زوجوني راجل ختي الجزء الاول

17

ﺍﻟﺒﺎﺭﺕ 16 : ﺍﻧﺎ ﻛﻨﺨﻨﺰﺭ ﻓﻴﻪ : ﻋﻤﺮﺍﻥ ﺷﻨﻮ ﻛﺪﻳﺮ ﻫﻨﺎ ﻭ ﻏﻴﺮ ﻋﺮﻓﻮ ﺑﻠﻲ ﺟﺎﻱ ﻟﻌﻨﺪﻱ ﺍﻟﺒﻨﺎﺕ ﻛﻠﻬﻢ ﺗﺠﻤﻌﻮ ﻋﻨﺪﻱ ﺻﺒﺤﺎﻥ ﺍﻟﻠﻪ ﻛﻠﻬﻢ ﻭﻻﻭ ﺻﺤﺒﺎﺗﻲ ﻓﺬﻳﻚ ﺳﺎﻋﺔ ﻟﻲ ﻋﻤﺮﻱ ﻋﺮﻓﺘﻬﺎ ﻛﺘﺠﻲ ﻋﻨﺪﻱ ﻭ ﺗﺴﻠﻢ ﻋﻠﻴﻬﺎ ﺑﺼﻔﺘﻬﺎ ﺻﺎﺣﺒﺘﻲ ﺍﻻﻧﺘﻴﻢ ﻋﺼﺒﻮﻧﻲ ﺍﻟﺒﻨﺎﺕ ﺟﺮﻳﺖ ﻋﻤﺮﺍﻥ ﻭ ﺑﻌﺪﻧﺎ ﺑﻔﻔﻔﻒ ﻭ ﺍﻟﺒﺎﺏ ﺩﻳﺎﻝ ﺍﻟﻠﻴﺴﻲ ﺗﺸﺪﺍﺕ ﻗﺮﻳﺖ ﺑﻜﺮﻱ ﺍﻧﺎ ﻫﺎﺫ ﺍﻟﻌﺎﻡ ﺍﻧﺎ : ﻋﻤﺮﺍﻥ ﺷﻨﻮ ﻛﺪﻳﺮ ﻫﻨﺎ ﻭﺍﺵ ﻛﺘﻌﺮﻑ ﺷﻲ ﺣﺪ ﻫﻨﺎ ﻋﻤﺮﺍﻥ ﺷﻴﺮ ﻟﻴﺎ ﻟﺒﺎﺏ ﺷﻔﺘﻬﺎ ﺗﺸﺪﺍﺕ ﻃﻠﻌﺎﺕ ﻛﺘﻔﺎﻧﻲ ﺑﺠﻮﺝ ﺑﻤﻌﻨﻲ ﻣﺸﻲ ﺳﻮﻗﻲ ﻋﻤﺮﺍﻥ : ﺑﺎﻳﻨﺔ ﻗﺮﺍﻳﺔ ﻣﻊ ﺭﺍﺳﻚ ﺍﻧﺎ : ﻭ ﺍﻧﺎ ﻟﻲ ﻣﻜﻨﺴﻮﺍﺵ ﻛﻮ ﺩﺧﻠﺖ ﺣﺴﻦ ﻟﻴﺎ ﻭ ﻟﻜﻦ ﺣﺘﻰ ﺩﺍﺑﺎ ﻣﺰﺍﻝ ﺍﻟﺤﺎﻝ ﻧﻤﺸﻲ ﻧﺮﻏﺐ ﺑﺎ ﻣﺒﺎﺭﻙ ﻳﺤﻞ ﻟﻴﺎ ﺍﻟﺒﺎﺏ ﻳﺎﻟﻠﻪ ﺑﺴﻼﻣﺔ ﺑﻐﻴﺖ ﻧﻤﺸﻲ ﻭ ﻫﻮ ﻳﺸﺪ ﻟﻴﺎ ﻓﻴﺪﻱ : ﻻ ﺗﺴﻨﺎﻱ ﺑﻐﻴﺖ ﻧﻬﺪﺭ ﻣﻌﺎﻙ ﺍﻧﺎ : ﺩﺍﺑﺎ ﺟﻴﺘﻲ ﻟﻬﻨﺎ ﺑﺎﺵ ﺗﻬﺪﺭ ﻣﻌﺎﻳﺎ ﻋﻤﺮﺍﻥ ﺑﺘﺴﻢ ﻭﺍﺣﺪ ﺍﺑﺘﺴﺎﻣﺔ ﻧﺴﺎﺗﻨﻲ ﻛﻠﺸﻲ ﻭﺍﺍﺍﺍﻭ ﻓﺎﺵ ﻛﻴﻀﺤﻚ ﻛﻴﺠﻲ ﻛﻴﺤﻤﻖ : ﺍﻩ ﺟﻴﺖ ﺑﺎﺵ ﻧﺸﻮﻓﻚ ﺑﺤﻴﺚ ﺍﻟﺒﺎﺭﺡ ﻫﻮ ﺑﻐﻰ ﻳﻬﺪﺭ ﻋﻠﻰ ﺍﻟﺒﺎﺭﺡ ﻭ ﺍﻧﺎ ﻧﻘﺎﻃﻌﻮ : ﺍﺫﺍ ﺯﺩﺗﻲ ﻛﻠﻤﺔ ﻋﻠﻰ ﺫﺍﻙ ﺍﻟﺸﻲ ﻟﻲ ﻭﻗﻊ ﺍﻟﺒﺎﺭﺡ ﺍﻧﺎ ﻏﻨﻤﺸﻲ ﺑﺤﺎﻟﻲ ﻣﺒﻐﻴﺘﺶ ﻧﺘﺬﻛﺮ ﺷﻨﻮ ﻭﻗﻊ ﺍﻟﺒﺎﺭﺡ ﺷﺪ ﻟﻴﺎ ﻓﻴﺪﻱ ﺑﺎﺵ ﻣﻨﻤﺸﻴﺶ : ﻻ ﺑﻘﺎﻱ ﺍﻧﺎ ﺑﻐﻴﺖ ﻧﻬﺪﺭ ﻣﻌﺎﻛﻲ ﻳﺤﻠﻴﻠﻲ ﻳﻜﻤﺎ ﺗﻜﻼ ﻓﻴﺎ ﻭ ﺑﻐﻰ ﻳﺮﺗﺎﺑﻂ ﺑﻴﺎ ﺑﻼ ﻣﺘﺸﻮﻓﻮ ﻓﻴﺎ ﻫﻜﺬﺍ ﺭﺍﻩ ﺧﺘﻜﻢ ﺑﻮﻛﻮﺻﺔ ﻧﺎﺭﻱ ﻭ ﻳﻘﻮﻝ ﻟﻴﺎ ﻧﺘﺼﺎﺣﺒﻮ ﻏﻨﻮﺍﻓﻖ ﻭ ﺍﻧﺎ ﻋﻨﻴﺎ ﻣﻐﻤﻀﻴﻦ ﺷﻜﻮﻥ ﺗﺸﻮﻑ ﻫﺎﺫ ﺍﻟﺰﻳﻦ ﻭ ﺗﺮﻓﺾ: ﻭﻱ ﻓﺎﺵ ﺑﻐﻴﺘﻲ ﻧﻬﺪﺭﻭ ﻋﻤﺮﺍﻥ : ﻧﻘﺪﻭ ﻧﻤﺸﻴﻮ ﻧﺠﻠﺴﻮ ﻓﺸﻲ ﺑﻼﺻﺔ ﺑﻮﺣﺪﻧﺎ ﺑﺤﻴﺚ ﻫﺎﺫ ﺍﻟﻬﺪﺭﺓ ﻣﻜﺘﻘﺎﻟﺶ ﻓﺎﻱ ﺑﻼﺻﺔ ﺧﺎﺻﻨﺎ ﺑﻼﺻﺔ ﻫﺎﺩﺋﺔ ﺑﺎﺵ ﻧﻬﺪﺭﻭ ﻻ ﻻ ﻫﺬﺍ ﻣﻌﻮﺍﻟﺶ ﻋﻠﻰ ﺍﻟﻤﺼﺎﺣﺒﺔ ﺍﻟﺮﺍﺟﻞ ﺑﻐﻲ ﻳﻀﺮﺏ ﺍﻟﺤﺪﻳﺪ ﺣﺬﻭ ﺳﺨﻮﻥ ﻏﻴﻄﻠﺐ ﻣﻨﻲ ﺯﻭﺍﺝ ﻧﺎﺭﻱ ﻣﺒﻌﻴﺪﺵ ﻳﻘﻮﻝ ﻟﻴﺎ ﻧﺘﺰﻭﺟﻮ ﺩﺍﺑﺎ ﻭﻟﻜﻦ ﻣﺠﺒﺘﺶ ﻣﻌﺎﻳﺎ ﻟﻜﺎﺭﻁ ﻧﺎﺳﻴﻮﻧﺎﻝ ﺑﻔﻔﻔﻒ ﺍﻧﺎ ﻭﻳﻠﺔ ﻛﻠﺒﺔ ﻭﺍﺵ ﻛﺎﻳﻦ ﺷﻲ ﺣﺪ ﻛﻴﺨﺮﺝ ﺑﻼ ﻻﻛﺮﻁ : ﺍﻭﻙ ﻧﻤﺸﻴﻮ ﻃﻠﻌﺖ ﻣﻌﺎﻩ ﻓﻄﻮﻣﺒﻴﻞ ﻭ ﻣﺸﻴﻨﺎ ﻟﻮﺍﺣﺪ ﺍﻟﻜﺎﻓﻲ ﻛﻄﻞ ﻋﻠﻰ ﺍﻟﺒﺤﺮ ﻫﺎﺩﺋﺔ ﺑﺰﺍﻑ ﻃﻠﺐ ﻫﻮ ﻗﻬﻮﺓ ﻭ ﺍﻧﺎ ﻃﻠﺒﺖ ﻋﺼﻴﺮ ﺣﺎﻣﺾ ﺑﻘﻴﺖ ﻛﻨﺘﺴﻨﺎﻩ ﻳﻨﻮﺽ ﻭ ﻳﻨﺰﻝ ﻋﻠﻰ ﺭﻛﺒﺘﻮ ﺑﺎﺵ ﻳﻄﻠﺐ ﻣﻨﻲ ﺍﻟﺰﻭﺍﺝ ﻭ ﻃﺎﻝ ﺍﻻﻧﺘﻈﺎﺭ ﻭ ﻫﻮ ﺳﺎﻛﺖ ﻛﻴﺘﺄﻣﻞ ﻓﺎﻟﺒﺤﺮ ﻭ ﺍﻧﺎ ﻛﻨﺘﺴﻨﻰ ﻋﻠﻰ ﺍﻋﺼﺎﺑﻲ ﺷﻮﻳﺔ ﻭ ﻫﻮ ﻳﻘﺎﺩ ﺍﻟﺠﻠﺴﺔ ﺍﻭﻳﻠﻲ ﻏﻴﻄﻠﺐ ﻣﻨﻲ ﺯﻭﺍﺝ ﻫﻮ ﺟﺎﻟﺲ ﺻﺎﻓﻲ ﻭﺍﺧﺔ ﻣﻌﻠﻴﺶ ﺍﻟﻤﻬﻢ ﻫﻮ ﻧﺘﺰﻭﺟﻮ ﺷﻮﻳﺔ ﻭ ﻫﻮ ﻳﻬﺪﺭ ﻋﻤﺮﺍﻥ : ﻫﺒﺔ ﺑﺼﺎﺭﺣﺔ ﺍﻧﺎ ﺑﻐﻴﺖ ﻧﻬﺪﺭ ﻣﻌﺎﻙ ﻓﻤﻮﺿﻮﻉ ﻣﻬﻢ ﺍﻩ ﺍﻩ ﻏﻴﺮ ﻗﻮﻟﻬﺎ ﺍﻧﺎ ﻗﺎﺑﻠﺔ ﻗﺎﺑﻠﺔ ﻏﻴﺮ ﻧﻄﻖ ﺍﻧﺎ : ﺷﻨﻮ ﻫﻮ ﻋﻤﺮﺍﻥ : ﺑﺼﺎﺭﺣﺔ ﺍﻧﺎ ﺑﻐﻴﺘﻚ ﺗﻜﻮﻧﻲ .... ﻣﺨﻠﻴﺘﻮﺵ ﻳﻜﻤﻞ ﻫﺪﺭﺗﻮ ﻭ ﻧﻄﻘﺖ ﺑﺎﻟﺠﻬﺪ : ﺍﻧﺎ ﻣﻮﺍﻓﻘﺔ ﺍﻩ ﻣﻮﺍﻓﻘﺔ ﻋﻤﺮﺍﻥ ﺑﺪﺍ
ﻳﻀﺤﻚ : ﻭﻟﻜﻦ ﺍﻧﺎ ﺑﺎﻗﻲ ﻣﻘﻠﺖ ﻭﺍﻟﻮﺍﻧﺎ : ﻣﻌﻠﻴﺶ ﻭﺍﺧﺔ ﻣﺘﻘﻮﻟﻬﺎﺵ ﻣﺒﺎﺷﺮﺓ ﺑﺤﻴﺚ ﺍﻻﻏﻠﺒﻴﺔ ﺩﻳﺎﻝ ﺍﻟﺮﺟﺎﻝ ﻛﻴﺤﺸﻤﻮ ﻳﻄﻠﺒﻮﻫﺎ ﻋﻠﻨﻴﺔ ﻋﻤﺮﺍﻥ ﺑﺪﺍ ﻳﻀﺮﺏ ﻓﺎﻟﻄﺒﻠﺔ ﺑﻘﻮﺓ ﺍﻟﻀﺤﻚ ﻭ ﻛﻠﺸﻲ ﻛﻴﺸﻮﻑ ﻓﻴﻨﺎ ﻋﻤﺮﺍﻥ : ﻧﺘﻲ ﺧﻄﻴﺮﺓ ﻭﺍﻟﻠﻪ ﺍﻟﺤﻤﻘﺔ ﺷﻨﻮ ﻛﻴﺤﺴﺎﺑﻚ ﻏﻨﻘﻮﻝ ﻟﻴﻚ ﻫﻬﻬﻬﻬﻬﻪ ﺍﻧﺎ ﻛﻴﻒ ﺍﻟﺒﻬﻴﻤﺔ ﺟﺎﻭﺑﺖ ﺑﻼ ﻣﻨﺤﺲ : ﻏﺘﻄﻠﺐ ﻣﻨﻲ ﺍﻟﺰﻭﺍﺝ ﻋﻤﺮﺍﻥ ﻫﻨﺎ ﺗﻔﺮﻛﻊ ﺑﺎﻟﻀﺤﻚ : ﻫﻬﻬﻬﻬﻬﻬﻬﻬﻪ ( ﻗﺮﺏ ﻟﻴﺎ ﻛﻴﺸﻮﻑ ﻓﻌﻨﻴﺎ ) ﻋﻤﺮﻱ ﺷﻔﺖ ﻓﺤﻴﺎﺗﻲ ﺑﻨﺖ ﻛﺒﺤﺎﻟﻚ ﺟﺮﻳﺌﺔ ﻭ ﺩﻣﻬﺎ ﺧﻔﻴﻒ ﻟﻬﺎﺫ ﺍﻟﺪﺭﺟﺔ ﺧﻨﺰﺭﺕ ﻓﻴﻪ ﻣﺰﻳﺎﻥ ﻭ ﺑﺼﺎﺭﺣﺔ ﻣﺮﺿﻴﺘﺶ ﺑﺤﻴﺚ ﻓﻬﻤﺖ ﺍﻟﻤﻮﺿﻮﻉ ﻛﻠﻮ ﺑﺎﻟﻤﻘﻠﻮﺏ : ﺍﻟﻮﻳﻞ ﺍﻟﻜﺤﻞ ﺷﻨﻮ ﺑﺎﻏﻲ ﻣﺘﻲ ﻋﻠﻰ ﻫﺎﺫ ﺍﻟﻘﺒﺎﻝ ﻋﻤﺮﺍﻥ ﻛﻴﺤﺎﻭﻝ ﻣﻴﺒﻘﺎﺵ ﻳﻀﺤﻚ : ﺍﻧﺎ ﻫﻬﻬﻪ ﺑﻐﻴﺖ ﻧﻬﺪﺭ ﻟﻴﻚ ﻫﻬﻬﻪ ﻋﻠﻰ ﻣﻠﻚ ﺍﻧﺎ : ﺷﻮﻑ ﺍﻳﻤﺎ ﻫﺪﺭ ﻭﻻ ﺿﺤﻚ ﻋﻤﺮﺍﻥ ﻛﻴﺘﻨﻔﺲ : ﺍﻭﻭﻭ ﺻﺎﻓﻲ ﺳﻤﺤﻲ ﻟﻴﺎ ﻭﻟﻜﻦ ﻣﻌﻨﺪﻱ ﻣﻴﺴﺎﻟﻚ ﻛﺘﻌﺮﻓﻲ ﺗﻀﺤﻜﻲ ﻭ ﻭﺍﻟﻠﻪ ﻣﻜﻨﺖ ﻛﻨﻀﺤﻚ ﻟﻜﻦ ﻧﺘﺎ ﻣﺰﺩﻗﺘﻴﺶ ﻭﻟﻜﻦ ﻏﻴﺮ ﺻﺒﺮ ﻋﻠﻴﺎ ﻧﺠﻴﺒﻚ ﻧﺠﻴﺒﻚ : ﻫﻬﻬﻪ ﺍﻭﻯ ﻛﻤﻞ ﻫﺪﺭﺗﻚ ﻣﺎﻟﻬﺎ ﻣﻠﻚ ﻳﺎﻙ ﻗﻠﺖ ﻟﻴﻚ ﻣﺘﻬﺪﺭﺵ ﻓﺎﻟﻤﻮﺿﻮﻉ ﺩﻳﺎﻝ ﺍﻟﺒﺎﺭﺡ ﻋﻤﺮﺍﻥ : ﻫﺒﺔ ﺍﻧﺎ ﺑﻐﻴﺘﻚ ﺗﻌﺎﻭﻧﻲ ﻣﻠﻚ ﺍﻧﺎ : ﺷﻨﻮ ﻧﻌﺎﻭﻧﻬﺎ ﻋﻼﺵ ﻣﺎﻟﻬﺎ ﻋﻤﺮﺍﻥ : ﺑﺼﺎﺭﺣﺔ ﻣﻠﻚ ﻧﻮﻋﺎ ﻣﺎ ﻫﻲ ﻛﺌﻴﺒﺔ ﻣﻜﺘﻬﺪﺭ ﻣﻊ ﺣﺪ ﻫﻲ ﻛﺘﻠﻮﻡ ﺭﺍﺳﻬﺎ ﻟﻴﻞ ﻧﻬﺎﺭ ﻋﻠﻰ ﺍﻟﻤﻮﺕ ﺩﻳﺎﻝ ﻣﺎﻣﺎﻫﺎ ﺍﻧﺎ : ﺷﻨﻮ ﻭﺍﺵ ﻣﺎﻣﻬﺎ ﻣﻴﺘﺔ ﻋﺎﻭﺩﻟﻲ ﺑﺎﺵ ﻧﻘﺪ ﻧﻌﺎﻭﻧﻬﺎ ﻭﺍﺧﺔ ﺗﻌﺎﻳﺮﺕ ﺍﻧﺎ ﻭ ﻫﻲ ﻭﻟﻜﻦ ﻫﻲ ﺑﺎﻟﻔﻌﻞ ﺩﺍﻳﺮﺓ ﻛﻴﻒ ﺍﻟﻤﻼﻙ ﺍﺳﻢ ﻋﻠﻰ ﻣﺴﻤﻰ ﻓﻠﺶ ﺳﻤﻌﺖ ﺑﻠﻲ ﺑﻨﺖ ﻓﺬﺍﻙ ﺍﻟﺴﻦ ﺟﺎﻫﺎ ﺍﻛﺘﺌﺎﺏ ﻭ ﻛﺘﻠﻮﻡ ﺭﺍﺳﻬﺎ ﻋﻠﻰ ﻣﻮﺕ ﺍﻻﻡ ﺣﺴﻴﺖ ﺑﺎﻻﻟﻢ ﻓﺼﺪﺭﻱ ﺑﻘﺎﺕ ﻓﻴﺎ ﻭﺍﺧﺔ ﻧﻜﻮﻥ ﻛﻨﻜﺮﻩ ﺑﺎﻫﺎ ﻭﻟﻜﻦ ﻫﻲ ﻣﻌﻨﺪﻫﺎ ﺫﻧﺐ ﻭ ﺍﺫﺍ ﻛﻨﺖ ﻧﻘﺪ ﻧﻌﺎﻭﻧﻬﺎ ﻣﻐﺪﻳﺶ ﻧﺘﺮﺩﺩ ﻭﻟﻮ ﻟﺤﻈﺔ ﻋﻤﺮﺍﻥ : ﻗﺒﻞ ﺧﻤﺲ ﺳﻨﻴﻦ ﻣﻠﻚ ﻛﺎﻧﺖ ﻳﺎﻟﻠﻪ ﻛﺘﺤﺒﻮ ﻋﻨﺪﻫﺎ ﺳﺖ ﺷﻬﻮﺭ ﻫﻜﺬﺍﻙ ﻛﺎﻧﺖ ﺷﻤﻌﺔ ﺣﺪﺍﻫﺎ ﻃﺎﺣﺖ ﻋﻠﻰ ﺍﻟﺨﻤﻴﺔ ﻭ ﺷﻌﻼﺕ ﻓﻴﻬﺎ ﺍﻟﻨﺎﺭ ﺍﻻﻡ ﺩﻳﺎﻟﻬﺎ ﻧﺴﺮﻳﻦ ﻣﻜﺎﻧﺘﺶ ﻓﺎﻟﺒﻴﺖ ﻭ ﻏﻴﺮ ﺑﺪﺍ ﺍﻟﺪﺧﺎﻥ ﻛﻴﻨﺘﺸﺮ ﻓﺎﻟﺪﺍﺭ ﺟﺎﺕ ﻛﺘﺠﺮﻱ ﺑﺎﺵ ﺗﺸﻮﻑ ﺷﻨﻮ ﻭﺍﻗﻊ ﻟﺴﻮء ﺍﻟﺤﻆ ﻛﺎﻧﺖ ﺑﻮﺣﺪﻫﺎ ﻓﺎﻟﺪﺍﺭ ﻣﻜﺎﻧﺶ ﺳﻴﻒ ﻫﻲ ﺩﺧﻼﺕ ﻭﺳﻂ ﺍﻟﻌﺎﻓﻴﺔ ﺑﺎﺵ ﺗﺨﺮﺝ ﺑﻨﺘﻬﺎ ﻟﻲ ﻛﺎﻧﺖ ﻛﺘﺒﻜﻲ ﻗﺪﺍﺕ ﻛﺎﻧﻬﺎ ﺗﻠﻘﻰ ﻣﻠﻚ ﻭ ﺣﻤﺎﺗﻬﺎ ﺑﺮﻭﺣﻬﺎ ﻓﺎﺵ ﻛﺎﻧﺖ ﺧﺎﺭﺟﺔ ﻃﺎﺡ ﻋﻠﻴﻬﺎ ﺑﻼﻛﺮ ﻟﻲ ﻛﺎﻥ ﻛﻠﻮ ﻋﺎﻓﻴﺔ ﻻﺣﺖ ﻣﻠﻚ ﺑﺮﺍ ﺍﻟﺒﻴﺖ ﻭ ﻫﻲ ﻓﻘﺪﺍﺕ ﺍﻟﻮﻋﻲ ﻭ ﺑﻘﺎﺕ ﻭﺳﻂ ﺍﻟﻌﺎﻓﻴﺔ ﺣﺘﻰ ﺷﺎﻓﻮ ﺍﻟﺠﻴﺮﺍﻥ ﺍﻟﻌﺎﻓﻴﺔ ﺷﺎﻋﻠﺔ ﻓﺎﻟﺪﺍﺭ ﺩﺧﻠﻮ ﻳﺸﻮﻓﻮ ﺷﻨﻮ ﻭﺍﻗﻊ ﻟﻘﺎﻭ ﻣﻠﻚ ﺑﻌﻴﺪﺓ ﻋﻠﻰ ﺍﻟﻌﺎﻓﻴﺔ ﻛﺘﺒﻜﻲ ﻭ ﻧﺴﺮﻳﻦ ﻓﺎﻗﺪﺕ ﺍﻟﻮﻋﻲ ﻭ ﻛﻠﻬﺎ ﻣﺤﺮﻭﻗﺔ ﻋﻠﻤﺎ ﻭﺻﻞ ﺍﻻﺳﻌﺎﻑ ﻫﻲ ﻣﺎﺗﺖ ﺍﻟﻘﺼﺔ ﺩﻳﺎﻝ ﻣﻠﻚ ﺍﺗﺮﺍﺙ ﻓﻴﺎ ﺑﺰﺍﻑ ﺑﺪﻳﺖ ﻧﺒﻜﻲ ﺑﻼ ﻣﻨﺤﺲ ﺍﻧﺎ : ﻭ ﺷﻨﻮ ﺍﻟﻤﻄﻠﻮﺏ ﻣﻨﻲ ﺍﻧﺎ
يتبع ...