااو ممتيقاش ختي غتزوج و اخيرا عندنا عرس فهاذ الدار كلاو الحلوة و شربو اتاي و مشاو بحالهم اما انا مشيت معا بابا لعند الطبيب باش نصوب سنيناتي و خليتهم كيجمعو الروينة ديال الدار
